సెంట్రల్ బ్యాంక్​ ఆఫ్ ఇండియాలో ఉద్యోగాలు.. 484​ పోస్టుల‌కు నోటిఫికేష‌న్‌..

నిరుద్యోగుల‌కు శుభ‌వార్త‌... సెంట్ర‌ల్ బ్యాంక్ ఆఫ్ ఇండియాలో ఉద్యోగాల‌కు నోటిఫికేష‌న్ విడుద‌ల‌య్యింది. ఈ నోటిఫికేష‌న్‌లో భాగంగా మొత్తం 484 స‌ఫాయి కర్మచారి/ సబ్​-స్టాఫ్​ పోస్టుల భర్తీకి అభ్య‌ర్థుల నుంచి ద‌ర‌ఖాస్తుల‌ను స్వీక‌రిస్తోంది. ముంబయిలోని సెంట్రల్ బ్యాంక్ ఆఫ్ ఇండియా, హ్యూమన్ క్యాపిటల్ మేనేజ్‌మెంట్ డిపార్ట్‌మెంట్- దేశ వ్యాప్తంగా ఉన్న సీబీఐ శాఖల్లో సఫాయి కర్మచారి కమ్ సబ్-స్టాఫ్/ సబ్-స్టాఫ్ పోస్టుల భర్తీకి తాజాగా నోటిఫికేష‌న్‌ను విడుద‌ల చేసింది. ఈ పోస్టుల‌కు ద‌ర‌ఖాస్తు చేసుకోవాల‌నుకునే అభ్య‌ర్థులు ఈ నెల 27వ తేదీలోగా ఆన్‌లైన్‌లో అప్ల‌య్ చేసుకోగ‌ల‌రు. ఈ ఉద్యోగాల‌కు అప్ల‌య్ చేసుకోవాల‌నుకునేవారు పదో తరగతి ఉత్తీర్ణులైన వారు అర్హులు. అర్హ‌త‌, ఆసక్తి క‌లిగిన అభ్య‌ర్థులు గడువులోగా ఆన్​లైన్​లో దరఖాస్తు చేసుకోవాల్సి ఉంటుంది.

ఇత‌ర పూర్తి వివ‌రాలు..

ఈ పోస్టుల‌కు అప్ల‌య్ చేసుకోవాల‌నుకునేవారు 31.03.2023 నాటికి 18 - 26 ఏళ్ల మధ్య వ‌య‌స్కులై ఉండాలి. ఎస్సీ, ఎస్టీ అభ్యర్థులకు అయిదేళ్ల, ఓబీసీలకు మూడేళ్లు, దివ్యాంగులకు పదేళ్ల వ‌యోప‌రిమితి వ‌ర్తిస్తుంది. ఈ పోస్టుల‌కు ద‌ర‌ఖాస్తు చేసుకోవాల‌నుకునే జ‌న‌ర‌ల్ అభ్య‌ర్థులు రూ. దరఖాస్తు రూ.850 ద‌ర‌ఖాస్తు ఫీజు చెల్లించాల్సి ఉంటుంది. ఎస్సీ, ఎస్టీ, దివ్యాంగులు, ఈఎస్‌ఎం అభ్యర్థులయితే రూ.175 చెల్లించాలి. ఈ ఉద్యోగాలు పొందిన‌వారికి నెల‌కు వేత‌నం రూ. 19,500 - రూ.37,815గా ఉంటుంది.

సఫాయి కర్మచారి కమ్ సబ్-స్టాఫ్/ సబ్-స్టాఫ్: 484 పోస్టులు

జోన్ల వారీగా ఖాళీలున్న పోస్టులివే..

అహ్మదాబాద్- 76
భోపాల్- 38,
దిల్లీ- 76,
కోల్‌కతా- 2,
లఖ్‌నవూ- 78,
ఎంఎంజడ్‌వో & పుణె- 118,
పాట్నా- 96

ఉద్యోగాల‌కు ఎంపిక చేయు విధానం..

ఆన్‌లైన్ పరీక్ష(70 మార్కులు), లోకల్ లాంగ్వేజ్ టెస్ట్(30 మార్కులు), డాక్యుమెంట్ వెరిఫికేషన్, మెడికల్ ఎగ్జామినేషన్ ఆధారంగా ఈ ఉద్యోగాల‌కు ఎంపిక చేస్తారు. ఆన్‌లైన్ పరీక్ష ఇంగ్లీషు మీడియంలో ఉంటుంది. ఆబ్జెక్టివ్‌ విధానంలో ఈ ప‌రీక్ష‌ను నిర్వహిస్తారు. ఇంగ్లిష్ లాంగ్వేజ్‌ నాలెడ్జ్‌, జనరల్‌ అవేర్‌నెస్‌, ఎలిమెంటరీ అరిథ్‌మెటిక్‌, సైకోమెట్రిక్ టెస్ట్(రీజనింగ్) అంశాల నుంచి ప్రశ్నలు వ‌స్తాయి.

ముఖ్యమైన తేదీలివే..

ఆన్‌లైన్ రిజిస్ట్రేషన్ ప్రారంభం : 21.06.2024.

ఆన్‌లైన్ రిజిస్ట్రేషన్‌కు చివరి తేదీ: 27-06-2024

ప్రీ ఎగ్జామ్‌ ట్రైనింగ్‌ ఎగ్జామ్‌ కాల్ లెటర్‌ డౌన్‌లోడ్: జులై 2024.

ప్రీ-ఎగ్జామ్ ట్రైనింగ్: జులై 2024.

ఆన్‌లైన్ పరీక్ష కాల్ లెటర్‌ డౌన్‌లోడ్: జులై/ ఆగస్టు 2024.

ఆన్‌లైన్ పరీక్ష: జులై/ ఆగస్టు 2024.

పరీక్ష ఫలితాల వెల్లడి: ఆగస్టు 2024.

లోకల్‌ లాంగ్వేజ్‌ టెస్ట్‌ కాల్ లెటర్‌ డౌన్‌లోడ్‌: సెప్టెంబర్‌ 2024.

లోకల్‌ లాంగ్వేజ్‌ టెస్ట్‌ (జోన్ల వారీగా): సెప్టెంబర్‌ 2024.

ప్రొవిజనల్‌ సెలెక్షన్‌: అక్టోబర్‌ 2024.

English summary

Good news for unemployed... Central Bank of India job notification has been released. As part of this notification, applications are being accepted from candidates for filling up a total of 484 Safai Karmachari/ Sub-Staff posts