తెలంగాణ ఎస్సై తుది ఫలితాలు, అభ్యర్థుల జాబితా విడుదల: ఇదిగో లింక్

హైదరాబాద్: తెలంగాణ రాష్ట్రంలో వేలాది మంది అభ్యర్థులు ఎప్పుడెప్పుడా అని ఎదురుచూస్తున్న ఎస్ఐ, ఏఎస్ఐ పోస్టుల తుది ఎంపిక ఫలితాలు వచ్చేశాయి. కీలక కటాఫ్ మార్కుల ప్రక్రియను పూర్తి చేసిన తెలంగాణ రాష్ట్రస్థాయి పోలీస్ నియామక మండలి(TSLPRB) తాజాగా ఆదివారం సాయంత్రం ఫలితాలను, ఎంపికైన అభ్యర్థుల జాబితాను విడుదల చేసింది.

తెలంగాణ రాష్ట్ర స్థాయి పోలీస్ నియామక మండలి 2022 నోటిఫికేషన్‌కు సంబంధించి 554 ఎస్సై పోస్టుల భర్తీకి దరఖాస్తులు ఆహ్వానించగా.. దాదాపు 2.47 లక్షల మంది పరీక్ష రాశారు. కాగా, గత సంవత్సరం ఆగస్టు 7న ప్రాథమిక రాత పరీక్షతో ఈ నియామక ప్రక్రియ ప్రారంభమైంది.

ఫలితాల జాబితా వెలువరించడంతో ఈ పరీక్షలో అర్హత సాధించిన అభ్యర్థుల ప్రవర్తన, క్రిమినల్ కేసులపై తెలంగాణ రాష్ట్ర స్థాయి పోలీస్ నియామక మండలి ఆరా తీయనుంది. గరిష్టంగా పది రోజుల్లోనే స్పెషల్ బ్రాంచ్ విభాగంతో విచారణ జరిపించిన అనంతరం క్లీన్‌చిట్ ఉన్న అభ్యర్థులకు ఎంపిక లేఖలు పంపనుంది.

కాగా, తాజాగా ఎంపికైన అభ్యర్థులు అటెస్టేషన్ ఫార్మ్‌, ఇతర ధృవీకరణ పత్రాలను వెబ్‌సైట్‌లో ఆగష్టు 9 నుంచి ఆగష్టు 11 వరకు ఆన్‌లైన్‌లో పూరించాల్సి ఉంటుంది. ఆగస్టు రెండోవారంలోగా అర్హుల జాబితాను పోలీసు, ఎక్సైజ్‌, ఫైర్‌, జైళ్లు ఇలా అన్ని విభాగాలకు పంపించనున్నట్లు సమాచారం. ఈ ప్రక్రియ పూర్తయితే ఎస్సై పోస్టులకు అపాయింట్‌మెంట్‌ లెటర్లు జారీ చేస్తుంది.

అభ్యర్థుల తుది జాబితా కోసం ఇక్కడ క్లిక్ చేసి తెలుసుకోవచ్చు.

English summary

TSLPRB SI final results released; here is the link.