బిగ్‌బాస్‌లో ఫైటింగ్..కొట్టుకున్న కంటెస్టెంట్లు (వీడియో)

సంచలనాలకు మారు పేరుగా నిలుస్తోంది బిగ్‌ బాస్ షో . కొంతమంది సెలబ్రిటీలను ఒక హౌస్‌లో 100 రోజుల పాటు ఉంచి వారితో రకరకాల ఆటలు ఆడిస్తూ..వారిలోని ఎమోషన్స్‌ను బయటకు తీసుకురావడమే ఈ షో యొక్క ముఖ్యం ఉద్దేశం. తొలుత హిందీలో మొదలైన ఈ రియాల్టీ షో తరువాత తమిళ, తెలుగు, కన్నడ, మళయాళ భాషల్లో కూడా ప్రారంభం అయింది.

షో మొదట్లో సెలబ్రిటీలను మాత్రమే తీసుకురాగా తర్వాత సామాన్యులను, పెళ్లైనా జంటలను కూడా షోకు తీసుకురావడం మొదలుపెట్టారు. సాధారణంగా బిగ్ బాస్ అనగానే గొడవలు,అరుచుకోవడాలు కామన్‌గా ఉంటాయి. అయితే కంటెస్టెంట్లు తమ హద్దులు దాటి ప్రవర్తించారు. ఏకంగా హౌస్‌లో అందరూ చూస్తుండగానే తన్నుకున్నారు.

ఇక్కడ అదృష్టం ఏమిటంటే..ఇది తెలుగు బిగ్ బాస్‌లో కాకపోవడం. ఈ సంఘటన తమిళ బిగ్ బాస్‌లో చోటు చేసుకుంది. బిగ్ బాస్ తమిళ సీజన్ 9 ఐదో వారంలోకి అడుగుపెట్టడంతోనే ఊహించని మలుపు తీసుకుంది. తాజా ఓపెన్ నామినేషన్స్ ప్రక్రియ తర్వాత హౌస్‌లో వాతావరణం వేడెక్కింది. నామినేట్ అయిన 12 మందిలో ఉన్న కమ్రుద్దీన్, ప్రవీణ్ మధ్య జరిగిన తీవ్ర వాగ్వాదం తారస్థాయికి చేరింది.

#Day30 #Promo1 of #BiggBossTamil

Bigg Boss Tamil Season 9 - இன்று இரவு 9:30 மணிக்கு நம்ம விஜய் டிவில.. #BiggBossTamilSeason9 #OnnumePuriyala #BiggBossSeason9Tamil #BiggBoss9 #BiggBossSeason9 #VijaySethupathi #BiggBossTamil #BB9 #BiggBossSeason9 #VijayTV #VijayTelevision pic.twitter.com/jrFCHSPK8j

— Vijay Television (@vijaytelevision) November 4, 2025

మొదట ప్రవీణ్‌తో మొదలైన గొడవ, జోక్యం చేసుకున్న ప్రజిన్ వైపు మళ్లింది. కమ్రుద్దీన్, ప్రజిన్ మధ్య పరిస్థితి చేతులు చేసుకోవడం వరకు వెళ్లింది. ఇద్దరు పోటీదారులు ఒకరినొకరు నెట్టుకోవడంతో హౌస్‌మేట్స్ భయంతో కేకలు వేశారు. ఈ ప్రోమో వీడియోలో అమ్మాయిలు ఏడవడం, ఇతరులు వారిని ఆపేందుకు ప్రయత్నించడం చూస్తుంటే, సీజన్ 9 చరిత్రలోనే ఇది పెద్ద గొడవగా కనిపిస్తోంది.

ఈ సంఘటన షోపై ఉన్న ప్రతికూల సమీక్షలను మరింత పెంచే అవకాశం ఉంది. హౌస్‌మేట్స్ ఎవరికైనా గాయమైందా? ఈ గొడవకు బిగ్ బాస్ ఎలాంటి శిక్ష విధిస్తారు? అనేది తదుపరి ఎపిసోడ్‌లో తేలనుంది.

English summary

Bigg Boss Tamil Season 9 witnessed its biggest brawl as Kamruddin and Prajin engaged in physical violence. Read the full details on the shocking fight and what punishment Bigg Boss might give.