CBSE: 10, 12, సీబీఎస్ఈ పరీక్షల అడ్మిట్ కార్డులు విడుదల, ఇలా డౌన్‌లోడ్ చేస్కోండి

న్యూఢిల్లీ: పది, 12వ తరగతి పరీక్షల హాల్ టికెట్లను సెంట్రల్ బోర్డ్ ఆఫ్ సెకండరీ ఎడ్యుకేషన్ (CBSE) విడుదల చేసింది. ఫిబ్రవరి 15 నుంచి పరీక్షలు ప్రారంభం కానుండటంతో హాల్ టికెట్లను అందుబాటులో ఉంచారు. పరీక్షలు రాసేందుకు సిద్ధమైన విద్యార్థులు అధికారిక వెబ్‌సైట్‌ను సందర్శించి అడ్మిట్ కార్డులను పొందవచ్చు.

పరీక్ష సంగమ్ పోర్టల్‌లో లాగిన్ కావడం ద్వారా పాఠశాల విద్యార్థులు అడ్మిట్ కార్డులను డౌన్‌లోడ్ చేసుకోవచ్చు. యూజర్ ఐడీ, పాస్‌వర్డ్, సెక్యూరిటీ పిన్ ఎంటర్ చేసి పొందవచ్చు. అడ్మిట్ కార్డులో రోల్ నెంబర్, పరీక్షకేంద్రం, పేరు, రిపోర్టు చేయాల్సిన సమయంతోపాటు విద్యార్థులకు పలు కీలక సూచనలు ఉంటాయి.

https://cbseit.in/ వెబ్‌సైట్‌లో విద్యార్థి యూజర్ ఐడీ, పాస్‌వర్డ్, సెక్యూరిటీ పిన్ ఎంటర్ చేసి అడ్మిట్ కార్డులను డౌన్‌‌లోడ్ చేసుకోవచ్చు. కాగా, సీబీఎస్ఈ 10 పరీక్షలు ఫిబ్రవరి 15న ప్రారంభమై మార్చి 13తో ముగుస్తాయి. 12వ తరగతి పరీక్షలు ఫిబ్రవరి 15న ప్రారంభమై ఏప్రిల్ 2 వరకు కొనసాగుతాయి. కాగా, ఈసారి ప‌రీక్షకు ప‌రీక్షకు మ‌ధ్య గ్యాప్ ఇవ్వడంతోపాటు జేఈఈ మెయిన్ వంటి పోటీ ప‌రీక్షల తేదీల‌ను దృష్టిలో ఉంచుకుని షెడ్యూల్‌ను తయారు చేశారు.

ఇక్కడ క్లిక్ చేసి హాల్ టికెట్ డౌన్‌లోడ్ చేసుకుండి.

English summary

CBSE Board Exams 2024 Admit Card out, Download here.