నటి హేమ పబ్ వీడియో వైరల్.. నేనెప్పుడూ తప్పు చేయనంటూ..!

మరోసారి నటి హేమ డ్రగ్స్ వ్యవహారం కలకలం రేపుతోంది. గతంలో డ్రగ్స్ కేసులో నటి హేమకు బెంగళూరు కోర్టు క్లీన్ చిట్ ఇచ్చిన విషయం తెలిసిందే. అయితే తాజాగా కొండాపూర్‌ లోని క్వాక్ ఏరీనా పబ్ లో నటి హేమ కూడా పాల్గొన్నారు. ఈ మేరకు ఇన్ స్టాలో సంచలన వీడియో పోస్ట్ చేశారు. "మళ్లీ పబ్ కు వచ్చాను.. డ్రగ్స్ టెస్టులో నెగిటివ్ వచ్చిందంటూ హేమ పోస్ట్ చేసిన వీడియో సామాజిక మాధ్యమాల్లో వైరల్ గా మారింది. ఏప్రిల్ 2 న రాత్రి క్వాక్ ఏరీనా పబ్ కు వెళ్లిన హేమ.. పబ్ ప్రాంగణం నుంచే వీడియో రిలీజ్ చేశారు.

హైదరాబాద్ నగరంలో డ్రగ్స్ ను అరికట్టేందుకు పోలీసులు కఠిన చర్యలు తీసుకుంటున్న విషయం తెలిసిందే. అయితే తాజాగా కొండాపూర్‌ లోని క్వాక్ ఏరీనా పబ్ పై ఈగల్ టీమ్, స్థానిక పోలీసులు కలిసి మెరుపు దాడులు చేపట్టారు. పబ్ లో దాదాపు 64 మందికి డ్రగ్స్ పరీక్షలు నిర్వహించారు. ఈ పరీక్షల్లో మొత్తం 8 మందికి పాజిటివ్ అని తేలింది. అలాగే వీరిలో వీరిలో ఆరుగురు గంజాయి సేవించినట్లుగా, మరో ఇద్దరు డ్రగ్స్ తీసుకున్నట్లు పోలీసులు నిర్ధారించారు.

అయితే ఈ పబ్ లో పార్టీకి హాజరైన నటి హేమ.. మళ్లీ పబ్ కు వచ్చాను.. ఇప్పుడే ఈగల్ టీం వాళ్లు చేసిన డ్రగ్స్ టెస్ట్ లో నెగిటివ్ వచ్చింది.. అని తన రిపోర్టును చూపిస్తూ వీడియో షేర్ చేశారు హేమ. మీ హేమక్క ఎప్పుడూ తప్పు చేయదు.. అనవసరంగా నాపై దుష్ప్రచారం చేయవద్దు.. రేపు మళ్లీ టెస్ట్ డ్రగ్స్ టెస్ట్ కు సంబంధించిన వీడియో పోస్ట్ చేస్తానంటూ వీడియోలో పేర్కొన్నారు హేమ. ప్రస్తుతం హేమ వీడియో సామాజిక మాధ్యమాల్లో వైరల్ అవుతోంది. ఇక ఈ క్వాక్ ఏరీనా పబ్ లో పట్టుబడిన అందరినీ అదుపులోకి తీసుకున్న పోలీసులు.. తదుపరి విచారణ కోసం గచ్చిబౌలి పోలీస్ స్టేషన్‌ కు తరలించారు.