హీరోయిన్తో ఆ ఎంపీ ఎఫైర్.. భార్య ఏం చేసిందంటే..!
బాలీవుడ్ ప్రముఖ నటుడు గోవింద , ఆయన భార్య సునీతా అహుజా దాదాపు 38 సంవత్సరాల వైవాహిక జీవితం తర్వాత విడిపోతున్నారని వస్తున్న వార్తలు సినీ పరిశ్రమలో సంచలనం సృష్టిస్తున్నాయి. ఈ జంట విడాకులకు దరఖాస్తు చేసుకున్నారని, ఇది వారి అభిమానులను ఆశ్చర్యానికి గురిచేసిందని తెలుస్తోంది.
విడాకులకు కారణాలు
సునీతా అహుజా ముంబైలోని బాంద్రా ఫ్యామిలీ కోర్టులో విడాకులకు దరఖాస్తు చేసుకున్నారని సమాచారం. ఆమె దరఖాస్తులో, సైద్ధాంతిక విభేదాలు , క్రూరత్వం విడాకులకు ప్రధాన కారణాలుగా పేర్కొన్నట్లు తెలుస్తోంది. ఈ వ్యవహారం ఇప్పటికే కౌన్సెలింగ్ దశకు చేరుకుందని, సునీత కూడా కోర్టుకు హాజరయ్యారని వర్గాలు వెల్లడించాయి.
గోవింద, సునీత నిశ్శబ్దం
అయితే, ఈ విడాకుల పుకార్లపై గోవింద కానీ, సునీత కానీ ఇంతవరకు అధికారికంగా ఎటువంటి ప్రకటన విడుదల చేయలేదు. వారి సన్నిహితులు కూడా ఈ విషయంపై మౌనం పాటిస్తున్నారు. గతంలో కూడా వీరిద్దరి మధ్య విభేదాలు తలెత్తాయని, విడాకుల పుకార్లు వచ్చాయని, కానీ ఆ సమయంలో సునీత గోవిందను, నన్ను ఎవరూ వేరు చేయలేరని బహిరంగంగా ప్రకటించడం విశేషం.
వైరల్ వీడియో, యూట్యూబ్ ఛానెల్
ఈ విడాకుల వార్తల మధ్య, సునీత పాత ఇంటర్వ్యూ వీడియో ఒకటి వైరల్ అవుతోంది. అందులో ఆమె గోవిందను తనలాగా ఎవరూ ప్రేమించలేరని చెబుతున్నారు. ఇది పాత వీడియో అయినప్పటికీ, ప్రస్తుత పరిస్థితుల నేపథ్యంలో సోషల్ మీడియాలో చర్చనీయాంశంగా మారింది. ఇటీవలే సునీత తన యూట్యూబ్ ఛానెల్ను కూడా ప్రారంభించారు, తన మొదటి వ్లాగ్లో ఆమె భావోద్వేగానికి లోనయ్యారు. ఈ పరిణామాలన్నీ వారి బంధంలో నిజంగా ఏదైనా సమస్య ఉందా అనే సందేహాన్ని మరింత పెంచుతున్నాయి. అధికారిక ప్రకటన వచ్చేవరకు, ఈ వ్యవహారంపై ఊహాగానాలు కొనసాగుతూనే ఉంటాయి.
యంగ్ హీరోయిన్తో ఎఫైర్
ఓ మరాఠీ కుర్ర హీరోయిన్తో వివాహేతర సంబంధం పెట్టుకున్నాడని, దీని కారణంగా భార్యాభర్తల మధ్య దూరం పెరిగిందని తెలుస్తోంది. దీంతో సునీత గతేడాది డిశంబర్ 5న బాంద్రా ఫ్యామిలీ కోర్టులో పిటిషన్ దాఖలు చేసింది. గోవింద గతంలో కాంగ్రెస్ పార్టీ ఎంపీగా కూడా పని చేశారు.2008లో గోవింద రాజకీయాల నుంచి తప్పుకుని మళ్లీ తన సినీ కెరీర్పై దృష్టి పెట్టాలని నిర్ణయించుకున్నారు. రాజకీయాల్లో చేరడం తన జీవితంలో చేసిన ఒక పెద్ద తప్పని, దీనివల్ల తన సినీ కెరీర్ దెబ్బతిందని కూడా ఆయన తర్వాత వ్యాఖ్యానించారు.
ఆ తర్వాత సుదీర్ఘ విరామం తీసుకున్న ఆయన 2024 లోక్ సభ ఎన్నికల ముందు ఏక్నాథ్ షిండే నేతృత్వంలోని శివసేన పార్టీలో చేరి తిరిగి రాజకీయాల్లోకి వచ్చారు. శివసేనలో చేరినప్పుడు, ఆయన కాంగ్రెస్తో తన రాజకీయ జీవితాన్ని ఒక రకంగా 'వనవాసం'గా పేర్కొన్నారు. అయితే, ఆయన ఏ పార్టీలోనూ చురుకైన పాత్ర పోషించలేదు.
Click it and Unblock the Notifications
Sign in with Google