'అంత ఇబ్బందిగా ఉన్నప్పుడు వేసుకోవడం ఎందుకు?: ఏకిపారేస్తున్న నెటిజన్లు!

సినీ పరిశ్రమలో గ్లామర్ అనేది విడదీయలేని భాగం. ముఖ్యంగా అవార్డు వేడుకలు లేదా సినిమా ఫంక్షన్ల సమయంలో హీరోయిన్లు రకరకాల వినూత్నమైన డిజైనర్ దుస్తులు ధరించి అందరి దృష్టిని ఆకర్షిస్తుంటారు. అయితే కొన్నిసార్లు ఈ ఫ్యాషన్ ప్రయోగాలు వారికి ఊహించని ఇబ్బందులను తెచ్చిపెడుతుంటాయి. తాజాగా నటి నిధి అగర్వాల్ ఓ అవార్డు వేడుకలో ధరించిన డ్రెస్ ఇప్పుడు సోషల్ మీడియాలో హాట్ టాపిక్‌గా మారింది.

అసిస్టెంట్ సాయంతో నడక
ప్రముఖ ఫిలింఫేర్ అవార్డ్స్ సౌత్ వేడుకకు నిధి అగర్వాల్ ఓ ఖరీదైన వైట్ కలర్ గౌను మెరిసింది. అయితే ఆ డ్రెస్ చాలా పొడవుగా ఉండటంతో ఆమె నడవడానికి తీవ్రంగా ఇబ్బంది పడ్డారు. పరిస్థితి ఎంతవరకు వచ్చిందంటే.. ఆమె నడుస్తున్నంత సేపు ఓ అసిస్టెంట్ ఆ డ్రెస్ వెనుక భాగాన్ని చేతులతో పట్టుకుని ఆమె వెంటే నడవాల్సి వచ్చింది. చివరికి కెమెరాలకు ఫోజులు ఇస్తున్న సమయంలో కూడా అసిస్టెంట్ డ్రెస్‌ను సర్దుతూనే ఉండటం వీడియోలో స్పష్టంగా కనిపించింది.

సోషల్ మీడియాలో వెల్లువెత్తిన ట్రోలింగ్
ఈ సంఘటనకు సంబంధించిన వీడియో నెటిజన్ల కంటపడటంతో నిధి అగర్వాల్‌పై విమర్శల వర్షం కురుస్తోంది. నెటిజన్లు రకరకాలుగా స్పందిస్తూ ఆమెను ట్రోల్ చేస్తున్నారు:"కనీసం నడవడమే కష్టంగా ఉన్నప్పుడు, ఇలాంటి అసౌకర్యమైన డ్రెస్సులు ధరించడం ఎందుకు?" అని ఓ నెటిజన్ ప్రశ్నించారు. మరొకరు స్పందిస్తూ, "డ్రెస్ మోయడమే పనిగా పెట్టుకోవడం అసిస్టెంట్లకు మరీ ఇబ్బందికరమైన విషయం" అని కామెంట్ చేశారు.ఫ్యాషన్ పేరుతో ఇలాంటి వింత పోకడలు అవసరమా అంటూ మరికొందరు పెదవి విరుస్తున్నారు.

Actress #NidhiAgarwal had a separate assistant carry her costume while she was walking.

Many people are trolling her, asking, "If it’s that uncomfortable, why wear it in the first place?"
pic.twitter.com/khUnMDcgWh

— Filmyscoops (@Filmyscoopss) February 22, 2026

నిధి అగర్వాల్ సినీ ప్రస్థానం
తెలుగు ప్రేక్షకులకు 'సవ్యసాచి' సినిమాతో పరిచయమైన నిధి అగర్వాల్, ఆ తర్వాత వచ్చిన 'ఇస్మార్ట్ శంకర్' చిత్రంతో మాస్ ఆడియెన్స్‌లో భారీ గుర్తింపు తెచ్చుకున్నారు. గ్లామర్ పరంగా ఎప్పుడూ ముందుండే నిధి అగర్వాల్ పవన్ కళ్యాణ్ సరసన ప్రతిష్టాత్మక చిత్రం 'హరి హర వీరమల్లు'లో నటించారు. ఇటీవల రెబల్ స్టార్ ప్రభాస్ నటించిన రాజాసాబ్ చిత్రంలో తన అందంతో అభిమానులను అలరించారు. వెండితెరపై తన నటనతో అలరించే ఈ భామ.. ప్రస్తుతం తన ఫ్యాషన్ ఛాయిస్ వల్ల నెటిజన్ల విమర్శలను ఎదుర్కోవాల్సి రావడం గమనార్హం.

English summary

Actress Nidhhi Agerwal was trolled for her Filmfare Awards dress as an assistant had to carry it while she walked. Netizens call the fashion choice "uncomfortable."