Lavanya Tripathi:మెగా ఫ్యామిలీ జోలికి వచ్చారో...తాట తీస్తా..!!
మెగా కోడలు, నటి లావణ్య త్రిపాఠి సోషల్ మీడియాలో తనదైన శైలిలో స్పందిస్తూ వార్తల్లో నిలిచారు. సాధారణంగా వివాదాలకు దూరంగా ఉండే లావణ్య, తన కుటుంబంపై వచ్చే అనుచిత వ్యాఖ్యలను మాత్రం సహించే ప్రసక్తే లేదని గట్టిగా నిరూపించారు. తాజాగా మెగా ఫ్యామిలీని ఉద్దేశించి ఒక తమిళ మీడియా ట్రోల్ చేసిన ట్వీట్పై ఆమె ఇచ్చిన కౌంటర్ నెట్టింట వైరల్ అవుతోంది.
మెగా పవర్ స్టార్ రామ్ చరణ్ కుటుంబంలో వెల్లివిరిసిన ఆనందాన్ని కొందరు సోషల్ మీడియాలో వివాదాస్పదం చేసే ప్రయత్నం చేశారు. దీనిపై మెగా కోడలు లావణ్య త్రిపాఠి తీవ్రంగా స్పందించారు. కుటుంబ గౌరవానికి భంగం కలిగించేలా ఉన్న ట్వీట్ను చూసి ఆమె మౌనంగా ఉండలేకపోయారు.
అసలేం జరిగింది?
రామ్ చరణ్ కుటుంబ వేడుకలను ఉద్దేశించి ఒక తమిళ మీడియా ట్రోల్ హ్యాండిల్ వివాదాస్పద ట్వీట్ చేసింది. "రామ్ చరణ్కు కూతురు పుట్టినప్పుడు లేని హంగామా, ఇప్పుడు కొడుకు పుట్టాక ఘనంగా వేడుకలు జరుపుకుంటున్నారు" అనే అర్థం వచ్చేలా ఆ ట్వీట్ సారాంశం ఉంది. ఆడపిల్ల, మగపిల్లవాడు అంటూ వివక్షను ప్రోత్సహించేలా ఉన్న ఈ వ్యాఖ్యలు సోషల్ మీడియాలో దుమారం రేపాయి.
లావణ్య ఘాటు స్పందన:
ఈ ట్వీట్ చూసిన వెంటనే లావణ్య సోషల్ మీడియా వేదికగా మండిపడ్డారు. "ఈ ట్వీట్ చాలా నీచమైన అభిరుచితో ఉంది. ఒక స్వచ్ఛమైన సంతోషకరమైన క్షణాన్ని ఇలా అసహ్యంగా మార్చడం ఏమాత్రం బాలేదు" అంటూ నేరుగా కౌంటర్ ఇచ్చారు.
అంతేకాకుండా, తాజాగా ఆమె నటించిన కొత్త చిత్రం 'సతీ లీలావతి' లాంచ్ ఈవెంట్లో కూడా ఇదే అంశంపై విలేకరులు ప్రశ్నించగా లావణ్య అత్యంత ధైర్యంగా సమాధానమిచ్చారు. "నేను నా కుటుంబానికి అండగా నిలబడ్డాను. ఎవరైనా నా కుటుంబం గురించి తప్పుగా మాట్లాడితే నేను సహించను, సహించబోను" అని స్పష్టం చేశారు.
ప్రశంసల జల్లు:
లావణ్య తీసుకున్న ఈ స్టాండ్పై మెగా అభిమానులు సామాన్య నెటిజన్లు ప్రశంసలు కురిపిస్తున్నారు. అనవసరమైన నెగిటివిటీని ప్రోత్సహించే ట్రోలర్ల నోరు మూయించడానికి ఇలాంటి ధైర్యమే కావాలని ఆమెను అభినందిస్తున్నారు.
ఒక నటిగా మాత్రమే కాకుండా, ఇంటి కోడలిగా తన బాధ్యతను నిర్వర్తిస్తూ కుటుంబ సభ్యులపై వచ్చే విమర్శలను లావణ్య తిప్పికొట్టిన తీరు ఇప్పుడు టాలీవుడ్లో హాట్ టాపిక్గా మారింది. ఆమె నటిస్తున్న 'సతీ లీలావతి' చిత్రం కూడా మంచి విజయం సాధించాలని అభిమానులు కోరుకుంటున్నారు.
Click it and Unblock the Notifications
Sign in with Google