jobs : ఎగ్జామ్ లేకుండానే ఇన్‌కమ్ ట్యాక్స్ డిపార్ట్‌మెంట్‌లో ఉద్యోగాలు..!

Published: Friday, January 30, 2026, 22:43 [IST]

ముంబయి రీజియన్‌కు చెందిన ప్రిన్సిపల్ చీఫ్ కమిషనర్ ఆఫ్ ఇన్‌కమ్ ట్యాక్స్ (Pr.CCIT) స్పోర్ట్స్ కోటా కింద ఉద్యోగాల భర్తీకి నోటిఫికేషన్ విడుదల చేసింది. అర్హత కలిగిన క్రీడాకారుల నుంచి స్టెనోగ్రాఫర్ గ్రేడ్-2, ట్యాక్స్ అసిస్టెంట్, మల్టీ-టాస్కింగ్ స్టాఫ్ (MTS) పోస్టుల భర్తీ కోసం దరఖాస్తులు ఆహ్వానిస్తోంది. ఈ నోటిఫికేషన్ ద్వారా మొత్తం 97 పోస్టులను భర్తీ చేయనున్నారు.

దరఖాస్తు గడువు..

ఇప్పటికే దరఖాస్తు ప్రక్రియ ప్రారంభమైందని అధికారులు తెలిపారు. అభ్యర్థులకు మరో 4 రోజులు మాత్రమే అవకాశం ఉండగా, జనవరి 31, 2026 చివరి తేదీగా నిర్ణయించారు. అర్హత ఉన్న అభ్యర్థులు ఆన్‌లైన్ విధానంలోనే దరఖాస్తు చేసుకోవాలి.

jobs-in-the-income-tax-department-without-an-exam-and-complete-details-about-notification

పోస్టుల వారీగా ఖాళీల వివరాలు..

స్టెనోగ్రాఫర్ గ్రేడ్-2: 12 పోస్టులు

ట్యాక్స్ అసిస్టెంట్: 47 పోస్టులు

మల్టీ-టాస్కింగ్ స్టాఫ్ (MTS): 38 పోస్టులు

మొత్తం కలిపి 97 ఖాళీలు భర్తీ చేయనున్నారు.

విద్యార్హతలు..

ఈ పోస్టులకు దరఖాస్తు చేసుకునే అభ్యర్థులు పోస్టును బట్టి

10వ తరగతి,

ఇంటర్మీడియట్,

లేదా డిగ్రీ ఉత్తీర్ణులై ఉండాలి.

అదనంగా, అభ్యర్థులు తప్పనిసరిగా గుర్తింపు పొందిన క్రీడా సంఘాల నుంచి స్పోర్ట్స్ సర్టిఫికెట్ కలిగి ఉండాలి.

ఏ క్రీడాకారులకు అవకాశం?

ఈ ఉద్యోగాలకు దరఖాస్తు చేసుకునే అభ్యర్థులు కింది క్రీడల్లో ప్రతిభ చూపిన వారై ఉండాలి:
అథ్లెటిక్స్, స్విమ్మింగ్, బ్యాడ్మింటన్, టేబుల్ టెన్నిస్, చెస్, లాన్ టెన్నిస్, క్రికెట్, బాస్కెట్‌బాల్, వాలీబాల్, కబడ్డీ, ఫుట్‌బాల్, బిలియర్డ్స్ తదితర క్రీడల్లో రాష్ట్ర, జాతీయ లేదా అంతర్జాతీయ స్థాయిలో పాల్గొన్నవారికి ప్రాధాన్యం ఉంటుంది.

వయోపరిమితి & సడలింపులు..

దరఖాస్తుదారుల వయస్సు 18 నుంచి 27 ఏళ్ల మధ్య ఉండాలి.

రిజర్వేషన్ వర్గాలకు చెందిన అభ్యర్థులకు ప్రభుత్వ నిబంధనల ప్రకారం వయోపరిమితిలో సడలింపు వర్తిస్తుంది.

దరఖాస్తు ఫీజు వివరాలు..

ఈ నోటిఫికేషన్ కింద దరఖాస్తు చేసుకునే ప్రతి అభ్యర్థి
రూ.200 దరఖాస్తు ఫీజు చెల్లించాలి.
ఫీజు చెల్లింపు ఆన్‌లైన్ విధానంలోనే ఉంటుంది.

రాత పరీక్ష లేదు..

ఈ ఉద్యోగాల ఎంపికలో ఎలాంటి రాత పరీక్ష ఉండదు.

అభ్యర్థుల క్రీడా ప్రతిభ, సర్టిఫికెట్లు, సాధించిన విజయాల ఆధారంగా తుది ఎంపిక చేస్తారు.

ఇది క్రీడాకారులకు పెద్ద అవకాశంగా అధికారులు చెబుతున్నారు.

జీతభత్యాలు..

ఎంపికైన అభ్యర్థులకు కేంద్ర ప్రభుత్వ పే స్కేల్ ప్రకారం జీతం చెల్లిస్తారు:

స్టెనోగ్రాఫర్ & ట్యాక్స్ అసిస్టెంట్: నెలకు రూ.25,500 నుంచి రూ.81,100 వరకు