జనసేన తెలంగాణా స్థానికసంస్థల ఎన్నికల్లో పోటీ చేస్తే ఎవరికి లాభం ? ఎవరికి నష్టం ? మీ కామెంట్ ఏంటి ?
జనసేన అధినేత పవన్ కళ్యాణ్ తెలంగాణాలో జరిగే స్థానిక సంస్థల ఎన్నికల్లో పోటీ చెయ్యనున్నారా ?తెలంగాణలో త్వరలో జరిగే స్థానిక సంస్థల పోరులో పోటీ చేసే అంశం పైనే ఇప్పుడు జనసేన అధినేత పవన్ కళ్యాణ్ ఆలోచన చేస్తున్నారా ? ఒకవేళ పోటీ చేస్తే ఏ పార్టీ కి లాభం ఏ పార్టీ కి నష్టం అన్నది ఇప్పుడు తెలంగాణలో చర్చకు కారణం అవుతుంది.
మరో ఎన్నికల సమరానికి జనసేన సిద్దం ! సేనాని ఆమోదం కోసం వేయిటింగ్ !
తెలంగాణలో జరగనున్న ఎంపీటీసీ, జడ్పీటీసీ ఎన్నికల్లో పోటీ చేయాలని జనసేన పార్టీ తెలంగాణ నేతలు అధినేత వద్ద ప్రతిపాదిస్తున్నారు. పార్టీ తెలంగాణ ఇన్చార్జి శంకర్గౌడ్, మరో నేత మహేందర్రెడ్డి పార్టీ అధినేత పవన్కళ్యాణ్ ముందు దీనిపైన సదీర్ఘ చర్చ జరిపారు . పరిషత్ ఎన్నికలు పార్టీ గుర్తులపై జరుగుతున్నాయని..ఆ ఎన్నికల్లో పోటీ చేస్తే మేలు జరుగుతుందని వారు జనసేనాని పవన్ కళ్యాణ్ కు వివరించారు. జనసేన ఉనికి తెలంగాణాలో చాటుకునేందుకు ఈ ఎన్నికల్లో పోటీ చేస్తే బాగుంటుందని వారు అభిప్రాయపడ్డారు .
దీని పైన సానుకూలంగా స్పందించిన పవన్ కళ్యాణ్ ముఖ్య నేతల అభిప్రాయాలు, కార్యకర్తల మనోగతం ఎలా ఉందో చర్చించి తనకు చెప్పాలని, ఆ తర్వాత నిర్ణయం తీసుకుందామని స్పష్టం చేసారు. దీంతో..త్వరలోనే తెలంగాణ స్థానిక సంస్థల బరిలో పోటీ చేసే అంశం పైన పవన్ నిర్ణయం తీసుకోనున్నారని తెలుస్తుంది.
ఇక ఈ నేపధ్యంలోనే జనసేనాని తెలంగాణా స్థానిక సంస్థల ఎన్నికల బరిలో నిలిస్తే ఏ పార్టీ కి ఇబ్బందికర పరిస్థితులు ఉంటాయి .. జనసేన తెలంగాణా ఎన్నికల్లో ప్రభావం చూపిస్తుందా ? ఎవరితో అయినా పొత్తులతో ఎన్నికలకు వెళ్ళే ఆలోచన పవన్ చేస్తారా అన్న సందేహాలు కూడా రాజకీయవర్గాల్లో చర్చనీయాంశం అవుతున్నాయి. ఏది ఏమైనా ఒకేవేల జనసేన తెలంగాణా స్థానిక సంస్థల ఎన్నికల్లో పోటీ చెయ్యాలని నిర్ణయం తీసుకుంటే , జనసేన తెలంగాణాలోని స్థానిక సంస్థల ఎన్నికల్లో పోటీ చేస్తే ఎవరికి లాభం ? ఎవరికి నష్టం ? మీ కామెంట్ ఏంటి ?