CSC Recruitment : నిరుద్యోగులకు గుడ్ న్యూస్.. నేడే లాస్ట్ డేట్ !!

ప్రభుత్వ ఉద్యోగాల కోసం ఎదురుచూస్తున్న నిరుద్యోగులకు గుడ్ న్యూస్. డిజిటల్ ఇండియా కార్యక్రమం కింద పనిచేస్తున్న CSC e-Governance Services India Limited దేశవ్యాప్తంగా ఆధార్ సూపర్‌వైజర్/ఆపరేటర్ పోస్టుల భర్తీకి నోటిఫికేషన్ విడుదల చేసింది. ఇందులో భాగంగా మొత్తం 252 ఖాళీలను భర్తీ చేయనున్నారు. ఆసక్తి గల అభ్యర్థులు 2026 మార్చి 10లోపు ఆన్‌లైన్ ద్వారా దరఖాస్తు చేసుకోవాలి. ఈ నియామకాలు జిల్లా స్థాయిలో ఏర్పాటు చేసిన ఆధార్ సేవా కేంద్రాల్లో చేపడతారు. ఎంపికైన అభ్యర్థులు ప్రభుత్వ ఆధ్వర్యంలో డిజిటల్ సేవలను అందించే అవకాశాన్ని పొందుతారు.

ఆధార్ సేవా కేంద్రాల్లో నియామకం..

ఈ పోస్టులకు ఎంపికైన అభ్యర్థులను Unique Identification Authority of India ఆధ్వర్యంలోని Aadhaar Seva Kendras (ASKs) లో నియమిస్తారు. ఆధార్ నమోదు, అప్డేట్ సేవలు, బయోమెట్రిక్ ధృవీకరణ వంటి కీలక సేవలను ప్రజలకు అందించే బాధ్యత వారికి ఉంటుంది. ఈ నియామకాలు ఒక సంవత్సరం ఒప్పంద ప్రాతిపదికన ఉంటాయి. పనితీరు ఆధారంగా ఒప్పందాన్ని పొడిగించే అవకాశం కూడా ఉండొచ్చు. పూర్తి వివరాలు మీకోసం ప్రత్యేకంగా..

మొత్తం పోస్టులు..

252

పోస్టుల పేరు..

Aadhaar Supervisor / Operator

నియామకం..

జిల్లాస్థాయి ఆధార్ సేవా కేంద్రాలు

విద్యార్హత..

ఈ ఉద్యోగాలకు దరఖాస్తు చేయాలనుకునే అభ్యర్థులు కింది అర్హతలలో ఏదో ఒకటి కలిగి ఉండాలి:

కనీసం 12వ తరగతి (ఇంటర్మీడియట్) ఉత్తీర్ణత (లేదా) 10వ తరగతి + 2 సంవత్సరాల ITI (లేదా) 10వ తరగతి + 3 సంవత్సరాల పాలిటెక్నిక్ డిప్లొమా

అభ్యర్థులు తప్పనిసరిగా UIDAI అనుమతి పొందిన టెస్టింగ్ ఏజెన్సీ జారీ చేసిన Aadhaar Supervisor/Operator Certificate కలిగి ఉండాలి.

వయస్సు పరిమితి..

కనీస వయస్సు: 18 సంవత్సరాలు

గరిష్ట వయస్సుపై ప్రత్యేక పరిమితి నోటిఫికేషన్‌లో రాష్ట్రాల వారీగా మారవచ్చు.

సాంకేతిక నైపుణ్యాలు..

ప్రాథమిక కంప్యూటర్ పరిజ్ఞానం

డేటా ఎంట్రీ స్కిల్స్

మంచి కమ్యూనికేషన్ నైపుణ్యాలు

స్థానిక భాషపై పట్టు

ప్రజలతో వ్యవహరించే సామర్థ్యం

స్థానిక జిల్లా అభ్యర్థులకు ప్రాధాన్యత ఇవ్వబడుతుంది.

జీతం వివరాలు..

ఎంపికైన అభ్యర్థులకు సంబంధిత రాష్ట్ర ప్రభుత్వం నిర్ణయించిన సెమీ-స్కిల్డ్ కార్మికుల కనీస వేతనాల ప్రకారం జీతం చెల్లించబడుతుంది. పోస్టింగ్ ఉన్న రాష్ట్రం ఆధారంగా జీతం మారవచ్చు. అదనంగా పనితీరు ఆధారంగా ఇతర ప్రయోజనాలు కూడా ఉండే అవకాశం ఉంది.

ఎంపిక ప్రక్రియ..

దరఖాస్తుల పరిశీలన

అర్హులైన అభ్యర్థుల షార్ట్‌లిస్టింగ్

డాక్యుమెంట్ వెరిఫికేషన్

అవసరమైతే ఇంటర్వ్యూ / ఇంటరాక్షన్

తుది ఎంపిక అనంతరం అభ్యర్థులను ఆధార్ సేవా కేంద్రాల్లో నియమిస్తారు.

దరఖాస్తు విధానం..

ఆసక్తి గల అభ్యర్థులు పూర్తిగా ఆన్‌లైన్ ద్వారా మాత్రమే దరఖాస్తు చేసుకోవాలి.

అధికారిక వెబ్‌సైట్ సందర్శించాలి : https://career.csccloud.in/

CSC VLE అకౌంట్‌తో లాగిన్ / రిజిస్ట్రేషన్ చేయాలి

Aadhaar Supervisor / Operator పోస్టును ఎంపిక చేయాలి

దరఖాస్తు ఫారమ్ పూరించాలి

అవసరమైన డాక్యుమెంట్లు అప్‌లోడ్ చేయాలి

చివరిగా ఫారమ్ సమర్పించాలి

అవసరమైన డాక్యుమెంట్లు..

10వ / 12వ తరగతి సర్టిఫికెట్‌లు

ITI / డిప్లొమా సర్టిఫికెట్ (ఉండితే)

Aadhaar Supervisor / Operator Certificate

గుర్తింపు పత్రం

నివాస ధృవీకరణ పత్రం

దరఖాస్తు గడువు..

ఫిబ్రవరి 11, 2026 నుంచి మార్చి 10, 2026

డిజిటల్ ఇండియా కార్యక్రమం కింద ఆధార్ సేవల్లో ప్రత్యక్షంగా పనిచేయాలనుకునే వారికి ఇది మంచి అవకాశం. జిల్లా స్థాయిలో ప్రభుత్వ మద్దతుతో డిజిటల్ సేవలను ప్రజలకు అందించే బాధ్యత ఈ ఉద్యోగం ద్వారా లభిస్తుంది. ఆసక్తి ఉన్న అభ్యర్థులు చివరి తేదీకి ముందే దరఖాస్తు చేయాలని అధికారులు సూచిస్తున్నారు.

English summary

Good news for the unemployed waiting for government jobs. CSC e-Governance Services India Limited working under the Digital India program, has released a notification for the recruitment of Aadhaar Supervisor/Operator posts across the country.