అతను నన్ను చూసి హస్త ప్రయోగం చేసుకున్నాడు..హీరోయిన్ సంచలనం
బాలీవుడ్లో తనదైన శైలిలో గుర్తింపు తెచ్చుకున్న నటి జెమీ లివర్, కేవలం టీవీ షోలతోనే కాకుండా, 2015లో వచ్చిన 'కిస్ కిస్కో ప్యార్ కరూన్' చిత్రంతో సినీ రంగ ప్రవేశం చేసి మంచి పేరు సంపాదించుకుంది. హిందీలో పలు సినిమాల్లో నటించిన ఈమె, 2024లో అల్లరి నరేష్ నటించిన 'ఆ ఒక్కటి అడక్కు' చిత్రంతో తెలుగు ప్రేక్షకులకు కూడా పరిచయమైంది. ప్రస్తుతం పలు ప్రాజెక్టులతో బిజీగా ఉన్న జెమీ, ఇటీవల ఒక బాలీవుడ్ మీడియాకు ఇచ్చిన ఇంటర్వ్యూలో తన చిన్నతనంలో ఎదుర్కొన్న షాకింగ్ ఘటనను వెల్లడించింది.
ఆమె పంచుకున్న ఆ సంఘటన ఎంతో ఆందోళన కలిగించేది. "నేను, నా స్నేహితుడు నా సోదరుడి కోసం కారులో వేచి ఉన్నాము. మేము మాట్లాడుకుంటుండగా, ఒక వ్యక్తి వచ్చి నా ఎదురుగా నిలబడి హస్తప్రయోగం చేయడం ప్రారంభించాడు. అప్పుడు నేను చాలా చిన్నదాన్ని, ఆ వ్యక్తి ఏమి చేస్తున్నాడో నాకు తెలియదు. నేను నా స్నేహితుడికి 'నీ వెనుక ఒక వ్యక్తి ఉన్నాడు, అతను ఏమి చేస్తున్నాడో నాకు తెలియదు' అని చెప్పాను. నా స్నేహితుడు చూసి, 'నువ్వు అతన్ని పట్టించుకోకుండా మాట్లాడటం కొనసాగించు' అని సూచించాడు. ఆ సమయంలో నేను చాలా భయపడ్డాను, వణికిపోయాను.
నెమ్మదిగా కారు లాక్ చేశాను. కొంత సమయం తర్వాత, మేము అతన్ని పట్టించుకోవడం లేదని గ్రహించి అతను అక్కడి నుండి వెళ్లిపోయాడు. అప్పుడు నాకు 10 లేదా 12 సంవత్సరాలు ఉంటాయి" అని జెమీ వెల్లడించింది.జెమీ లివర్ చేసిన ఈ వ్యాఖ్యలు ప్రస్తుతం నెట్టింట వైరల్ అవుతున్నాయి. చిన్న వయసులోనే ఎదుర్కొన్న ఈ భయంకరమైన అనుభవం ఆమెను ఎంతగా ప్రభావితం చేసిందో ఈ మాటలు స్పష్టం చేస్తున్నాయి.
Click it and Unblock the Notifications
Sign in with Google