అప్పుడు ఎంజీఆర్ - జయలలిత.. ఇప్పుడు విజయ్ - త్రిష: చరిత్ర రిపీట్ అవుతోందా?
తమిళనాడులో సినిమా, రాజకీయం వేర్వేరు కావు. సినిమా వారిని గుండెల్లో గుడికట్టుకొని పూజించుకుంటారు తమిళ తంబీలు. ఎంజీఆర్ - జయలలిత సుమారు 28 సినిమాల్లో కలిసి నటించారు. వారిద్దరిని తెరపై చూసి ప్రజలు మురిసిపోయేవారు. అదే తరహాలో, విజయ్ - త్రిషలది 'గోల్డెన్ కాంబినేషన్'. గిల్లి, తిరుపాచి వంటి బ్లాక్ బస్టర్స్ నుంచి మొన్నటి 'లియో' వరకు వీరిద్దరి మధ్య ఉన్న బాండింగ్ చూసి అభిమానులు వీరిని 'రియల్ జోడీ'గా భావించేవారు. ఎంజీఆర్ పక్కన జయలలిత ఎలాగైతే ఒక గ్లామర్ అండ్ పవర్ ఫుల్ ఐకాన్గా నిలిచారో, ఇప్పుడు విజయ్ రాజకీయ ప్రయాణంలో త్రిష కూడా అలాంటి పాత్రనే పోషించబోతున్నారనే చర్చ నడుస్తోంది.
రాజకీయ వారసత్వం - తోడుగా నిలిచే శక్తి
ఎంజీఆర్ రాజకీయాల్లోకి వెళ్ళినప్పుడు, జయలలిత ఆయనకు కేవలం స్టార్ హీరోయిన్గా మాత్రమే కాకుండా, ఒక నమ్మకమైన సేనానిగా తోడున్నారు. ముఖ్యంగా మహిళా ఓటర్లను ఆకర్షించడంలో జయలలిత కీలక పాత్ర పోషించారు. ఇప్పుడు విజయ్ స్థాపించిన తమిళగ వెట్రి కళగం (TVK) విషయంలో కూడా ఇదే చర్చ జరుగుతోంది. విజయ్కు యువతలో విపరీతమైన ఫాలోయింగ్ ఉంది. త్రిషకు మహిళల్లో, క్లాస్ ఆడియన్స్లో మంచి క్రేజ్ ఉంది. భవిష్యత్తులో విజయ్ ముఖ్యమంత్రిగా పాలన సాగిస్తున్నప్పుడు, జయలలిత తరహాలోనే త్రిష కూడా ఒక కీలక పదవిలోనో లేదా పార్టీ ప్రచార బాధ్యతల్లోనో కనిపించే అవకాశం ఉందని విశ్లేషకులు అభిప్రాయపడుతున్నారు.
భవిష్యత్తులో వీరిద్దరూ ఇలాగే కాబోతున్నారా?
ఎంజీఆర్ మరణానంతరం జయలలిత ఆ పార్టీకి 'అమ్మ'గా మారి ఎలాగైతే పార్టీని బలోపేతం చేశారో, విజయ్ తర్వాత త్రిష కూడా అలాంటి రాజకీయ వారసురాలిగా మారతారా? అన్నది ఇప్పుడు హాట్ టాపిక్. ఎంజీఆర్కు జయలలిత అత్యంత ఆప్తురాలు. అదేవిధంగా, విజయ్ పర్సనల్ లైఫ్లోనూ, ప్రొఫెషనల్ లైఫ్లోనూ త్రిష ఆయనకు అత్యంత సన్నిహితురాలనే వార్తలు నిత్యం వస్తున్నాయి. ఇటీవలే ఓ వివాహానికి వీరిద్దరూ ఒకే రంగులో ఉండే దుస్తులు ధరించి హాజరయ్యారు. జయలలితకు ఉన్న వాక్చాతుర్యం, ధైర్యం త్రిషలో కూడా ఉన్నాయని అభిమానులు నమ్ముతున్నారు. విజయ్ రాజకీయంగా బిజీగా ఉన్నప్పుడు, గ్లామర్, పొలిటికల్ మైలేజ్ రెండింటినీ బ్యాలెన్స్ చేయగల శక్తి త్రిషకు ఉందని నమ్ముతున్నారు.
ఎంజీఆర్ కాలంలో మీడియా ప్రభావం తక్కువ. కానీ ఇప్పుడు సోషల్ మీడియా యుగం. విజయ్ - త్రిషలపై వచ్చే ప్రతి వార్తా సంచలనమే. ఎంజీఆర్ - జయలలిత బంధం ఎలాగైతే అనేక వివాదాలు, ఆరోపణలను దాటుకుని 'విజయ బంధం'గా నిలిచిందో, విజయ్ - త్రిష కూడా వ్యక్తిగత విమర్శలను ఎదుర్కొంటూనే రాజకీయంగా ఒకరికొకరు బలంగా నిలవాలని చూస్తున్నారు. తమిళ రాజకీయాలు ఎప్పుడూ వ్యక్తిగత ఆరాధనపైనే ఆధారపడి ఉంటాయి. ఒక హీరో తన పక్కన ఉండే హీరోయిన్ను రాజకీయాల్లోకి తీసుకొస్తే, ప్రజలు వారిని ఒక పవర్ కపుల్గా స్వీకరించడానికి సిద్ధంగా ఉంటారు. మే 7న విజయ్ ముఖ్యమంత్రిగా పగ్గాలు చేపట్టబోతున్న నేపథ్యంలో, ఆ వేదికపై త్రిష మెరిస్తే.. చరిత్ర మరోసారి పునరావృతమైనట్లే! ఎంజీఆర్ - జయలలిత తర్వాత తమిళనాడు చూడబోతున్న అత్యంత ప్రభావవంతమైన 'పొలిటికల్ కాంబినేషన్' విజయ్ - త్రిషనే కాబోతున్నారు.
Click it and Unblock the Notifications
Sign in with Google