కెమెరా ముందే వాంతులు చేసుకున్న చిన్నారి పెళ్లికూతురు.. అసలేమైంది! (వీడియో)

'చిన్నారి పెళ్లికూతురు' సీరియల్‌తో తెలుగు ప్రేక్షకుల మనసు దోచుకున్న అవికా గోర్ అనంతరం హీరోయిన్‌గా కూడా మెప్పించారు. సోషల్ మీడియాలో యాక్టివ్‌గా ఉండే అవికా గోర్ ప్రస్తుతం నెట్టింట హాట్ టాపిక్‌గా మారారు. తాజాగా ఆమెకు సంబంధించిన ఓ వీడియో సోషల్ మీడియాలో వైరల్ అయ్యింది. తన నటనతో, క్యూట్ లుక్స్‌తో మెప్పించే అవికా గోర్.. ఇటీవల ఒక ఈవెంట్‌లో అకస్మాత్తుగా అస్వస్థతకు గురవ్వడం ఇప్పుడు చర్చనీయాంశమైంది. ఈ ఘటనకు సంబంధించిన వీడియో సోషల్ మీడియాలో వైరలవ్వడంతో ఆమె గర్భవతి అంటూ రకరకాల ఊహాగానాలు మొదలయ్యాయి.

అసలేం జరిగిందంటే?
ఆ వీడియోలో నటి అవికా గోర్ తన భర్త మిలింద్ చంద్రవాణితో కలిసి ఓ ఈవెంట్‌కు హాజరయ్యారు. అక్కడ రెడ్ కార్పెట్‌పై ఫోటోగ్రాఫర్లకు ఫోజులిస్తూ ఎంతో ఉత్సాహంగా కనిపించారు. అదే స‌మ‌యంలో అక్క‌డే ఉన్న ఫొటోగ్రాఫ‌ర్లు ఈ జంట‌ను త‌మ కెమెరాల్లో బందిస్తున్నారు. అయితే కాసేపు న‌వ్వుతూ క‌నిపించిన అవికా మొహం ఒక్క‌సారిగా మారిపోయింది. క‌డుపును ప‌ట్టుకుని ప‌క్క‌కు వెళ్లి వాంతి చేస్తున్నట్లుగా కనిపించింది. ఆ సమయంలో మిలింద్ ఫొటోగ్రాఫ‌ర్ల‌ను ఫొటోలు తీయొద్దంటూ చెప్పినట్లు వీడియోలో కనిపిస్తుంది. ఈ చిన్న సంఘటననే చూసి చాలా మంది అభిమానులు అవికా గర్భవతి అయ్యి ఉండొచ్చని సోషల్ మీడియాలో కామెంట్లు చేయడం ప్రారంభించారు.

సోషల్ మీడియాలో ప్రెగ్నెన్సీ చర్చలు
ఈ వీడియో చూసిన నెటిజన్లు రకరకాలుగా స్పందిస్తున్నారు. అవికా గోర్ అకస్మాత్తుగా అలా అస్వస్థతకు గురవ్వడం, వాంతి చేసుకున్నట్లు కనిపించడం వంటివి గర్భధారణ లక్షణాలేనని చాలా మంది అభిప్రాయపడుతున్నారు. "అవికా త్వరలోనే తల్లి కాబోతోంది, అందుకే మార్నింగ్ సిక్నెస్ వల్ల అలా జరిగి ఉండవచ్చు" అంటూ నెటిజన్లు కామెంట్స్ చేస్తున్నారు. మరికొందరు అభిమానులు మాత్రం ఆమె ఆరోగ్యం పట్ల ఆందోళన వ్యక్తం చేస్తూ.. అది ఫుడ్ పాయిజన్ లేదా సాధారణ నీరసం కూడా కావచ్చని సరిపెట్టుకుంటున్నారు.

Balika Vadhu fame Avika Gor Vomiting in front pap, is she pregnant? pic.twitter.com/SGal7d8uqX

— Aditya (@Warlock_Aditya) March 4, 2026

స్పందించని అవికా దంపతులు
ఈ ప్రచారంపై ఇప్పటివరకు అవికా గోర్ కానీ.. ఆమె భర్త మిలింద్ కానీ ఎలాంటి అధికారిక ప్రకటన చేయలేదు. అవికా సాధారణంగా తన వ్యక్తిగత విషయాలను సోషల్ మీడియా ద్వారా అభిమానులతో పంచుకుంటూ ఉంటారు. కానీ, ఈసారి మాత్రం ఆమె మౌనంగా ఉండటం ఈ ఊహాగానాలకు మరింత బలాన్ని చేకూరుస్తోంది. ఈ వార్తల్లో ఎంతవరకు నిజముందనేది తెలియాలంటే అవికా స్వయంగా స్పందించాల్సి ఉంది.

కెరీర్ ముచ్చట్లు
హిందీలో 'బాలికా వధు' (చిన్నారి పెళ్లికూతురు) సీరియల్‌తో చిన్న వయసులోనే దేశవ్యాప్త గుర్తింపు తెచ్చుకున్న అవికా గోర్.. తెలుగులో 'ఉయ్యాల జంపాల' సినిమాతో హీరోయిన్‌గా ఎంట్రీ ఇచ్చారు. 'సినిమా చూపిస్త మామ', 'ఎక్కడికి పోతావు చిన్నవాడా' వంటి చిత్రాలతో టాలీవుడ్‌లో తనకంటూ ఒక ప్రత్యేక గుర్తింపు సంపాదించుకున్నారు. ప్రస్తుతం కెరీర్‌తో పాటు వ్యక్తిగత జీవితాన్ని బ్యాలెన్స్ చేస్తున్న ఈ నటి, తనపై వస్తున్న వార్తలకు ఎప్పుడు చెక్ పెడతారో చూడాలి.

English summary

Actress Avika Gor felt unwell and was seen vomiting at a recent event. Fans are speculating she might be pregnant after the viral video. Read details here.