Indian Navy Job Notification: దేశ రక్షణలో భాగం పంచుకునే ఛాన్స్. మిస్ కాకండి

భారత నౌకాదళం (Indian Navy) షార్ట్ సర్వీస్ కమిషన్‌ (SSC) ద్వారా వివిధ పోస్టుల భర్తీకి నోటిఫికేషన్‌ను విడుదల చేసింది. దేశ రక్షణ రంగంలో ఉద్యోగం సాధించాలని కోరుకునే యువతకు ఇది మంచి అవకాశంగా నేవీ పేర్కొంది. ఈ నోటిఫికేషన్ ద్వారా వివిధ బ్రాంచ్‌లలో ఆఫీసర్ పోస్టులను భర్తీ చేయనున్నారు. అర్హత కలిగిన అభ్యర్థులు ఆన్‌లైన్ విధానంలో దరఖాస్తు చేసుకోవాల్సి ఉంటుంది. ఎంపికైన అభ్యర్థులకు నిర్ణీత కాలానికి షార్ట్ సర్వీస్ కమిషన్ కింద నియామకం కల్పిస్తారు.

నేవీలో ఆఫీసర్‌గా సేవలు అందించాలనుకునే అభ్యర్థులు విద్యార్హతలు, వయోపరిమితి, శారీరక ప్రమాణాలు తదితర అర్హతలను నోటిఫికేషన్‌లో పేర్కొన్న విధంగా పూర్తి చేయాల్సి ఉంటుంది. ఎంపిక ప్రక్రియలో షార్ట్‌లిస్టింగ్, ఇంటర్వ్యూ, మెడికల్ పరీక్షలు నిర్వహించనున్నట్లు నేవీ వర్గాలు తెలిపాయి.

భారత నేవీ షార్ట్ సర్వీస్ కమిషన్ (SSC) ద్వారా 260 ఆఫీసర్ పోస్టుల భర్తీకి అధికారిక నోటిఫికేషన్‌ను విడుదల చేసింది. నేవీలోని జనరల్ సర్వీస్, ఎయిర్‌క్రాఫ్ట్ పైలట్, నేవల్ ఎయిర్ ఆపరేషన్స్ ఆఫీసర్, ఎయిర్ ట్రాఫిక్ కంట్రోలర్, ఇంజినీరింగ్, ఎలక్ట్రికల్, లాజిస్టిక్స్, ఎడ్యుకేషన్ వంటి విభాగాల్లో ఈ పోస్టులను భర్తీ చేయనున్నారు. ఎంపికైన అభ్యర్థులకు షార్ట్ సర్వీస్ కమిషన్ కింద నియామకం కల్పించనున్నారు.

అప్లికేషన్ తేదీలు

నోటిఫికేషన్ ప్రకారం జనవరి 24 నుంచి ఆన్‌లైన్ దరఖాస్తు ప్రక్రియ ప్రారంభం కానుంది. ఫిబ్రవరి 24 చివరి తేదీగా నేవీ ప్రకటించింది. అభ్యర్థులు joinindiannavy.gov.in వెబ్‌సైట్ ద్వారా దరఖాస్తు చేసుకోవాలి.

అర్హతలు

పోస్టును బట్టి అర్హతలు మారుతాయని నేవీ స్పష్టం చేసింది. సాధారణంగా బి.ఇ / బీటెక్ (కనీసం 60 శాతం మార్కులు), కొన్ని విభాగాలకు పీజీ డిగ్రీలు, ఎంబీఏ, ఎంఎస్సీ అర్హతగా నిర్ణయించారు. అభ్యర్థులు భారత పౌరులై ఉండాలి. వయోపరిమితి సాధారణంగా 19 నుంచి 25/26 సంవత్సరాల మధ్య ఉండాలి (విభాగాన్ని బట్టి మార్పులు ఉంటాయి).

జీతం, ప్రయోజనాలు..

ఎంపికైన అభ్యర్థులకు 7వ వేతన సంఘం ప్రకారం లెవల్-10 నుంచి జీతం చెల్లించనున్నారు. ప్రారంభ జీతం నెలకు సుమారు రూ.1.20 లక్షల వరకు ఉండే అవకాశం ఉంది. దీనితో పాటు డీఏ, హెచ్ఆర్‌ఏ, యూనిఫాం అలవెన్స్ తదితర రక్షణ శాఖకు సంబంధించిన ప్రయోజనాలు లభిస్తాయి.

ఎంపిక విధానం

అభ్యర్థుల ఎంపిక, అకడమిక్ మార్కుల ఆధారంగా షార్ట్‌ లిస్టింగ్, సర్వీస్ సెలక్షన్ బోర్డు (SSB) ఇంటర్వ్యూలు, మెడికల్ పరీక్షల ద్వారా జరుగుతుంది. ఎంపికైన అభ్యర్థులకు కేరళలోని ఇండియన్ నేవల్ అకాడమీ (INA)లో శిక్షణ ఇవ్వనున్నారు.

English summary

The Indian Navy has issued a notification to fill 260 Short Service Commission officer posts across various branches. Eligible candidates can apply online from January 24 to February 24. Check eligibility, salary, and selection details.