రోజూ రాత్రి 9 గంటలనుంచి ఉదయం 4 వ‌ర‌కూ బార్‌లోనే న‌టి అదాశ‌ర్మ‌.. ఎందుకంటే?!

గ‌తేడాది రూ.300 కోట్ల వ‌ర‌కూ క‌లెక్ట్‌ చేసిన కేర‌ళ స్టోరీలో సినిమాలో లీడ్ రోల్ పోషించిన నటి అదాశర్మ విమ‌ర్శ‌కుల ప్ర‌శంస‌లు అందుకున్న విష‌యం తెలిసిందే. దాదాపు రూ. 20 కోట్ల బడ్జెట్​తో రూపొందిన ఈ సినిమా రూ.300 కోట్లకు పైగా వసూళ్లు సాధించింది. త‌ర్వాత ఈ యంగ్ బ్యూటీ.. బ‌స్త‌ర్ అనే సినిమాతోపాటు స‌న్‌ఫ్ల‌వ‌ర్ అనే సిరీస్‌లోనూ మంచి రోల్ చేసింది. ఆమె ఎంచుకుంటోన్న పాత్ర‌ల‌పై ప్రేక్ష‌కులు సైతం ఆస‌క్తి చూపిస్తున్నారు. తాజాగా స‌న్‌ఫ్ల‌వ‌ర్ వెబ్‌ సిరీస్‌కు సంబంధించి ఇచ్చిన ఓ ఇంట‌ర్వ్యూలో ప‌లు ఆస‌క్తిక‌ర విష‌యాల‌ను వెల్ల‌డించింది. స‌న్‌ఫ్ల‌వ‌ర్ వెబ్‌సిరీస్‌లో ఓ బార్ డ్యాన్స‌ర్ క్యారెక్ట‌ర్‌లో సందడి చేసిన అదాశ‌ర్మ ఆ క్యారెక్ట‌ర్ నేచుర‌ల్‌గా ఉండేందుకు తాను ప‌డ్డ క‌ష్టాన్ని చెప్పుకొచ్చింది.

న‌ట‌న‌లో సహజత్వం కోసం..

బార్ డ్యాన్స‌ర్‌గా తన పాత్రలో నేచురల్​గా కనిపించేందుకు డ్యాన్స్ బార్‌లో ప్ర‌తి క్ష‌ణాన్ని క్షుణ్ణంగా ప‌రిశీలించిందట‌. అందుకోసం డ్యాన్స్ బార్‌లో గంట‌ల‌ కొద్ది గడిపిందట. సిరీస్‌ చూసే ప్రేక్ష‌కుల‌ కళ్లకు వాస్తవంగా అనిపించాలని, పర్‌ఫామెన్స్ స‌రిగా చేయలేపోతే ఎంత చేసినా ఆ న‌ట‌న‌లో సహజత్వం కనిపించదని అభిప్రాయ‌ప‌డింది. అందుకోసమే తాను అక్క‌డి వాతావ‌ర‌ణాన్ని అర్థం చేసుకునేందుకు బార్​లోనే గ‌డ‌పాల్సి వ‌చ్చింద‌ని చెప్పుకొచ్చింది. రోజూ రాత్రి 9 గంటలకు వెళ్లి ఉదయం 4 - 5 వరకూ బార్‌లోనే గ‌డిపిందట‌.

ఆ స‌మ‌యంలో బార్‌కు వ‌చ్చే కస్టమర్లతో మాట్లాడం, అక్క‌డి వారి న‌డ‌వ‌డిక‌ను ప‌రిశీలించ‌డం ద్వారా త‌న‌కు పూర్తిస్థాయిలో కాన్ఫిడెన్స్ వ‌చ్చింద‌ని చెప్పుకొచ్చింది ఈ ముద్దుగుమ్మ‌. అదా శర్మ స్కూల్ పూర్తి కాగానే సినిమా ఇండస్ట్రీలోకి అడుగుపెట్టింది. బాక్సాఫిసు వ‌ద్ద సూప‌ర్ హిట్ అయిన‌.. విక్రమ్​భట్ తెరకెక్కించిన '1920' సినిమాలో నటించినప్పుడు ఆమె వయస్సు 16 సంవత్సరాలే అంటే ఆశ్చ‌ర్యంగానే ఉంటుంది. ఆ తర్వాత తెలుగు, తమిళం, కన్నడ, హిందీ బాష‌లలో ప‌లు చిత్రాల్లో అదాశ‌ర్మ‌ నటించింది.

English summary

Actress Adah Sharma goes to the bar at 9 pm every night and stays at the bar till 4-5 am to look natural in her role as a bar dancer in the web series Sunflower. She told many things related to this web series in an interview.