100 మిలియన్ వ్యూస్తో ఓటీటీలో దుమ్మురేపుతున్న చిన్న సినిమా..
టాలీవుడ్ హీరో ఆది సాయికుమార్ కెరీర్లో చాలా కాలం తర్వాత వచ్చిన బిగ్ రిలీఫ్ మూవీ 'శంబాల'. థియేటర్లలో విడుదలైనప్పటి నుంచి ఊహించని స్థాయిలో ప్రేక్షకుల ఆదరణ పొందిన ఈ మిస్టరీ థ్రిల్లర్, మౌత్ టాక్ బలంతోనే మంచి కలెక్షన్లు రాబట్టి ట్రేడ్ వర్గాలను ఆశ్చర్యపరిచింది. కమర్షియల్ పరంగా కష్టకాలం ఎదుర్కొంటున్న ఆది సాయికుమార్కు ఈ సినిమా కెరీర్ టర్నింగ్ పాయింట్గా మారిందని సినీ విశ్లేషకులు అభిప్రాయపడుతున్నారు.
దర్శకుడు యుగంధర్ ముని తెరకెక్కించిన 'శంబాల', ఆద్యంతం ఉత్కంఠను నిలబెట్టే కథనంతో ప్రేక్షకులను సీటుకు కట్టిపడేసింది. ఆది నటనకు తోడు, శ్రీచరణ్ పాకాల అందించిన పవర్ఫుల్ బ్యాక్గ్రౌండ్ స్కోర్ ఈ సినిమాను మరో లెవెల్కు తీసుకెళ్లింది. ఈ చిత్రంలో అర్చన అయ్యర్, మధునందన్, రవి వర్మ కీలక పాత్రల్లో నటించి తమ పాత్రలకు పూర్తి న్యాయం చేశారు. సహనటులుగా అందరూ బలమైన పెర్ఫార్మెన్స్ ఇవ్వడంతో కథ మరింత ప్రభావవంతంగా మారింది. మహిధర్ రెడ్డి, రాజశేఖర్ అన్నభిమోజు సంయుక్తంగా నిర్మించిన ఈ సినిమా, కంటెంట్ మీద నమ్మకంతో తెరకెక్కిన ప్రాజెక్ట్గా నిలిచింది.
కథలోని మిస్టరీ ఎలిమెంట్స్, ట్విస్టులు, క్లైమాక్స్ వరకు సాగే టెన్షన్ సినిమాకు ప్రధాన బలంగా నిలిచాయి. ముఖ్యంగా థ్రిల్లర్ జానర్లో ఆది సాయికుమార్ చూపించిన మెచ్యూర్డ్ పెర్ఫార్మెన్స్కు ప్రేక్షకుల నుంచి ప్రశంసలు వెల్లువెత్తాయి. కీలక సన్నివేశాల్లో నేపథ్య సంగీతం కథ ఉత్కంఠను మరింత పెంచిందని సినీ అభిమానులు చెబుతున్నారు. అలాగే సినిమాటోగ్రఫీ, ఎడిటింగ్ కూడా కథను బలంగా ముందుకు నడిపించడంలో కీలక పాత్ర పోషించాయి.
థియేటర్లలో మంచి విజయం సాధించిన 'శంబాల', ఇప్పుడు ఓటీటీలోనూ సరికొత్త రికార్డులు సృష్టిస్తోంది. ప్రముఖ ఓటీటీ ప్లాట్ఫార్మ్ ఆహాలో విడుదలైన ఈ చిత్రం కేవలం 11 రోజుల్లోనే 100 మిలియన్ స్ట్రీమింగ్ నిమిషాలను నమోదు చేయడం సంచలనంగా మారింది. ఈ అచీవ్మెంట్తో ట్రేడ్ వర్గాలు మాత్రమే కాకుండా ఇండస్ట్రీ కూడా ఆశ్చర్యపోయింది.
ప్రస్తుతం తెలుగులో స్ట్రీమింగ్లో దూసుకుపోతున్న 'శంబాల', త్వరలోనే హిందీ ప్రేక్షకులను కూడా పలకరించనుంది. ఈ సినిమా హిందీ వెర్షన్ స్ట్రీమింగ్ హక్కులను అమెజాన్ ప్రైమ్ వీడియో దక్కించుకున్నట్లు సమాచారం. త్వరలోనే హిందీలోనూ స్ట్రీమింగ్ ప్రారంభం కానుండటంతో, వ్యూవర్షిప్ సంఖ్య మరింత పెరిగే అవకాశం ఉందని సినీ విశ్లేషకులు అంచనా వేస్తున్నారు.
ఒక వైపు థియేటర్లలో, మరోవైపు ఓటీటీలో భారీ విజయం సాధించడంతో 'శంబాల' ఆది సాయికుమార్ కెరీర్లో ఒక మైలురాయిగా నిలిచింది. చాలా కాలం తర్వాత ఒక స్ట్రాంగ్ కమర్షియల్ హిట్ ఖాతాలో పడటంతో ఆయన అభిమానులు ఆనందం వ్యక్తం చేస్తున్నారు. ఇకపై ఆది మరిన్ని కంటెంట్ ఓరియెంటెడ్, థ్రిల్లర్ సినిమాలపై దృష్టి పెట్టే అవకాశం ఉందని ఇండస్ట్రీ వర్గాలు చెబుతున్నాయి.
Click it and Unblock the Notifications
Sign in with Google