UGC NET 2024 : యూజీసీ నెట్ అభ్య‌ర్థుల‌కు అల‌ర్ట్‌.. అడ్మిట్‌కార్డులు విడుద‌ల‌..

By Lekhaka

Published: Sunday, August 18, 2024, 12:43 [IST]

యూజీసీ నెట్ అభ్య‌ర్థుల‌కు అల‌ర్ట్‌.. తాజాగా నేషనల్ టెస్టింగ్ ఏజెన్సీ యూజీసీ నెట్2024 అడ్మిట్ కార్డ్‌ల‌ను విడుదల చేసింది. ఈ ప‌రీక్ష‌కు ద‌ర‌ఖాస్తు చేసుకున్న అభ్య‌ర్థులంద‌రూ నెట్ అధికారిక వెబ్‌సైట్‌లోకి వెళ్లి త‌మ అడ్మిట్‌కార్డుల‌ను డౌన్‌లోడ్ చేసుకోగ‌ల‌రు. విద్యార్థులు తమ దరఖాస్తు నంబర్, పుట్టిన తేదీని ఎంట‌ర్ చేసి హాల్‌టిక్కెట్ల‌ను డౌన్‌లోడ్ చేసుకోగ‌ల‌రు. అభ్య‌ర్థులు ugcnet.nta.ac.in ఈ వెబ్‌సైట్‌ను సంప్ర‌దించ‌గ‌ల‌రు. హాల్‌టిక్కెట్ డౌన్‌లోడ్ చేసుకున్నాక అభ్యర్థులు వారి సంబంధిత హాల్ టికెట్ ఐడీలో ఇచ్చిన సమాచారాన్ని తప్పనిసరిగా తనిఖీ చేయాల్సి ఉంటుంది.

యూజీసీ నెట్ 2024 పరీక్ష ఆగస్టు 21వ తుదినుంచి సెప్టెంబర్ 4 వరకు నిర్వహించనున్నారు. ఆన్‌లైన్ విధానంలోనే ప‌రీక్ష‌ల నిర్వ‌హ‌ణ ఉంటుంది. ఇందులో మొత్తం 83 సబ్జెక్టులగాను ప‌రీక్ష‌లు జ‌రుగుతాయి. రోజూ రెండు షిఫ్టుల్లో పరీక్షలు నిర్వహిస్తారు. మొదటి షిప్టు ఉదయం తొమ్మిది గంటల నుంచి మధ్యాహ్నం 12 గంటల వరకు జ‌ర‌గ‌గా, రెండో షిప్టు మధ్యాహ్నం 3 గంటల నుంచి సాయంత్రం 6 గంటల వరకు ఉంటుంది. ఇక‌, కృష్ణాష్ట‌మి సంద‌ర్భంగా ఆగస్టు 26న జరగాల్సిన పరీక్షను ఆగస్టు 27కు వాయిదా వేసిన‌ట్లు యూజీసీ నెట్ పేర్కొంది. నిజానికి, యూజీసీ నెట్ ప‌రీక్ష ద్వారా ఇండియ‌న్ యూనివ‌ర్సిటీల్లో, కళాశాలల్లో అసిస్టెంట్ ప్రొఫెసర్‌తో పాటు జూనియర్ రీసెర్చ్ ఫెలోషిప్, అసిస్టెంట్ ప్రొఫెసర్‌గా భోదించేందుకు అర్హ‌త సాధిస్తారు.