ప్రసార భారతి గుడ్ న్యూస్.. రూ.80 వేల జీతంతో ఉద్యోగాలు !!
దేశంలో అతిపెద్ద పబ్లిక్ బ్రాడ్కాస్టింగ్ సంస్థ అయిన ప్రసార భారతి నిరుద్యోగులకు తీపి కబురు ప్రకటించింది. పలు విభాగాల్లో ఖాళీలను భర్తీ చేయడానికి అధికారికంగా నోటిఫికేషన్ విడుదల చేసింది. జర్నలిజం, ఎడిటింగ్, వీడియో ప్రొడక్షన్ వంటి విభాగాల్లో ఉన్న 59 పోస్టులకు అర్హులైన అభ్యర్థుల నుంచి ఆన్లైన్ దరఖాస్తులు ఆహ్వానిస్తున్నట్లు ప్రకటించింది. కాగా మీడియా, బ్రాడ్కాస్ట్ రంగంలో కెరీర్ కోరుకునే యువతకు ఇది మంచి అవకాశం అని చెప్పొచ్చు. ఆసక్తిగల అభ్యర్థులు అక్టోబర్ 21లోపు దరఖాస్తు చేసుకొని అవకాశాన్ని సద్వినియోగం చేసుకోవచ్చు.
నియామకాలు ఎక్కడెక్కడంటే..
ఈ పోస్టులు హైదరాబాద్, చెన్నై, బెంగళూరు, ముంబై, సిమ్లా, రాంచీ వంటి నగరాల్లోని వివిధ ప్రసార భారతి కేంద్రాల్లో భర్తీ చేయబడతాయి. దేశవ్యాప్తంగా ఉన్న పబ్లిక్ బ్రాడ్కాస్టింగ్ సేవలను మరింత బలోపేతం చేయడం, డిజిటల్ మీడియా విస్తరణను వేగవంతం చేయడమే ఈ నియామకాల ప్రధాన ఉద్దేశ్యమని స్పష్టం చేస్తున్నారు.
పోస్టుల వివరాలు..
మొత్తం ఖాళీలు - 59..
- సీనియర్ కరస్పాండెంట్ - 2
- యాంకర్ కమ్ కరస్పాండెంట్ గ్రేడ్-2 - 7
- యాంకర్ కమ్ కరస్పాండెంట్ గ్రేడ్-3 - 10
- బులిటెన్ ఎడిటర్ - 4
- బ్రాడ్కాస్ట్ ఎగ్జిక్యూటివ్ - 4
- వీడియో పోస్ట్ ప్రొడక్షన్ అసిస్టెంట్ - 2
- అసైన్మెంట్ కోఆర్డినేటర్ - 3
- కంటెంట్ ఎగ్జిక్యూటివ్ - 8
- కాపీ ఎడిటర్ - 7
- కాపీ రైటర్ - 1
- ప్యాకింగ్ అసిస్టెంట్ - 6
- వీడియోగ్రాఫర్ - 5
అర్హతలు..
- ఈ పోస్టులకు దరఖాస్తు చేసుకునే అభ్యర్థులు సంబంధిత విభాగంలో డిగ్రీ, పీజీ లేదా జర్నలిజం/మాస్ కమ్యూనికేషన్ డిప్లొమా పూర్తి చేసి ఉండాలి.
- మీడియా, డిజిటల్ కంటెంట్ క్రియేషన్, టెలివిజన్ బ్రాడ్కాస్టింగ్ రంగాల్లో కనీసం 2 నుండి 5 సంవత్సరాల అనుభవం ఉన్నవారికి ప్రాధాన్యం ఇవ్వబడుతుంది.
- కాపీ ఎడిటర్, కంటెంట్ ఎగ్జిక్యూటివ్ పోస్టుల కోసం ఇంగ్లీష్ మరియు హిందీ భాషలపై పట్టు తప్పనిసరి.
- వీడియోగ్రాఫర్, వీడియో ఎడిటింగ్ పోస్టులకు టెక్నికల్ నైపుణ్యాలు, ఎడిటింగ్ సాఫ్ట్వేర్ పరిజ్ఞానం ఉండాలి.
వయోపరిమితి..
- పోస్టును బట్టి వయోపరిమితి 30 నుండి 40 సంవత్సరాల మధ్య ఉంటుంది. రిజర్వేషన్ కేటగిరీలకు ప్రభుత్వ నియమాల ప్రకారం వయోసడలింపు వర్తిస్తుంది.
ఎంపిక విధానం..
అభ్యర్థుల ఎంపిక రాత పరీక్ష లేదా ఇంటర్వ్యూ ఆధారంగా జరుగుతుంది. పోస్టు స్వభావాన్ని బట్టి టెక్నికల్ టెస్ట్ లేదా డెమో కూడా నిర్వహించే అవకాశం ఉంది. తుది ఎంపికకు అర్హత, అనుభవం, కమ్యూనికేషన్ నైపుణ్యాలు, ప్రదర్శన ఆధారంగా మెరిట్ జాబితా తయారు చేయబడుతుంది.
జీతభత్యాలు..
ఎంపికైన వారికి నెలకు రూ.25,000 నుండి రూ.80,000 వరకు వేతనం లభిస్తుంది. అదనంగా, HRA, ట్రావెల్ అలవెన్స్, మెడికల్ ఫెసిలిటీలు వంటి సౌకర్యాలు కూడా ప్రసార భారతి అందిస్తుంది. అనుభవం ఆధారంగా వేతనం పెరగనుంది.
దరఖాస్తు విధానం..
ఆన్లైన్
దరఖాస్తు గడువు..
చివరి తేదీ: అక్టోబర్ 21, 2025
మరిన్ని వివరాలకు అధికారిక వెబ్సైట్ www.prasarbharati.gov.in ను సంప్రదించవచ్చు. అభ్యర్థులు వెబ్సైట్లోకి వెళ్లి "Careers" సెక్షన్లో Prasar Bharati Recruitment 2025 లింక్ ద్వారా దరఖాస్తు చేసుకోవచ్చు. అప్లికేషన్ ఫారమ్ నింపేటప్పుడు ఫోటో, సంతకం, సర్టిఫికేట్లను అప్లోడ్ చేయాలి.
Click it and Unblock the Notifications
Sign in with Google