ఎన్నికల సమయంలో హీరో నాగార్జున ఆసక్తికర వ్యాఖ్యలు

హీరో నాగార్జున తెలంగాణ మంత్రి కేటీఆర్‌పై ఆసక్తిర వ్యాఖ్యలు చేశారు. తెలంగాణ రాష్ట్రాన్ని అన్ని రంగాల్లో ముందుకు తీసుకువెళ్లడంలో మంత్రి కేటీఆర్ సక్సెస్ అయ్యారని ఆయన తెలిపారు. ముఖ్యంగా హైదరాబాద్‌ను ప్రపంచ పటంలో నిలపడంలో కేటీఆర్ పాత్ర ఎంతో ఉందని నాగార్జున చెప్పుకొచ్చారు. అంతర్జాతీయ దిగ్గజ సంస్థలు పెట్టుబడులు పెట్టేందుకు ముందుగా హైదరాబాద్‌ నగరాన్నే ఎంచుకుంటున్నాయని నాగార్జున అన్నారు.

పెట్టుబడుల కేంద్రంగా హైదరాబాద్‌ మారేలా కృషి చేస్తున్న మంత్రి కేటీఆర్‌ను నాగార్జున అభినందించారు. అత్యాధునిక వసతులతో రాష్ట్ర ప్రభుత్వం పెట్టుబడి సంస్థలను ఆకర్షిస్తోందని నాగార్జున వివరించారు. అయితే సరిగ్గా ఎన్నికల ముందు హీరో నాగార్జున ఇలాంటి కామెంట్స్ చేయడం ఇప్పుడు హాట్ టాపిక్‌గా మారింది. ఆయన పరొక్షంగా బీఆర్ఎస్ పార్టీకి మద్దతుగా నిలిచారని ప్రతిపక్ష పార్టీలు భావిస్తున్నాయి.

నాగార్జున వ్యాఖ్యలు కచ్చింతంగా అధికార బీఆర్ఎస్ పార్టీ లబ్ధి చేకూర్చేలా ఉన్నాయని మరి కొంతమంది కామెంట్స్ చేస్తున్నారు. ఎన్నికల సమయంలో మంత్రి కేటీఆర్‌పై నాగార్జున ప్రశంసలు కురిపించడం చర్చనీయాంశంగా మారింది. ఇదిలా ఉంటే రాష్ట్రంలో అన్ని పార్టీలు కూడా పూర్తిగా ఎన్నికల మూడ్‌లోకి వెళ్లాయి. రాజకీయ పార్టీలు ఎన్నికల వ్యూహాల్లో పూర్తిగా నిమగ్నమైయ్యాయి. అభ్యర్థులందరూ ఎన్నికల ప్రచారంతో హోరెత్తిస్తున్నారు. రాష్ట్రంలో నవంబర్ 30న ఎన్నికలు జరగనుండగా, డిసెంబర్ 3న ఫలితాలు వెలువడనున్నాయి.

English summary

Hero nagarjuna interesting comments on minister ktr