RRC WCR 2024 : ఎటువంటి రాతపరీక్ష, ఇంటర్వ్యూ లేకుండానే.. రైల్వేలో 3317 ఉద్యోగాలు..
నిరుద్యోగులకు శుభవార్త.. ఎటువంటి రాతపరీక్ష, ఇంటర్వ్యూ లేకుండానే వెస్ట్ సెంట్రల్ రైల్వేలో భారీ నోటిఫికేషన్ వెలువడింది. ఈ నోటిఫికేషన్లో భాగంగా డబ్ల్యూసీఆర్ విభాగాల్లోని డివిజన్/ యూనిట్లలో యాక్ట్ అప్రెంటిస్ శిక్షణ నిమిత్తం అర్హులైన అభ్యర్థుల నుంచి దరఖాస్తులు స్వీకరిస్తున్నారు. మధ్యప్రదేశ్లోని జబల్పూర్ రైల్వే రిక్రూట్మెంట్ సెల్ వెస్ట్ సెంట్రల్ రైల్వే నోటిఫికేషన్ విడుదల చేసింది.
అర్హత, అసక్తి కలిగిన అభ్యర్థులంతా ఈ ఉద్యోగాలకు దరఖాస్తు చేసుకోగలరు. ఈ నోటిఫికేషన్ ద్వారా మొత్తం 3317 యాక్ట్ అప్రెంటిస్ ఖాళీలను భర్తీ చేయనున్నారు. దరఖాస్తు ప్రక్రియ ఆగస్టు 5 నుంచే ప్రారంభమైంది. అర్హులైన అభ్యర్థులు సెప్టెంబర్ 4వ తేదీలోగా ఆన్లైన్లో దరఖాస్తు చేసుకోగలరు. అభ్యర్థులు ఇతర పూర్తి వివరాల కోసం https://wcr.indianrailways.gov.in/ వెబ్సైట్ను సంప్రదించొచ్చు.
ఖాళీగా ఉన్న యూనిట్లు, డివిజనల్లు...
సీఆర్డబ్ల్యూఎస్ బీపీఎల్, డబ్ల్యూఆర్ఎస్ కోటా, జేబీపీ డివిజన్, బీపీఎల్ డివిజన్, కోటా డివిజన్, హెచ్క్యూ/ జేబీపీ డివిజన్లు/యూనిట్లలో పోస్టులు ఖాళీగా ఉన్నాయి.
విద్యార్హత : ఈ పోస్టులకు దరఖాస్తు చేసుకోవాలనుకునే వారు పదో తరగతి, పన్నెండో తరగతి ఉత్తీర్ణతతో పాటు సంబంధిత ట్రేడ్లో ఐటీఐ ఉత్తీర్ణులై ఉండాలి.
వయసు : ఈ పోస్టులకు దరఖాస్తు చేసుకోవాలనుకునే అభ్యర్థుల 05.08.2024 నాటికి 15 నుంచి 24 సంవత్సరాల మధ్య ఉన్నవారై ఉండాలి.
ఎంపిక చేయు విధానం : పదో తరగతి, పన్నెండో తరగతి, ఐటీఐ మార్కులు, డాక్యుమెంట్ వెరిఫికేషన్ ఆధారంగా వీటికి ఎంపిక చేస్తారు.
దరఖాస్తు రుసుము : ఈ పోస్టులకు దరఖాస్తు చేయాలనుకునే ఎస్సీ, ఎస్టీ, దివ్యాంగులు, మహిళా అభ్యర్థులకు రూ.41 చెల్లించాల్సి ఉంటుంది. ఇతరులు అయితే రూ.141 చెల్లించాలి. ఆన్లైన్ విధానంలో మాత్రమే దరఖాస్తు చెల్లించాలి.
ట్రేడ్లు : బుక్ బైండర్, కార్పెంటర్, డీజిల్, ఎలక్ట్రీషియన్, ఫిట్టర్, హౌస్ కీపర్, మెషినిస్ట్, పెయింటర్, ప్లంబర్, ఏసీ మెకానిక్, బుక్ బైండర్, కార్పెంటర్, డీజిల్ మెకానిక్, డ్రాఫ్ట్స్మ్యాన్
Click it and Unblock the Notifications
Sign in with Google