ఉద్యోగాల భర్తీకి తెలంగాణ హైకోర్టు నోటిఫికేషన్: వెంటనే అప్లై చేయండి

తెలంగాణ హైకోర్టు సివిల్​ జడ్జి ఉద్యోగాల భర్తీకి నోటిఫికేషన్​ విడుదలైంది. ఈ నోటిఫికేషన్ ద్వారా డైరెక్ట్​ రిక్రూట్​మెంట్​, ట్రాన్స్‌​ఫర్​ రిక్రూట్​మెంట్​ ప్రాతిపదికన ఈ ఖాళీలను భర్తీ చేయనుంది. అర్హత, ఆసక్తిగల అభ్యర్థులు ఆన్‌లైన్‌లో దరఖాస్తు చేసుకోవచ్చు. తెలంగాణ హైకోర్టు రిలీజ్​ చేసిన నోటిఫికేషన్​ ప్రకారం 150 పోస్టులు ఉన్నాయి.

ముఖ్య తేదీలు:

దరఖాస్తులు ప్రారంభం - ఏప్రిల్ 18, 2024.
దరఖాస్తులకు చివరి తేదీ - మే 17, 2024.
హాల్ టికెట్లు డౌన్‌​లోడ్​ - 08 జూన్ 2024.
స్క్రీనింగ్ టెస్ట్(కంప్యూటర్ ఆధారిత పరీక్ష) - 16 జూన్ 2024.

విద్యార్హతలు:
నోటిఫికేషన్​ ప్రకారం గుర్తింపు పొందిన యూనివర్శిటీ నుంచి లా డిగ్రీ పొంది ఉండాలి. తెలంగాణ జ్యుడీషియల్ రూల్స్ 2023 ప్రకారం నిర్ధేశించిన అర్హతలు తప్పనిసరిగా ఉండాలి.

ఫీజు వివరాలు:
ఈ ఖాళీలకు దరఖాస్తు చేసుకునే ఓసీ, బీసీ అభ్యర్థులు రూ. 1000 చెల్లించాల్సి ఉంటుంది. అలాగే ఎస్సీ, ఎస్టీ, ఈడబ్య్లూఎస్ అభ్యర్థులు రూ. 500 చెల్లించాలి.

వేతనం:
నోటిఫికేషన్​ ప్రకారం ఈ ఉద్యోగాలకు ఎంపికైతే జీతం నెలకు రూ. 77, 840 నుంచి 1లక్షా 36వేల 520 రూపాయలు ఉంటుంది.

ఎంపిక :
తెలంగాణ హైకోర్టు సివిల్ జడ్జి ఎంపిక ప్రక్రియ మూడు దశల్లో ఉంటుంది. జాబ్​ పొందాలంటే దరఖాస్తుదారులు తప్పనిసరిగా ఈ దశలన్నింటినీ క్లియర్ చేయాలి.

మొదటిది స్క్రీనింగ్​ టెస్ట్​:
100 మల్టిపుల్​ ఛాయిస్​ ప్రశ్నలు ఉంటాయి. దీనికి సమయం 2 గంటలు. స్క్రీనింగ్ టెస్ట్ కోసం హైదరాబాద్, వరంగల్, కరీంనగర్, ఖమ్మం నగరాలను ఎగ్జామ్ సెంటర్లుగా ఎంపిక చేశారు.

రెండవది మెయిన్స్​:
స్క్రీనింగ్ టెస్టులో అర్హత సాధిస్తే... మెయిన్స్ పరీక్షలకు ఎంపిక చేస్తారు. ఇది 1:10గా ఉంటుంది. మెయిన్స్ పరీక్షల్లో మూడు పేపర్లు ఉంటాయి. సివిల్ లా, క్రిమినల్ లాతో పాటు ట్రాన్స్​లేషన్ విభాగం నుంచి ప్రశ్నలు ఉంటాయి. ప్రతి పేపర్​కు 100 మార్కులు కేటాయిస్తారు. ఇంగ్లీష్‌​లోనే పరీక్ష ఉంటుంది.

చివరగా వైవా:
స్క్రీనింగ్​ టెస్ట్​, మెయిన్స్‌లో క్వాలిఫై అయిన వారు వైవాకు అర్హత సాధిస్తారు. ఇది 1:3గా ఉంటుంది.

దరఖాస్తు:
ఈ పోస్టులకు అప్లై చేసుకోవాలనుకునే వారు అధికారిక వెబ్‌​సైట్‌​ https://tshc.gov.in/getRecruitDetails సంప్రదించవచ్చు.

English summary

Telangana High Court Civil Judge Notification released.