బాలీవుడ్ బ్యూటీ కారుకు ఘోర ప్రమాదం.. తలకు బలమైన గాయం !!!

బాలీవుడ్ స్టార్ హీరోయిన్, సెన్సేషనల్ డ్యాన్సర్ నోరా ఫతేహి రోడ్డు ప్రమాదానికి గురయ్యారు. ముంబై నగరంలో ఆమె ప్రయాణిస్తున్న కారును మరో కారు వేగంగా వచ్చి ఢీకొట్టడంతో ఈ ప్రమాదం చోటుచేసుకుంది. గోవాలో జరగనున్న ప్రముఖ మ్యూజిక్ ఫెస్టివల్ 'సన్‌బర్న్' కార్యక్రమానికి హాజరయ్యేందుకు నోరా వెళ్తుండగా ఈ ఘటన జరిగింది. దీంతో ఈ వ్యవహారం హాట్ టాపిక్ గా మారింది.

మద్యం మత్తులో..

కాగా ప్రమాదానికి కారణమైన కారును వినయ్ సక్పాల్ (27) అనే వ్యక్తి నడుపుతున్నట్లు పోలీసులు గుర్తించారు. అతడు మద్యం మత్తులో కారును నడిపినట్లు ప్రాథమిక విచారణలో తేలింది. వేగంగా వచ్చి నోరా ఫతేహి కారును ఢీకొట్టడంతో ఆమె వాహనం తీవ్రంగా దెబ్బతిన్నట్లు సమాచారం. ప్రమాదం జరిగిన వెంటనే పోలీసులు ఘటనా స్థలానికి చేరుకుని వినయ్ సక్పాల్‌ను అదుపులోకి తీసుకున్నారు. అతడిపై ర్యాష్ డ్రైవింగ్, డ్రంక్ అండ్ డ్రైవ్ సెక్షన్ల కింద కేసు నమోదు చేసినట్లు పోలీసులు వెల్లడించారు.

అయితే ప్రమాదం అనంతరం నోరా ఫతేహిని వెంటనే సమీప ఆసుపత్రికి తరలించారు. ఈ ఘటనలో ఆమెకు తలకు స్వల్ప దెబ్బ తగలడంతో 'కంకషన్'కు గురైనట్లు వైద్యులు తెలిపారు. అంతర్గత రక్తస్రావం ఏమైనా ఉందా అనే అనుమానంతో డాక్టర్లు సీటీ స్కాన్ నిర్వహించారు. వైద్య పరీక్షల అనంతరం తీవ్రమైన ప్రమాదం ఏమీ లేదని.. కేవలం స్వల్ప కంకషన్ మాత్రమేనని వైద్యులు స్పష్టం చేశారు. కొంత విశ్రాంతి తీసుకోవాలని సూచించినప్పటికీ, నోరా పరిస్థితి పూర్తిగా స్థిరంగానే ఉందని వెల్లడించారు.

ఇక్కడ ఆశ్చర్యకర విషయం ఏమిటంటే.. ఈ ప్రమాదం జరిగినప్పటికీ నోరా ఫతేహి తన వృత్తిపట్ల ఉన్న అంకితభావంతో అదే రాత్రి 'సన్‌బర్న్ 2025' వేదికపై ప్రదర్శన ఇచ్చారు. అంతే కాకుండా అక్కడే తన తదుపరి అంతర్జాతీయ మ్యూజిక్ సింగిల్ టీజర్‌ను కూడా ఆవిష్కరించారు. ప్రమాదం నుంచి బయటపడి కూడా స్టేజ్‌పై ఎనర్జీతో డాన్స్ చేయడం చూసి అభిమానులు, నెటిజన్లు ఆమె ధైర్యాన్ని ప్రశంసిస్తున్నారు. సోషల్ మీడియాలో నోరా ధైర్యసాహసాలపై ప్రశంసల వర్షం కురుస్తోంది.

English summary

Bollywood star heroine and sensational dancer Nora Fatehi was involved in a road accident. The accident took place when another car coming at a high speed hit the car she was travelling in in Mumbai.