భారీ జీతంతో కేంద్రీయ విద్యాలయాల్లో టీచర్‌ ఉద్యోగాలు..!

దేశవ్యాప్తంగా కేంద్రీయ విద్యాలయ సంఘటన్ (KVS)లో స్పెషల్ ఎడ్యుకేటర్ పోస్టుల భర్తీకి కేంద్ర ప్రభుత్వం గ్రీన్ సిగ్నల్ ఇచ్చింది. 2026-27 విద్యా సంవత్సరానికి సంబంధించి మొత్తం 987 స్పెషల్ ఎడ్యుకేటర్ ఖాళీలను భర్తీ చేయనున్నారు. దీనికి సంబంధించిన అధికారిక నోటిఫికేషన్ త్వరలో విడుదల కానుంది అని KVS వర్గాలు వెల్లడించాయి. ప్రత్యేక అవసరాలు ఉన్న విద్యార్థులకు మెరుగైన విద్యా సదుపాయాలు కల్పించడమే ఈ నియామకాల ప్రధాన ఉద్దేశమని అధికారులు తెలిపారు.

మొత్తం 987 పోస్టులలో 493 స్పెషల్ ఎడ్యుకేటర్ ట్రైన్డ్ గ్రాడ్యుయేట్ టీచర్ (TGT) పోస్టులు ఉండగా, 494 స్పెషల్ ఎడ్యుకేటర్ ప్రైమరీ టీచర్ (PRT) పోస్టులు ఉన్నాయి. ఈ నియామకాలకు కేంద్ర విద్యా మంత్రిత్వ శాఖ ఇప్పటికే అనుమతి ఇచ్చినట్లు సమాచారం. దేశవ్యాప్తంగా ఉన్న అన్ని కేంద్రీయ విద్యాలయాల్లో అవసరాన్ని బట్టి ఈ పోస్టులను కేటాయించనున్నారు. ఈ నియామకాలకు సంబంధించిన పూర్తి వివరాలు అధికారిక నోటిఫికేషన్ విడుదలైన తర్వాత వెల్లడించనున్నారు.

స్పెషల్ ఎడ్యుకేటర్ TGT పోస్టులకు అర్హతలు:

• అభ్యర్థులు కనీసం 50 శాతం మార్కులతో గ్రాడ్యుయేషన్ పూర్తి చేసి ఉండాలి. స్పెషల్ ఎడ్యుకేషన్ లేదా జనరల్‌లో బీ.ఎడ్ డిగ్రీ, ప్రత్యేక విద్యలో డిప్లొమా తప్పనిసరి.
• అలాగే సీటెట్ పేపర్-2 అర్హత, భారత పునరావాస మండలి (RCI)లో రిజిస్ట్రేషన్ ఉండాలి.
• ఈ పోస్టులకు గరిష్ట వయస్సు 35 సంవత్సరాలుగా నిర్ణయించారు.

స్పెషల్ ఎడ్యుకేటర్ PRT పోస్టులకు అర్హతలు:

• గుర్తింపు పొందిన బోర్డు నుంచి 50 శాతం మార్కులతో సీనియర్ సెకండరీ (12వ తరగతి) ఉత్తీర్ణత ఉండాలి.
• ప్రత్యేక విద్యలో డిప్లొమా, సీటెట్ పేపర్-1 అర్హత తప్పనిసరి.
• అభ్యర్థులు హిందీ, ఇంగ్లీష్ భాషల్లో బోధించగల సామర్థ్యం కలిగి ఉండాలి.
• ఈ పోస్టులకు గరిష్ట వయస్సు 30 సంవత్సరాలు.

నోటిఫికేషన్ విడుదలైన వెంటనే దరఖాస్తు చేసుకునేలా అభ్యర్థులు అవసరమైన సర్టిఫికెట్లు సిద్ధం చేసుకోవాలని సూచిస్తున్నారు. అభ్యర్థులు కేవలం KVS అధికారిక వెబ్‌సైట్ ద్వారానే దరఖాస్తు చేయాల్సి ఉంటుంది.

English summary

The Central Government has given the green signal for the recruitment of Special Educator posts in Kendriya Vidyalaya Sangathan (KVS) across the country. A total of 987 Special Educator vacancies will be filled for the academic year 2026-27.