త్వరగా పెళ్లి చేసుకొని.. అర డజను మంది పిల్లలని కను బావ !

పాన్ ఇండియా స్టార్ ప్రభాస్.. నేడు తన 46వ పుట్టినరోజు జరుపుకుంటున్నారు. ప్రభాస్ పుట్టినరోజు అంటే అభిమానులకు పండుగ రోజులా మారిపోయింది. ఈ క్రమంలోనే సోషల్ మీడియా వేదికగా ఫ్యాన్స్, సెలబ్రిటీలు శుభాకాంక్షలు తెలియజేస్తున్నారు. తెలుగు రాష్ట్రాలతో పాటు ఉత్తరాది మరియు ఓవర్సీస్‌లో కూడా "హ్యాపీ బర్త్‌డే డార్లింగ్" అంటూ ఫ్యాన్స్ భారీగా సంబరాలు జరుపుకుంటున్నారు. దీంతో ప్రభాస్ సోషల్ మీడియాలో ట్రెండింగ్ గా మారిపోయారు.

ప్రభాస్ వ్యక్తిగత వివరాలు..

ప్రభాస్ పూర్తి పేరు వెంకట సూర్యనారాయణ ప్రభాస్ రాజు. ఆయన 1979 అక్టోబర్ 23న జన్మించారు. వీరి స్వస్థలం పశ్చిమ గోదావరి జిల్లా మొగల్తూరు. ప్రభాస్, ఉప్పలపాటి సూర్యనారాయణ రాజు, శివ కుమారి దంపతులకు రెండో సంతానంగా జన్మించారు. కృష్ణంరాజు వారసుడిగా 2002లో ఈశ్వర్ సినిమాతో ప్రభాస్ తెరంగేట్రం చేశారు.

2004లో త్రిష సరసన నటించిన 'వర్షం' ప్రభాస్‌ కి మంచి గుర్తింపు తెచ్చింది. ఆ తర్వాత అడవి రాముడు, చక్రం సినిమాల్లో నటనకు గుర్తింపు దక్కినా కానీ.. చిత్రాలు పరాజయం పాలయ్యాయి. 2005లో రాజమౌళి దర్శకత్వంలో వచ్చిన 'ఛత్రపతి' బాక్సాఫీస్‌ను షేక్‌ చేసింది. ఆ తర్వాత డార్లింగ్, మిస్టర్ పర్ఫెక్ట్ , మిర్చి వంటి బ్యాక్ టూ బ్యాక్ చిత్రాలతో అదరగొట్టిన ప్రభాస్.. బాహుబలి సినిమాతో పాన్ ఇండియా బాక్సాఫీస్ వద్ద విధ్వంసం సృష్టించాడు.

ఇక ఆ నెక్స్ట్ నుంచి రికార్డ్స్ తిరగరాస్తూనే ఉన్నారు. 2017లో బ్యాంకాక్‌ లోని మేడమ్ టుస్సాడ్స్ మ్యూజియంలో ప్రభాస్ మైనపు ప్రతిమను ఉంచడం ఆయనకు దక్కిన అరుదైన గౌరవంగా చెప్పవచ్చు. దక్షిణాది నటుల్లో ఈ ఘనత సాధించిన తొలి వ్యక్తి ప్రభాస్.

మోహన్ బాబు ఇంట్రెస్టింగ్ పోస్ట్..

ప్రభాస్‌కు కలెక్షన్ కింగ్ మోహన్ బాబు చేసిన బర్త్‌డే విషెస్ మాత్రం ప్రత్యేక ఆకర్షణగా నిలిచింది. మోహన్ బాబు సోషల్ మీడియాలో పోస్ట్ చేస్తూ.. "మై డియర్ డార్లింగ్ బావా".. "నువ్వు సినీ జాతి మొత్తానికి ఒక గర్వకారణం," అంటూ ప్రశంసించారు. నీ జీవితం అపరిమితమైన సంతోషంతో నిండిపోవాలి.. ఇలాగే మరిన్ని పుట్టినరోజులు గ్రాండ్‌గా జరుపుకోవాలని అన్నారు. వందేళ్లపాటు ఆరోగ్యంగా, ఉత్సాహంగా ఉండాలని కోరుకున్నారు.

"అరడజన్ పిల్లలతో సంతోషంగా ఉండు"..

అంతే కాకుండా ప్రభాస్ పెళ్లి గురించి మోహన్ బాబు ఫన్నీగా ప్రస్తావించారు. నువ్వు త్వరగా పెళ్లి చేసుకుని, అరడజన్ నుంచి ఏకంగా ఒక డజన్ మంది పిల్లలు కూడా కలగాలని.. సంతోషమైన జీవితాన్ని గడపాలని మనస్ఫూర్తిగా కోరుకుంటున్నాను. ఎప్పటికీ ఈ బావ నిన్ను ప్రేమిస్తూనే ఉంటాడు" అని పేర్కొన్నారు. మోహన్ బాబు చేసిన ఈ సరదా వ్యాఖ్యలు నెట్టింట ఫన్నీ కామెంట్స్‌కు దారి తీశాయి.

My Dear Darling Bava #Prabhas , the pride of the entire nation —May you be blessed with endless happiness, and celebrate many more birthdays in grand style, may you live in good health and joy for a hundred years,

And may you soon get married and live a happy life with half a… pic.twitter.com/tiPFY5t7Vu

— Mohan Babu M (@themohanbabu) October 23, 2025

గతంలో మోహన్ బాబు, ప్రభాస్‌ కలిసి 'బుజ్జిగాడు' సినిమాలో నటించారు. ఆ సినిమాలో ప్రభాస్, మోహన్ బాబు సోదరి త్రిషను ప్రేమిస్తాడు. ఆ సందర్భంలోనే తెరపై వీళ్ళిద్దరూ 'బావ, బావమరిది' అని పిలుచుకున్నారు. అప్పటినుంచి బయట కూడా అలాగే పిలుచుకుంటూ మంచి రిలేషన్‌ను మెయింటైన్ చేస్తున్నారు. ఈ అనుబంధం కారణంగానే మోహన్ బాబు 'కన్నప్ప' సినిమాలో ప్రభాస్ ఒక ముఖ్యమైన పాత్ర పోషించారు. ఈ సినిమాలో దాదాపు 30 నిమిషాల పాటు ఉండే ఈ పాత్రకు ప్రభాస్ ఎలాంటి రెమ్యూనరేషన్ లేకుండానే నటించినట్లు సమాచారం.

English summary

Pan India star Prabhas is celebrating his 46th birthday today. In this context, the birthday wishes given to Prabhas by collection king Mohan Babu became a special attraction.