గద్దర్ అవార్డు విజేతలకు ప్రైజ్ మనీ ఎంత ఇవ్వనున్నారో తెలుసా..?

Published: Sunday, June 1, 2025, 13:30 [IST]

సుమారు 14 ఏళ్ల విరామం తర్వాత తెలంగాణ ప్రభుత్వం నంది అవార్డుల ప్రదానం కార్యక్రమాన్ని ప్రారంభించింది. ఈసారి ప్రముఖ ప్రజా గాయకుడు గద్దర్ జ్ఞాపకార్థంగా.. గద్దర్ అవార్డ్స్ పేరిట ఈ వేడుకలను నిర్వహించబోతున్నారు. ఈ క్రమంలోనే 2024 సంవత్సరానికి ఇప్పటికే విజేతలను సైతం ప్రకటించారు. అలానే 2014 నుంచి 2023 మధ్య వచ్చిన సినిమాలకు ఉత్తమ చిత్రం విభాగంలో అవార్డులు అనౌన్స్ చేశారు. కాగా రాష్ట్ర ప్రభుత్వం సినిమా పురస్కారాలను పునరుద్ధరించడం పట్ల సినీ ప్రముఖులు సైతం హర్షం వ్యక్తం చేస్తున్నారు.

అయితే విజేతలకు పురస్కారంతో పాటు నగదు బహుమతి కూడా అందిస్తారు. ఈ క్రమంలోనే గతంలో నంది అవార్డుల కంటే ఈసారి ప్రైజ్ మనీని భారీగా పెంచింది తెలంగాణ సర్కార్. అవార్డుల్లో భాగంగా మొత్తం 73 పురస్కారాలను తెలంగాణ ప్రభుత్వం అందించనుండగా.. ఇందుకోసం ప్రభుత్వం రూ. 4.5 కోట్లు ఖర్చు చేయనుందని సమాచారం. ఒక్కో ఉత్తమ చిత్రానికి పురస్కారంతోపాటు రూ. 10 లక్షల ప్రైజ్ మనీ లభించనుంది. అలాగే వ్యక్తిగత అవార్డుల్లోనూ ఒక్కో పురస్కారానికి రూ. 3 నుంచి రూ. 5 లక్షల వరకు చొప్పున నగదు అందనుంది. అలాగే ప్రత్యేక పురస్కారాల్లో ఒక్కో స్మారక అవార్డుకు రూ. 10 లక్షల ప్రోత్సాహక నగదు లభించనుంది.

details-about-how-much-prize-money-will-be-given-to-winners-of-gaddar-awards

గద్దర్ అవార్డుల కోసం మొత్తం 1248 నామినేషన్లు రాగా వాటిని పరిశీలించిన అనంతరం అవార్డు గ్రహీతల పేర్లను ప్రకటించారు. మొత్తం 11 ఉత్తమ చిత్రాలకు గానూ, ఒక్కో చిత్రానికి రూ. 10 లక్షలు, రెండో ఉత్తమ చిత్రాలకు ఒక్కోదానికి రూ. 7 లక్షలు, మూడో ఉత్తమ చిత్రాలకు ఒక్కో చిత్రానికి రూ. 5 లక్షల చొప్పున ప్రోత్సాహక బహుమతి అందించనున్నారు.

2024 గద్దర్ ఫిల్మ్ అవార్డుల విజేతలు..

2024 బెస్ట్‌ ఫిల్మ్స్‌ ఇవే..

మొదటి ఉత్తమ చిత్రం: కల్కి 2898ఏడీ

రెండో ఉత్తమ చిత్రం: పొట్టేల్‌

మూడో ఉత్తమ చిత్రం: లక్కీ భాస్కర్‌

ఉత్తమ బాలల చిత్రం: 35 చిన్న కథ కాదు

హిస్టరీ - హెరిటేజ్‌ చిత్రం: రజాకార్‌

ఉత్తమ ప్రజాదరణ పొందిన చిత్రం: ఆయ్‌

ఉత్తమ పరిచయ దర్శకుడు: యదు వంశీ (కమిటీ కుర్రోళ్ళు)

ఉత్తమ దర్శకుడు: నాగ్‌ అశ్విన్‌ (కల్కి)

ఉత్తమ నటుడు: అల్లు అర్జున్‌ (పుష్ప 2)

ఉత్తమ నటి: నివేదా థామస్‌ (35 చిన్న కథ కాదు)