నరుకుడే.. నరుకుడు.. నాని 'హిట్ - 3' ట్రైలర్ రిలీజ్

నేచురల్ స్టార్ నాని.. ప్రస్తుతం శైలేష్ కొలను దర్శకత్వంలో హిట్ 3 థర్డ్ కేస్ మూవీలో నటిస్తూ, నిర్మిస్తున్నాడు. ఈ చిత్రంలో హీరోయిన్ గా కేజీఎఫ్ హీరోయిన్ శ్రీనిధి శెట్టి నటించగా.. మిక్కీ జే మేయ‌ర్ సంగీతాన్ని అందిస్తున్నారు. మే 1 న ప్రపంచవ్యాప్తంగా గ్రాండ్ గా విడుదల కాబోతున్న ఈ చిత్రం పై భారీ ఆశలే పెట్టుకున్నాడు నాని. ఇన్నాళ్లు లవ్ స్టోరీస్, ఫ్యామిలీ ఎంటర్ టైనర్ సినిమాలు చేసిన నాని దసరాతో రూట్ మార్చగా.. సరిపోదా శనివారం చిత్రంతో అదరగొట్టాడు. ఈ సినిమాతో కూడా అదే జోష్ కొనసాగించాలని చూస్తున్నాడు నాని. ఇప్పటికే రిలీజ్ అయిన టీజర్ ని చూసి నేచురల్ స్టార్ కాస్త మోస్ట్ వైలెంట్ స్టార్ గా మారాడనే కామెంట్స్ వినిపించాయి.

ఇప్పుడు లేటెస్ట్ గా ఈ చిత్రం ట్రైలర్ ని రిలీజ్ చేశారు. మూడు నిమిషాల 31 సెకండ్ల నిడివి ఉన్న ఈ ట్రైలర్ లోని కొన్ని షాట్స్ ఒళ్లు గగుర్పొడిచేలా ఉన్నాయి. క్రిమినల్స్ ఉంటే టెన్ ఫీట్ సెల్ లో ఉండాలి, లేదా భూములో సిక్స్ ఫీట్ హోల్ లో ఉండాలి అని నాని చెప్పే డైలాగ్ తో ఈ ట్రైలర్ మొదలవుతుంది. ముఖ్యంగా ప్రముఖ ప్రవచన కర్త శ్రీ చాగంటి వాయిస్ ఓవర్ తో ఇచ్చిన ఎలివేషన్స్ కూడా నెక్స్ట్ లెవెల్ అనిపించాయి. ఇక అర్జున్ సర్కార్‌గా నాని ఆటిట్యూడ్ గురించి హిట్ 2 లోనే చూశాం. ఇప్పుడు ట్రైలర్ లో కూడా నరుకుడే నరుకుడు అంటూ నాని చెలరేగి నటించినట్టు కనిపిస్తుంది.

ఇక ఐపిఆప్టికే హిట్ ఫ్రాంచైజీలో వరుసగా సినిమాలు వస్తుండగా ఫస్ట్ కేసులో విశ్వక్ సేన్, సెకండ్ కేసులో అడవి శేష్ నటించారు. ఇప్పుడు హిట్ 3 లో నానితో పాటు.. అడవి శేష్ కూడా కనిపిస్తారని రీసెంట్ గానే లీక్ ఇచ్చారు. అయితే నాని ఎలా అయితే హిట్ 2 క్లైమాక్స్ లో కనిపించారో అలానే హిట్ 3 చివర్లో.. 'హిట్ 4'లో హీరోని రివీల్ చేసేందుకు మేకర్స్ ప్లాన్ చేసినట్టు తెలుస్తోంది. కోలీవుడ్ స్టార్ హీరో కార్తీ ఈ చిత్రంలో ముఖ్య పాత్రలో నటించబోతున్నారని గత కొంతకాలంగా సోషల్ మీడియాలో జోరుగా ప్రచారం జరుగుతోంది.

ఈ సినిమా తర్వాత శ్రీకాంత్ డైరెక్షన్ లో 'ది ప్యారడైజ్', సుజీత్ డైరెక్షన్ లో కూడా ఒక మూవీ చేస్తున్నారు. 'ది ప్యారడైజ్'మూవీ నుంచి రిలీజ్ చేసిన గ్లింప్స్ కూడా హాట్ టాపిక్ అయ్యాయి. అసభ్య పదజాలం మాత్రం ఊహించని షాక్ ఇచ్చింది. నాని సినిమాలో ఈ తరహా డైలాగ్ ఏంటి అని ఒకింత షాక్ అయ్యారు.

అంతే కాకుండా ప్యారడైజ్ సినిమాలో నాని తల్లి పాత్రలో సోనాలి కులకర్ణి నటిస్తున్నట్లు మొదట వార్తలు వచ్చాయి. ఆ తర్వాత నటి రమ్యకృష్ణ తల్లి క్యారెక్టర్ లో నటిస్తున్నారని గత కొద్ది రోజులుగా సోషల్ మీడియాలో టాక్ నడుస్తోంది. అంతే కాకుండా ఈ మూవీలో కలెక్షన్ కింగ్ మంచు మోహన్ బాబు విలన్ రోల్ చేస్తున్నారని ప్రచారం జరుగుతోంది. కథ నచ్చడంతో మోహన్ బాబు కూడా ఈ సినిమాకు గ్రీన్ సిగ్నల్ ఇచ్చారని అంటున్నారు.

English summary

Natural Star Nani is currently acting and producing the movie 'Hit 3' directed by Sailesh Kolanu. The movie is set to release on May 1st. Now the latest trailer of this movie has been released.