ట్రైలర్ కే థియేటర్లు తగలబడుతున్నాయి.. ఇక సినిమా రిలీజ్ అయితే..!!

బాలీవుడ్ స్టార్ హీరో రణ్ వీర్ సింగ్, ఆదిత్య ధర్ కాంబోలో వచ్చిన 'ధురంధర్' మూవీ భారతీయ సినిమా చరిత్రలోనే బిగ్గెస్ట్ హిట్ గా నిలిచిన విషయం తెలిసిందే. ఆ మూవీకి కొనసాగింపుగా 'ధురంధర్-2 ది రివెంజ్' మూవీ రిలీజ్ కానుంది. మార్చి 19 న ప్రపంచవ్యాప్తంగా ఈ మూవీ రిలీజ్ కు సిద్ధమైంది. ఈమేరకు తాజాగా ట్రైలర్ ను రిలీజ్ చేశారు. ధురంధర్ మూవీ బ్లాక్ బస్టర్ హిట్ కొట్టిన నేపథ్యంలో ధురంధర్ పార్ట్-2 ను అన్ని ప్రాంతీయ భాషల్లో తెరకెక్కించాలని నిర్ణయించింది చిత్ర నిర్మాణ సంస్థ. అందులో భాగంగానే తాజాగా తెలుగు ట్రైలర్ రిలీజ్ అయింది.

'ధురంధర్-2 ది రివెంజ్' మూవీ తెలుగు ట్రైలర్ గురించి ఒక్క ముక్కలో చెప్పాలంటే కష్టం. అంత అద్భుతంగా ఈ ట్రైలర్ ఉంది. ధురంధర్ సినిమాను మించిన స్థాయిలో ఈ ట్రైలర్ ఉంది. ఈ ట్రైలర్ దాదాపు 3 నిమిషాల 25 సెకన్ల పాటు ఉంది. ట్రైలర్ చూస్తుంటే రణ్ వీర్ సింగ్ బ్లడ్ బాత్ లుక్ లో కనిపిస్తున్నాడు. బీస్ట్ మోడ్ ఆన్ అని ట్రైలర్ లోనే చెప్పేశారు. ఇక థియేటర్లు తగలబడటం ఖాయమని తెలుస్తోంది. ఈ మూవీలో రణ్ వీర్ సింగ్ రెండు పాత్రల్లో నటిస్తున్నాడు. తొలి భాగంలో హమ్జా పాత్రలో మెప్పించాడు. ఈ రివెంజ్ పార్ట్ లో జస్కిరత్ సింగ్, హమ్జా పాత్రలతో కనిపించనున్నాడు.

ఈ ట్రైలర్ లో యాక్షన్ సీక్వెన్స్, విజువల్స్ అద్భుతంగా ఉన్నాయి. తొలి భాగం ధియేటర్లలో దాదాపు నెల రోజులకుపైగానే ఆడింది. రూ. 1400 కోట్ల వరకు కలెక్షన్స్ రాబట్టింది. దాంతో రెండో పార్టుపై భారీగా అంచనాలు ఏర్పడ్డాయి. ఇక ఈ ట్రైలర్ చూస్తుంటే అంచనాలను సులభంగా అందుకునేట్టుగా సినిమా ఉండబోతుందని స్పష్టం అవుతోంది. ఇక రణ్ వీర్ సింగ్ విధ్వంసం చూడాలంటే మార్చి 19 వరకు ఆగాల్సిందే.

ఈ మూవీని 'యూరి' ఫేమ్ ఆదిత్య ధర్ తెరకెక్కించాడు. ఈ మూవీలో రణ్ వీర్ సింగ్ తో పాటు సంజయ్ దత్, మాధవన్, అర్జున్ రాంపాల్ తదితరులు కీలక పాత్రల్లో నటిస్తున్నారు. జియో స్టూడియోస్ నిర్మించిన ఈ చిత్రం మార్చి 19 న ప్రపంచవ్యాప్తంగా రిలీజ్ కానుంది.