నేటి నుంచి మూడు రోజుల పాటు యూజీసి నెట్ పరీక్షలు...
అసిస్టెంట్ ప్రొఫెసర్ ,జూనియర్ రిసెర్చ్ ఫెలోషిప్ అర్హత పరీక్ష అయిన యూజీసీ నెట్ (UGC NET) పరీక్షలు నేటి నుంచి అంటే బుధవారం నుంచి ప్రారంభం అయ్యాయి. డిసెంబర్ 6 నుంచి 8 వరకు మూడు రోజులపాటు ఈ పరీక్షలు జరగనున్నాయి. దేశవ్యాప్తంగా 292 పట్టణాల్లో ఈ పరీక్షలను నిర్వహించననున్నారు. మొత్తం 83 సబ్జెక్టులకు గాను ఈ పరీక్షలు ఉంటాయి. రెండు షిప్టుల్లో ఈ పరీక్షలను నిర్వహిస్తున్నట్లు యూనివర్సిటీ గ్రాంట్స్ కమిషన్ నేషనల్ ఎలిజిబిలిటీ టెస్ట్ (యూజీసీ నెట్) తెలిపింది. ఆయా తేదీల్లో రెండు షిఫ్టుల్లో ఈ పరీక్షలు జరగనున్నాయి. మొదటి షిఫ్టులో ఉదయం 9 గంటల నుంచి 12 గంటల వరకు, రెండో షిఫ్టులో మధ్యాహ్నం 3 గంటల నుంచి సాయంత్రం 6 గంటల వరకు పరీక్ష నిర్వహిస్తారు. హిందీ, ఇంగ్లిష్ మాధ్యమాల్లో మాత్రమే ప్రశ్నలు అడుగుతారు. ఈ పరీక్షలకు సంబంధించిన అడ్మిట్ కార్డులను నేషనల్ టెస్టింగ్ ఏజెన్సీ (NTA) విడుదల చేయడం జరిగింది. అభ్యర్థులు పరీక్ష రోజు ఉదయం వరకు ఎన్టీఏ వెబ్సైట్తోపాటు https://ugcnet.nta.nic.in/ వెబ్సైట్ ద్వారా కూడా తమ హాల్టికెట్లను డౌన్లోడ్ చేసుకోవచ్చని ఎన్టిఎ వివరించింది.
యూజీసి నెట్ నిర్వహించే ఈ పరీక్షలు ఆఫ్లైన్లోనే ఉంటాయి. కంప్యూటర్ ఆధారితంగా (CBT) ఈ పరీక్షలను నిర్వహిస్తారు. యూజీసి నెట్లో మంచి స్కోర్ సాధిస్తే జూనియర్ రీసెర్చ్ ఫెలోషిప్ (Junior Research Fellowship), విశ్వవిద్యాలయాల్లో అసిస్టెంట్ ప్రొఫెసర్ (Assistant Professor) పోస్టులకు పోటీపడే అవకాశముంటుంది.
150 ప్రశ్నలు...300 మార్కులు : ఆన్లైన్ (సీబీటీ) విధానంలో నిర్వహించే ఈ పరీక్షలో మొత్తం 2 పేపర్లు ఉంటాయి. రెండు పేపర్లకు కలిపి మూడు గంటల సమయం ఉంటుంది. పేపర్-1కు గంట సమయం, పేపర్-2 కు రెండు గంటల సమయం ఉంటుంది. పేపర్-1 లో 100 మార్కులకుగాను 50 ప్రశ్నలు అడుగుతారు. ప్రతి ప్రశ్నకు రెండు మార్కులు ఉంటాయి. ఇందులో రీజనింగ్ ఎబిలిటీ, రీడింగ్ కాంప్రహెన్షన్, డైవర్జెంట్ థింకింగ్, జనరల్ అవేర్నెస్ నుంచి ప్రశ్నలు అడుగుతారు. ఈ పేపర్ అందరికి కామన్గా ఉంటుంది.
ఇక, పేపర్-2లో 200 మార్కులకుగాను 100 ప్రశ్నలు అడుగుతారు. ఇందులో అభ్యర్థికి సంబంధించిన సబ్జెక్టు నుంచి ప్రశ్నలు ఉంటాయి. ప్రతి ప్రశ్నకు రెండు మార్కులు. హిందీ, ఇంగ్లిష్ మాధ్యమాల్లో ప్రశ్నలు ఉంటాయి.
Click it and Unblock the Notifications
Sign in with Google