రూ.100 కోట్ల క్లబ్బులో 'మండాడి'.. చిత్ర బృందంపై కమల్ హాసన్ ప్రశంసల జల్లు
రూ. వంద కోట్ల క్లబ్బులో చేరి బాక్సాఫీస్ వద్ద రికార్డుల వర్షం కురిపిస్తున్న 'మండాడి' చిత్ర బృందానికి తాజాగా లోకనాయకుడు, యూనివర్సల్ హీరో కమల్ హాసన్ అభినందనలు వెల్లువెత్తాయి. ఆర్ఎస్ ఇన్ఫోటైన్మెంట్ బ్యానర్పై ఎల్రెడ్ కుమార్ ప్రతిష్టాత్మకంగా నిర్మించిన ఈ బ్లాక్ బస్టర్ మూవీ టీంను కమల్ హాసన్ స్వయంగా కలిసి ప్రశంసల జల్లు కురిపించారు. ఇప్పటికే సూపర్ స్టార్ రజినీకాంత్ నుండి ప్రశంసలు అందుకున్న ఈ సినిమా, ఇప్పుడు కమల్ హాసన్ లాంటి దిగ్గజ నటుడి మన్ననలు పొందడంతో చిత్ర బృందం ఆనందంలో మునిగిపోయింది.
కమల్ హాసన్ ఆశీర్వాదం
దర్శకుడు మతిమారన్ పుగళేంది, నిర్మాత ఎల్రెడ్ కుమార్తో పాటు ప్రధాన పాత్రధారులు సూరి, సుహాస్, నటుడు రవీంద్ర విజయ్లను కమల్ హాసన్ ప్రత్యేకంగా ఆహ్వానించి ముచ్చటించారు. సినిమాలోని ప్రతి అంశాన్ని అడిగి తెలుసుకుని, నటీనటుల పనితీరును, సాంకేతిక విలువలను ఆయన గొప్పగా కొనియాడారు. ఈ అపూర్వ కలయికపై హీరో సూరి సోషల్ మీడియా వేదికగా తీవ్ర భావోద్వేగానికి గురయ్యారు. నా జీవితంలో ఇది మర్చిపోలేని ఓ అద్భుతమైన ఘటన. ఈ రోజు నా మదిలో ఎప్పటికీ గుర్తుండిపోతుంది. మా 'మండాడి' టీం మీద డా. కమల్ హాసన్ సర్ కురిపించిన ప్రేమ, ఆయన ఇచ్చిన ఆశీర్వాదాలు, చెప్పిన స్ఫూర్తిదాయకమైన మాటలు మాకు ఎంతో ప్రత్యేకం. ఈ అద్భుత అవకాశాన్ని కల్పించిన మహేంద్రన్ అన్నకి, డిస్నీ బ్రదర్కి హృదయపూర్వక ధన్యవాదాలు అంటూ తన ఆనందాన్ని అభిమానులతో పంచుకున్నారు.
వసూళ్ల సునామీ
సూరి, సుహాస్ ప్రధాన పాత్రల్లో తెరకెక్కిన ఈ భారీ యాక్షన్ ఎంటర్టైనర్లో మహిమా నంబియార్, సత్యరాజ్, రవీంద్ర విజయ్, మిథున్, బాల శరవణన్ తదితరులు తమ అద్భుత నటనతో ప్రేక్షకులను మెప్పించారు. తెలుగు రాష్ట్రాల్లో ఈ చిత్రాన్ని ప్రముఖ నిర్మాణ, పంపిణీ సంస్థ మైత్రి మూవీ డిస్ట్రిబ్యూటర్స్ ఎల్ఎల్పి సెప్టెంబర్ 10న అత్యంత గ్రాండ్గా రిలీజ్ చేసింది. విడుదలైన మొదటి ఆట నుండే పాజిటివ్ టాక్ తెచ్చుకున్న ఈ చిత్రం, ఏపీ మరియు తెలంగాణలో వసూళ్ల సునామీ సృష్టిస్తూ వరల్డ్ వైడ్గా విజయవంతంగా దూసుకుపోతోంది.
సాంకేతిక నిపుణులే కీలకం
'మండాడి' విజయంలో సాంకేతిక నిపుణుల పాత్ర అత్యంత కీలకం. ముఖ్యంగా సినిమాలో వచ్చే మైండ్బ్లోయింగ్ బోట్ సీక్వెన్స్, ఉత్కంఠభరితమైన రేసింగ్ సీన్స్కి థియేటర్లలో ఆడియెన్స్ నుండి విశేషమైన స్పందన లభిస్తోంది. పీటర్ హెయిన్, దిలీప్ సుబ్బురాయన్, మహేష్ మాథ్యూ లాంటి ఉద్ధండులు కంపోజ్ చేసిన యాక్షన్ ఎపిసోడ్స్ సిల్వర్ స్క్రీన్ మీద ఒక విజువల్ వండర్ను తలపిస్తున్నాయి. దీనికి తోడు సినిమాటోగ్రాఫర్ కథిర్ అందించిన కళ్లు చెదిరే విజువల్స్, సంగీత దర్శకుడు జీవీ ప్రకాష్ కుమార్ సమకూర్చిన గూస్బంప్స్ తెప్పించే బ్యాక్గ్రౌండ్ స్కోర్ సినిమాను మరో స్థాయికి తీసుకెళ్లాయి. కథలోని భావోద్వేగాలను, యాక్షన్ను తమ భుజాలపై మోస్తూ సూరి, సుహాస్ కనబరిచిన ప్రాణవంతమైన నటన సినిమా విజయానికి ప్రధాన బలంగా నిలిచి, ఈ చిత్రాన్ని ప్రేక్షకులకు చిరకాలం గుర్తుండిపోయే బ్లాక్ బస్టర్గా మలిచింది.
Click it and Unblock the Notifications
Sign in with Google
