'కాంతారా చాప్టర్ 1' కు సెన్సేషనల్ బిజినెస్.. ఎన్టీఆర్ సినిమాను దాటేసి..

2022 లో సాధారణ చిత్రంగా విడుదలై సంచలనం సృష్టించింది కన్నడ సినిమా ' కాంతారా'. కన్నడతోపాటు తెలుగు, తమిళం, హిందీ లో విడుదలైన ఈ మూవీ సెన్సేషనల్ బ్లాక్ బస్టర్ గా నిలిచి దాదాపు రూ. 400 కోట్ల రూపాయిల గ్రాస్ వసూళ్లను రాబట్టింది. చిన్న సినిమాగా వచ్చి బాక్సాఫీస్​ ను షేక్​ చేసి ఒక్కసారిగా పాన్​ ఇండియా సినిమాలకు ధీటుగా నిలిచింది. కన్నడ సినిమాల్లో అత్యధిక కలెక్షన్లు వసూలు చేసిన రెండో చిత్రంగానూ నిలిచింది. అయితే ఈ సినిమాకు ప్రీక్వెల్​ చేయనున్నట్లు నిర్మాతలు ఇది వరకే ప్రకటన చేశారు.

'కాంతారా- చాప్ట‌ర్ 1' అనే టైటిల్​ తో రానున్న ఈ మూవీకి కూడా రిషబ్​ శెట్టి ద‌ర్శ‌క‌త్వం వ‌హిస్తున్నారు. అంతకుముందు కాంతారా సినిమాకు దర్శకత్వం వహించడమే కాకుండా, అద్భుతమైన నటన కనబర్చినందుకు గానూ రిషబ్ శెట్టి కు ఉత్తమ నటుడు క్యాటగిరీలో నేషనల్ అవార్డు దక్కిన విషయం తెలిసిందే. ఇక ప్రస్తుతం 'కాంతారా- చాప్ట‌ర్ 1' షూటింగ్ శరవేగంగా సాగుతోంది. ఈ మూవీ అక్టోబర్ 2వ తేదీన ప్రపంచవ్యాప్తంగా విడుదలకు సిద్ధం అవుతోంది.

ఇక ఈ మూవీ రిలీజ్ కు ముందే పలు రికార్డులు క్రియేట్ చేస్తోంది. ముఖ్యంగా తెలుగు రాష్ట్రాల్లో ఈ సినిమాకు జరుగుతున్న ప్రీ రిలీజ్ థియేట్రికల్ బిజినెస్ ప్రస్తుతం హాట్ టాపిక్ గా మారింది. ట్రేడ్ పండితుల సమాచారం ప్రకారం ఈ చిత్రానికి తెలుగు రాష్ట్రాల ప్రీ రిలీజ్ థియేట్రికల్ బిజినెస్ రూ. 95 కోట్ల వరకు జరిగిందని తెలుస్తుంది. ఓ ఒక ప్రముఖ టాలీవుడ్ నిర్మాత ఈ హక్కులను సొంతం చేసుకున్నట్లు సమాచారం. ఇక ఇటీవల ఎన్టీఆర్, హృతిక్ రోషన్ నటించిన వార్ 2 చిత్రానికి తెలుగు రాష్ట్రాల్లో రూ. 90 కోట్ల బిజినెస్ జరిగింది. ఇప్పుడు ఈ మూవీకి అంతకు మించిన బిజినెస్ జరగడం హాట్ టాపిక్ గా మారింది.