ఓటీటీలోకి రూ. 1000 కోట్ల సినిమా.. రిలీజైన నెల రోజులకే..

ఇటీవల బాక్సాఫీస్ వద్ద ప్రభంజనం సృష్టించింది కాంతార చాప్ట‌ర్ 1 మూవీ. దసరా పండుగ సందర్భంగా అక్టోబర్ 2 న విడుదలైన ఈ మూవీకి ప్రేక్షకుల నుంచి విశేష స్పందన వచ్చింది. రిలీజైన 27 రోజుల్లోనే ఈ మూవీ దాదాపు రూ. 900 కోట్ల వరకు కలెక్షన్స్ రాబట్టింది. 2025 లో ఇండియాలోనే బిగ్గెస్ట్ హిట్ గా నిలిచింది. ఈ ఏడాది అత్యధిక కలెక్షన్స్ రాబట్టిన బాలీవుడు మూవీ సయారా ను.. కాంతార చిత్రం దాటేసింది. కాంతార సినిమాకు ప్రీక్వెల్‌ గా వచ్చిన ఈ మూవీ.. విడుదలైన తొలి రోజు నుంచే వసూళ్ల వర్షం కురిపిస్తోంది. తాజాగా ఈ సినిమా రూ. 850 కోట్లకుపైగా కలెక్షన్స్ రాబట్టి మరో అరుదైన మైలురాయిని చేరుకుంది. రూ. 1000 కోట్ల దిశగా దూసుకెళ్తోంది.

OTT📢#KantaraChapter1 - Prime - Oct 31 pic.twitter.com/G6fismoV5A

— Filmy Fanatic (@FanaticFilmy) October 27, 2025

ఇక ఈ మూవీని కన్నడ నటుడు రిషబ్ శెట్టి స్వీయ దర్శకత్వంలో రూపొందించాడు. ఓ వైపు డైరెక్షన్ చేస్తూనే మరోవైపు హీరోగా తనదైన శైలిలో నటించి మెప్పించాడు. ఇక ఈ మూవీలో రుక్మిణి వాసంతో హీరోయిన్ గా నటించింది. ఇతర నటులు జయరామ్, గుల్షన్ దేవయ్య, ప్రమోద్ శెట్టి తదితరులు కీలక పాత్రల్లో నటించారు. ఈ సినిమాకు అజనీష్ లోక్ నాథ్ సంగీతం అందించారు. హొంబలే ఫిల్మ్స్ సంస్థ ప్రతిష్టాత్మకంగా నిర్మించింది. కాంతార చాప్టర్ 1 సినిమాను రూ. 125 కోట్లతో నిర్మిస్తే రూ. 850 కోట్ల వరకు వసూళ్లు రాబట్టడం విశేషం.

అయితే తాజాగా ఈ మూవీ ఓటీటీ రిలీజ్ డేట్ ను అధికారికంగా ప్రకటించింది చిత్ర యూనిట్ కాంతారా చాప్టర్ 1 మూవీని అక్టోబర్ 31 న అమెజాన్ ప్రైమ్ వీడియోలో స్ట్రీమింగ్ చేయబోతున్నట్లు తాజాగా అధికారికంగా ప్రకటించారు. థియేట‌ర్లలో దుమ్ములేపిన ఈ మూవీ ఓటీటీలో ఎలాంటి రెస్పాన్స్ అందుకుంటుందోనని ఆస‌క్తిగా ఉన్నారు. ఈ మూవీ తర్వాత రిషబ్ శెట్టి జై హనుమాన్ చిత్రంలో నటించనున్నాడు. ఆ తర్వాత కాంతార చాప్టర్ 2 చిత్రం చేయనున్నట్లు ఇటీవల పేర్కొన్నాడు.