1458 పోస్టులకు సీఆర్పీఎఫ్ రిక్రూట్‌మెంట్: మంచి జీతం, 4 నుంచి అప్లై చేయండి

Updated: Monday, January 2, 2023, 23:30 [IST]

న్యూఢిల్లీ: సెంట్రల్ రిజర్వ్ పోలీస్ ఫోర్స్ (సీఆర్పీఎఫ్) అసిస్టెంట్ సబ్ ఇన్‌స్పెక్టర్ ఏఎస్ఐ (స్టెనో), ఇతర పోస్టుల భర్తీకి దరఖాస్తులను ఆహ్వానిస్తోంది. ఆసక్తి గల అభ్యర్థులు సీఆర్పీఎఫ్ అధికారిక వెబ్‌సైట్ crpfindia.com, crpf.gov.in, crpf.nic.in ద్వారా దరఖాస్తు చేసుకోవచ్చు. ఈ రిక్రూట్‌మెంట్ డ్రైవ్ మొత్తం 1458 ఖాళీగా ఉన్న పోస్టులను భర్తీ చేస్తుంది.

రిజిస్ట్రేషన్ ప్రక్రియ జనవరి 04, 2023న ప్రారంభమవుతుంది. దరఖాస్తు చేయడానికి చివరి తేదీ జనవరి 25.

అభ్యర్థులు తప్పనిసరిగా ఇంటర్మీడియట్ (10+2) లేదా తత్సమాన పరీక్షను కేంద్ర/రాష్ట్ర ప్రభుత్వం గుర్తించిన బోర్డు లేదా విశ్వవిద్యాలయం నుంచి ఉత్తీర్ణులై ఉండాలి. దరఖాస్తును స్వీకరించే చివరి తేదీ నాటికి వయోపరిమితి 18 నుంచి 25 సంవత్సరాల వరకు ఉండాలి.