పవన్ కళ్యాణ్ 'OG' మూవీలో భారీ సర్ప్రైజ్?
పవర్ స్టార్ పవన్ కళ్యాణ్ నటిస్తున్న 'ఓజీ' సినిమా విడుదలకు ముందే సోషల్ మీడియాలో ఊహాగానాలు, చర్చలు పెరిగిపోయాయి. ఈ సినిమాకు సంబంధించి ఓ కొత్త అప్డేట్ అందరినీ ఆశ్చర్యపరుస్తోంది. సినిమా విడుదలకు ముందు ఇది ఓ బిగ్ సర్ప్రైజ్ కానుందని ప్రచారం జరుగుతోంది. 'దే కాల్ హిమ్ ఓజీ' (They Call Him OG) సినిమాకు దర్శకుడు సుజిత్. ఈ సినిమా సెప్టెంబర్ 25, 2025న విడుదల కానుంది.
ఎవరు గెస్ట్గా వస్తున్నారు?
'ఓజీ' సినిమాపై మరో పెద్ద ఊహాగానం నెట్టింట హల్చల్ అవుతోంది. ఇందు ఓ పెద్ద స్టార్ గెస్ట్గా కనిపించవచ్చని అంటున్నారు. పవన్ కళ్యాణ్ కొడుకు అకీరా నందన్ సినిమాలో యువ పవన్ పాత్రలో కనిపిస్తారని.. లేదా సాయి ధరమ్ తేజ్ లేదా వరుణ్ తేజ్ ఇందులో ఒక కీలక పాత్రలో కనిపించవచ్చని పుకార్లు వినిపిస్తున్నాయి. అయితే ఈ వార్తలపై ఇప్పటివరకు అధికారిక ప్రకటన లేదు. బహుశా సినిమా విడుదల వరకు ఈ సర్ప్రైజ్ను కొనసాగించాలని మేకర్స్ భావిస్తున్నట్లు తెలుస్తోంది.
'సువ్వి సువ్వి' సాంగ్ విడుదల
'ఓజీ' సినిమాలోని 'సువ్వి సువ్వి' అనే పాట ఆగస్టు 27, 2025న ఉదయం 10:08 గంటలకు విడుదల కానుంది. ఈ విషయాన్ని సంగీత దర్శకుడు థమన్ ఎస్. స్వయంగా ఎక్స్ (గతంలో ట్విట్టర్) వేదికగా వెల్లడించారు. ఈ పాట పోస్టర్లో పవన్ కళ్యాణ్, కథానాయిక ప్రియాంక అరుల్ మోహన్ చాలా సంతోషంగా కనిపించారు.
Our Favourite ❤️ #SuviSuvi
— thaman S (@MusicThaman) August 24, 2025
Will Make Ur Ears Filled with Love for Years 🖤💫#27thAug 10:08 AM 🤍#OgSecondSingle #TheyCallHimOG FROM SEP 25 2025 💞🚀 pic.twitter.com/kv6i0Bds91
సినిమా గురించి మరిన్ని వివరాలు ఇలా..
'ఓజీ' సినిమా ఒక పాన్-ఇండియా పీరియడ్ గ్యాంగ్స్టర్ డ్రామా. పవన్ కళ్యాణ్ ప్రేయసి పాత్రలో ప్రియాంక అరుల్ మోహన్ నటిస్తున్నారు. ఈ సినిమాలో బాలీవుడ్ నటుడు ఇమ్రాన్ హష్మీ, ప్రకాష్ రాజ్, శ్రియా రెడ్డి, అర్జున్ దాస్ వంటి ప్రముఖ నటులు కీలక పాత్రలు పోషిస్తున్నారు. ఈ సినిమాను కళ్యాణ్ దాసరి, డీవీవీ దానయ్య సంయుక్తంగా నిర్మిస్తున్నారు. థమన్ ఈ సినిమాకు సంగీతాన్ని అందిస్తున్నారు. ఈ సినిమా తెలుగుతో పాటు ఇతర భారతీయ భాషల్లో కూడా విడుదల కానుంది.
పవన్ కళ్యాణ్ చివరి సినిమా 'హరి హర వీరమల్లు' ప్రేక్షకులను పెద్దగా ఆకట్టుకోలేకపోయింది. ఈ నేపథ్యంలో 'ఓజీ' సినిమాపై అభిమానుల్లో భారీ అంచనాలు నెలకొన్నాయి. ఈ సినిమా బాక్సాఫీస్ వద్ద ఎలాంటి ప్రభంజనం సృష్టిస్తుందో వేచి చూడాలి.
Click it and Unblock the Notifications
Sign in with Google