"ఆర్ఆ‌ర్‌బీ" గుడ్ న్యూస్.. అసిస్టెంట్ లోకో పైలట్ పోస్టులకు నోటిఫికేషన్..!

ప్రభుత్వ ఉద్యోగం కోసం ఎదురుచూస్తున్న నిరుద్యోగులకు కేంద్ర ప్రభుత్వం భారీ అవకాశం తీసుకొచ్చింది. దేశవ్యాప్తంగా ఉన్న రైల్వే విభాగాల్లో ఖాళీగా ఉన్న అసిస్టెంట్ లోకో పైలట్ (ALP) పోస్టుల భర్తీకి రంగం సిద్ధమైంది. ఈ నియామక ప్రక్రియ ద్వారా వేలాది మందికి ఉద్యోగ అవకాశాలు లభించనున్నాయి. ప్రభుత్వ రంగంలో స్థిరమైన ఉద్యోగం కోరుకునే వారికి ఇది ఒక గోల్డెన్ ఛాన్స్‌గా చెప్పుకోవచ్చు.

భారీ నోటిఫికేషన్ విడుదలకు సిద్ధం..

Railway Recruitment Board (RRB) ఆధ్వర్యంలో మొత్తం 11,127 పోస్టులతో భారీ నోటిఫికేషన్ విడుదల కానుంది. చాలా కాలంగా రైల్వే ఉద్యోగాల కోసం ఎదురుచూస్తున్న అభ్యర్థులకు ఇది ఒక మంచి అవకాశం. ఈ నియామకాల ద్వారా రైల్వే సేవలను మరింత బలోపేతం చేయాలని అధికారులు భావిస్తున్నారు.

దేశవ్యాప్తంగా నియామకాలు..

సికింద్రాబాద్, చెన్నై, బెంగళూరు, ముంబయి వంటి ప్రధాన రీజియన్లతో పాటు మొత్తం 21 RRB జోన్లలో ఈ నియామకాలు చేపడతారు. అభ్యర్థులు తమకు అనుకూలమైన రీజియన్‌ను ఎంపిక చేసుకునే అవకాశం ఉంటుంది. తెలుగు రాష్ట్రాల అభ్యర్థులు సికింద్రాబాద్ రీజియన్‌పై ఎక్కువ ఆసక్తి చూపుతున్నారు.

దరఖాస్తుల షెడ్యూల్..

ఆన్‌లైన్ దరఖాస్తుల ప్రక్రియ మే 15 నుంచి ప్రారంభమవుతుంది. అభ్యర్థులు జూన్ 14 వరకు అప్లై చేసుకోవచ్చు. గడువు తర్వాత దరఖాస్తులను స్వీకరించరు కాబట్టి ముందుగానే అప్లై చేయడం మంచిది. అధికారిక వెబ్‌సైట్: https://www.rrbapply.gov.in

వయోపరిమితి..

ఈ పోస్టులకు దరఖాస్తు చేసుకునే అభ్యర్థుల వయస్సు 18 నుంచి 30 సంవత్సరాల మధ్య ఉండాలి. రిజర్వేషన్ వర్గాలకు ప్రభుత్వ నిబంధనల ప్రకారం వయోపరిమితిలో సడలింపులు వర్తిస్తాయి.

విద్యార్హతలు..

టెన్త్ క్లాస్‌తో పాటు ఐటీఐ పూర్తి చేసిన వారు ఈ పోస్టులకు అర్హులు. అలాగే డిప్లొమా, ఇంజనీరింగ్ పూర్తి చేసిన అభ్యర్థులు కూడా దరఖాస్తు చేసుకోవచ్చు. సంబంధిత ట్రేడ్‌లో అర్హత ఉండటం అవసరం.

ఎంపిక ప్రక్రియ..

ఎంపిక ప్రక్రియలో భాగంగా కంప్యూటర్ ఆధారిత పరీక్షలు (CBT) నిర్వహిస్తారు. ఇందులో ఉత్తీర్ణత సాధించిన వారికి తదుపరి దశల్లో:

రెండో దశ CBT

సైకో టెస్ట్ (APTITUDE TEST)

డాక్యుమెంట్ వెరిఫికేషన్

మెడికల్ టెస్ట్

ముఖ్యంగా లోకో పైలట్ ఉద్యోగం కావడంతో కంటి చూపు పరీక్ష (Vision Test) చాలా కీలకం.

పరీక్ష సిలబస్..

పరీక్షలో గణితం, జనరల్ ఇంటెలిజెన్స్, రీజనింగ్, జనరల్ సైన్స్, కరెంట్ అఫైర్స్ వంటి అంశాలపై ప్రశ్నలు ఉంటాయి. టెక్నికల్ ట్రేడ్‌కు సంబంధించిన ప్రశ్నలు కూడా అడుగుతారు. కాబట్టి అభ్యర్థులు సమగ్రంగా ప్రిపరేషన్ చేయాలి.

జీతం & ప్రయోజనాలు..

ALP ఉద్యోగానికి మంచి జీతంతో పాటు పలు అలవెన్సులు ఉంటాయి. ప్రారంభ వేతనం సుమారు ₹19,900 (7th Pay Commission ప్రకారం) ఉండగా, DA, HRA, ట్రావెల్ అలవెన్సులు వంటి అదనపు ప్రయోజనాలు లభిస్తాయి. కాలక్రమేణా ప్రమోషన్ అవకాశాలు కూడా ఉన్నాయి.

ప్రిపరేషన్ టిప్స్..

పరీక్షకు సిద్ధమవుతున్న అభ్యర్థులు:

పాత ప్రశ్నపత్రాలను ప్రాక్టీస్ చేయాలి

మాక్ టెస్ట్‌లు రాయాలి

టైమ్ మేనేజ్‌మెంట్‌పై దృష్టి పెట్టాలి

సిలబస్‌ను పూర్తిగా అర్థం చేసుకోవాలి

English summary

The central government has brought a huge opportunity for the unemployed who are waiting for a government job. The field is ready to fill the vacant Assistant Loco Pilot (ALP) posts in railway departments across the country.