బాలీవుడ్ క్వీన్ శ్రీదేవికి అరుదైన గౌరవం: అతిలోక సుందరిపై ముంబైవాసుల ప్రేమకిదే నిదర్శనం!!

తెలుగు చిత్ర పరిశ్రమలోనే కాదు బాలీవుడ్ లోనూ తనకంటూ ఒక స్థానాన్ని సంపాదించుకుని అందరి మనసుల్లో చిరస్థాయిగా నిలిచిపోయింది దివంగత నటి, బాలీవుడ్ క్వీన్ శ్రీదేవి. బాలనటిగా సినిమాల్లోకి ప్రవేశించిన శ్రీదేవి తాను చనిపోయే వరకు అనేక సినిమాలలో తన అద్భుతమైన నటనతో అందరినీ మెప్పించింది. అతిలోక సుందరి శ్రీదేవి మరణాన్ని నేటికి జీర్ణించుకోలేని ఆమె అభిమానులు ఉన్నారంటే అతిశయోక్తి కాదు.

శ్రీదేవికి అరుదైన గౌరవం
అటువంటి బాలీవుడ్ దివంగత నటి శ్రీదేవికి ఒక అరుదైన గౌరవం దక్కింది. ముంబైలోని అంధేరీ వెస్ట్ ప్రాంతంలో ఉన్న లోఖండ్ వాలా కాంప్లెక్స్ లోని ఒక జంక్షన్ కి అక్కడి ప్రజలు శ్రీదేవి కపూర్ చౌక్ అని పేరు పెట్టారు. ఈ విషయాన్ని ముంబై మున్సిపల్ కార్పొరేషన్ వెల్లడించింది. ఈ మేరకు అక్కడ బోర్డు కూడా ఏర్పాటు చేసింది.

జంక్షన్ కు శ్రీదేవి పేరు
శ్రీదేవి, ఆమె భర్త బోనీ కపూర్ తో పాటు ఆమె ఇద్దరు కుమార్తెలు జాన్వి కపూర్, ఖుషి కపూర్ లు ఇంతకుముందు ఇదే ప్రాంతంలో నివసించారు. అయితే శ్రీదేవి మరణించిన తర్వాత వారి కుటుంబం అక్కడి నుంచి షిఫ్ట్ అయిందని అక్కడి స్థానిక ప్రజలు చెబుతున్నారు. ఈ క్రమంలో ఆమె జ్ఞాపకార్ధం, ఆమెను గౌరవించాలని, ఎప్పటికీ చిరస్థాయిగా నిలిచి ఉండేలా ఆమె పేరు జంక్షన్ కు పెట్టుకున్నారు.

అంధేరీ వెస్ట్ లో శ్రీదేవి నివసించిన ప్రాంత వాసుల నిర్ణయం
ఈ మేరకు సోషల్ మీడియాలో అంధేరీ వెస్ట్ కు చెందిన నగర వాసులు పోస్టులు కూడా పెడుతున్నారు. తమ అభిమాన నటి శ్రీదేవికి శాశ్వతమైన గౌరవాన్ని ఇవ్వగలిగామని శ్రీదేవి లోఖండ్ వాలా కాంప్లెక్స్ లోని గ్రీన్ ఎకర్స్ టవర్ లో నివసించే వారనీ, ఆమె ఇంటికి వెళ్లే మార్గంలోనే ఈ చౌక్ ఉందని చెబుతున్నారు.

Honour To Eternal #Sridevi !!

A junction in the Lokhandwala Complex locality of Andheri, Bombay has been named Sreedevi Kapoor Chowk. @BoneyKapoor

The chowk is on the same road on which the late actress lived with husband Boney Kapoor and her two daughters, Janhvi and Khushi,… pic.twitter.com/glhSHl7xRz

— BA Raju's Team (@baraju_SuperHit) May 10, 2024

శ్రీదేవి కపూర్ చౌక్ పేరు పెట్టిన స్థానికులు
ఇదిలా ఉంటే గతంలో శ్రీదేవి జ్ఞాపకార్థం ముంబైలో ఒక ఫ్లైఓవర్ కి కూడా ఆమె పేరు పెట్టాలని బిజెపి కార్పొరేటర్ యోగిరాజ్ లేఖ రాశారు. అభినేత్రి శ్రీదేవి ఉదాన్ పూల్ పేరు ఫ్లైఓవర్ కి పేరు పెట్టాలని ఆయన బృహన్ ముంబై మున్సిపల్ కార్పొరేషన్ కు లేఖ రాశారు. ప్రస్తుతం ముంబైలోని అంధేరీ వెస్ట్ ప్రాంతంలో ఒక జంక్షన్ కి ఫైనల్ గా శ్రీదేవి కపూర్ చౌక్ అని పేరు పెట్టారు.

English summary

A rare honor for Bollywood Queen Sridevi. mumbai andheri west lokhad wala area people named a junction with her name sridevi kapoor chowk. This is a proof of love for the celestial beauty sridevi.