నిరుద్యోగులకు యూకో బ్యాంక్‌ తీపికబురు.. 532 పోస్టులకు నోటిఫికేషన్‌ !

ప్రముఖ పబ్లిక్‌ సెక్టార్‌ బ్యాంక్‌ యూకో బ్యాంక్‌ (UCO Bank) నిరుద్యోగులకు తీపికబురు ప్రకటించింది. 2025-26 సంవత్సరానికి గాను మొత్తం 532 అప్రెంటిస్‌ పోస్టుల భర్తీకి నోటిఫికేషన్‌ విడుదల చేసింది. ఈ నియామకాలు దేశవ్యాప్తంగా పలు రాష్ట్రాలలో జరుగనున్నాయి. అయితే అభ్యర్థులు ఒక రాష్ట్రానికి మాత్రమే దరఖాస్తు చేసుకోవాల్సి ఉంటుంది.

ఈ నోటిఫికేషన్‌ బ్యాంకింగ్‌ రంగంలో కెరీర్‌ ప్రారంభించాలనుకునే యువతకు మంచి అవకాశమని చెప్పొచ్చు. తక్కువ ఫీజు, మెరిట్‌ ఆధారిత ఎంపిక, ప్రాక్టికల్‌ బ్యాంకింగ్‌ అనుభవం ఈ ప్రోగ్రామ్‌ను ఆకర్షణీయంగా మారుస్తున్నాయి. దరఖాస్తులకు చివరి తేదీ అక్టోబర్‌ 30, 2025 కాబట్టి ఆసక్తి ఉన్న అభ్యర్థులు వెంటనే దరఖాస్తు చేసుకోవాలి.

మొత్తం పోస్టులు..

532

రాష్ట్రాల వారీగా ఖాళీలు..

యూకో బ్యాంక్‌ ఈ సారి దాదాపు అన్ని రాష్ట్రాలకూ అప్రెంటిస్ పోస్టులు ప్రకటించింది.

• ఆంధ్రప్రదేశ్‌ - 7
• తెలంగాణ - 8
• తమిళనాడు - 21
• కర్ణాటక - 12
• కేరళ - 10
• ఉత్తరప్రదేశ్‌ - 46
• బీహార్‌ - 35
• పశ్చిమ బెంగాల్‌ - 86

ఇతర రాష్ట్రాలు కలిపి మొత్తం 532 పోస్టులు భర్తీ కానున్నాయి.

విద్యార్హత..

అభ్యర్థులు భారత ప్రభుత్వ గుర్తింపు పొందిన విశ్వవిద్యాలయం లేదా ఇన్‌స్టిట్యూట్‌ నుండి గ్రాడ్యుయేషన్‌ డిగ్రీ పూర్తి చేసి ఉండాలి. అలాగే స్థానిక భాషపై ప్రావీణ్యం తప్పనిసరి. ఎంపికైన అభ్యర్థులు ఆ రాష్ట్రంలోనే శిక్షణ పొందుతారు.

వయోపరిమితి..

01-10-2025 నాటికి కనీస వయస్సు: 20 సంవత్సరాలు.. గరిష్ట వయస్సు: 28 సంవత్సరాలు

వయస్సు సడలింపు..

• SC/ST: 5 సంవత్సరాలు
• OBC: 3 సంవత్సరాలు
• దివ్యాంగులు (PwBD): 10 నుంచి 15 సంవత్సరాలు

స్టైపెండ్‌ & ప్రయోజనాలు..

ఎంపికైన అప్రెంటిస్‌లకు నెలకు రూ.15,000 స్టైపెండ్‌ అందించబడుతుంది. పెన్షన్‌, ప్రావిడెంట్‌ ఫండ్‌, లేదా ఇతర శాశ్వత లాభాలు ఉండవు. కానీ బ్యాంకింగ్‌ రంగంలో అనుభవంగా ఈ అప్రెంటిస్‌ అనుభవం విలువైనదిగా పరిగణించబడుతుంది.

ఎంపిక విధానం..

ఎంపిక పూర్తిగా మెరిట్‌ ఆధారంగా జరుగుతుంది.

• ఆన్‌లైన్‌ పరీక్ష - 100 మార్కులు
• స్థానిక భాషా పరిజ్ఞానం పరీక్ష
• డాక్యుమెంట్‌ వెరిఫికేషన్‌

దరఖాస్తు విధానం..

అభ్యర్థులు రెండు దశల్లో దరఖాస్తు చేయాలి:

మొదట: NATS పోర్టల్‌ (https://nats.education.gov.in
) లో రిజిస్ట్రేషన్‌ చేయాలి.

తర్వాత: యూకో బ్యాంక్‌ అధికారిక వెబ్‌సైట్‌ (https://www.uco.bank.in/job-opportunities
) లో ఆన్‌లైన్‌ దరఖాస్తు సమర్పించాలి.

ఫీజు వివరాలు..

• General / OBC / EWS - రూ.800 + GST
• PwBD అభ్యర్థులు - రూ.400 + GST
• SC / ST అభ్యర్థులు - ఫీజు లేదు

దరఖాస్తు గడువు..

21-10-2025 నుంచి 30-10-2025 వరకు.

ఫీజు చెల్లింపు చివరి తేదీ; 05-11-2025

ఆన్‌లైన్‌ పరీక్ష; 09-11-2025

దరఖాస్తు సమయంలో అప్‌లోడ్‌ చేయాల్సిన పత్రాలు..

• పాస్‌పోర్ట్‌ సైజ్‌ ఫోటో
• సంతకం
• డిగ్రీ సర్టిఫికేట్‌ లేదా మార్క్‌షీట్‌
• కేటగరీ సర్టిఫికేట్‌ (SC/ST/OBC/EWS)
• డిసేబిలిటీ సర్టిఫికేట్‌ (తగినచో)

మరింత సమాచారం కోసం అధికారిక వెబ్‌సైట్‌: https://www.uco.bank.in/job-opportunities అలాగే NATS రిజిస్ట్రేషన్‌: https://nats.education.gov.in సంప్రదించవచ్చు.

English summary

Leading public sector bank UCO Bank has announced good news for the unemployed. It has issued a notification for the recruitment of a total of 532 apprentice posts for the year 2025-26.