'ఏమైనా సరే.. పెళ్లి అతనితోనే!'.. స్వీటీ షాకింగ్ ప్రకటన
Anushka Shetty: సాధారణంగా వయసు పెరిగే కొద్దీ పెళ్లి చేసుకోవడం, కుటుంబాన్ని ప్రారంభించడం అనే భారతీయ సంప్రదాయంలో ఒక భాగం. అయితే అనుష్క శెట్టి వంటి కొందరు సెలబ్రిటీలు పెళ్లి వయసు దాటినా తమ సింగిల్ లైఫ్ను ఎంజాయ్ చేస్తున్నారు. దీంతో వారి వివాహం గురించి ఊహాగానాలు, పుకార్లు ప్రచారంలో ఉంటాయి. ఈ జాబితాలో 20 ఏళ్లుగా సినీ పరిశ్రమలో కొనసాగుతున్న అనుష్క శెట్టి అగ్రస్థానంలో ఉంది. ఆమె తర్వాత ఇండస్ట్రీలోకి వచ్చిన చాలా మంది హీరోయిన్లు ఇప్పటికే వివాహం చేసుకుని జీవితాల్లో స్థిరపడ్డారు. స్వీటి మాత్రం తనదైన మార్గంలో దూసుకెళ్తోంది.
అనుష్క కెరీర్ ప్రస్థానం.. వివాహం వార్తలు
నాగార్జున హీరోగా నటించిన "సూపర్" చిత్రంతో వెండితెరపై అరంగేట్రం చేసిన అందాల భామ అనుష్క.. అతి తక్కువ సమయంలోనే టాలీవుడ్లో తనదైన ముద్ర వేసింది. స్టార్ హీరోలందరితోనూ కలిసి నటించి.. తన గ్లామర్, నటనతో ప్రేక్షకులను ఆకట్టుకుంది. అనుష్క అందం, అభినయం క్లాస్, మాస్ అనే తేడా లేకుండా అందరినీ మంత్రముగ్ధులను చేసింది. దీంతో తక్కువ కాలంలోనే పాన్ ఇండియా స్టార్గా ఎదిగింది. అనుష్క కెరీర్లో "బాహుబలి" అనే చిత్రం ఒక మైలురాయిగా నిలిచింది. ఈ సినిమాలో స్టార్ హీరో ప్రభాస్తో కలిసి నటించిన తర్వాత వీరిద్దరి మధ్య ప్రేమాయణం నడుస్తోందని, త్వరలోనే వివాహం చేసుకోబోతున్నారని పుకార్లు షికారు చేశాయి. అయితే ఈ వదంతులన్నింటినీ అనుష్క, ప్రభాస్ ఇద్దరూ పలుమార్లు ఖండించారు. ఆ తర్వాత ఒక పెద్ద వ్యాపారవేత్తతో అనుష్క వివాహం గురించి వార్తలు వచ్చాయి. కానీ అవి కూడా నిజం కాలేదు. ఇలా అనుష్క పెళ్లి గురించి ఏదో ఒక వార్త ప్రచారంలో ఉంటూనే ఉంది.
పెళ్లిపై అనుష్క కీలక ప్రకటన
ఈ క్రమంలో ఇటీవల ఇచ్చిన ఇంటర్వ్యూలో అనుష్క తన పెళ్లి ప్రణాళికల గురించి స్పష్టంగా, నిర్మొహమాటంగా మాట్లాడింది. "బాహుబలి సినిమా విడుదలైన తర్వాత నాపై పెళ్లి ఒత్తిడి చాలా పెరిగింది. కుటుంబ సభ్యులు కూడా నన్ను పెళ్లి చేసుకోమని చెబుతున్నారు. అంతేకాకుండా మీడియాలో కూడా ఎక్కడ చూసినా నాకు ఎదురయ్యే ప్రశ్నల్లో పెళ్లి గురించే ఎక్కువగా ఉంటుంది. నాకు పెళ్లిపై పూర్తి నమ్మకం ఉంది. సరైన సమయం వచ్చినప్పుడు, సరైన వ్యక్తి దొరికినప్పుడు తప్పకుండా పెళ్లి చేసుకుంటాను. " అని అనుష్క చెప్పుకొచ్చింది.
అనుష్క తనకు ఎలాంటి వ్యక్తి జీవిత భాగస్వామిగా కావాలో కూడా స్పష్టమైన ఆలోచనను పంచుకుంది. "నాకు పిల్లలంటే చాలా ఇష్టం. అయితే నేను ప్రేమ లేకుండా ఎవరినీ పెళ్లి చేసుకోను. ఏమైనా సరే నేను ఇష్టపడిన వ్యక్తిని మాత్రమే పెళ్లి చేసుకుంటాను. నా తల్లిదండ్రులు కూడా ఈ విషయంలో నా నిర్ణయానికి మద్దతు ఇస్తారు. నేను ప్రస్తుతం సరైన వ్యక్తి కోసం, సరైన సమయం కోసం ఎదురుచూస్తున్నాను." అని అనుష్క వెల్లడించింది. అయితే పెళ్లిపై అనుష్క చేసిన ఒక కామెంట్ చర్చకు దారితీసింది. "నేను సినిమా పరిశ్రమకు చెందిన వ్యక్తిని పెళ్లి చేసుకోను" అని అనుష్క స్పష్టం చేసింది. ఈ ప్రకటనతో తన జీవిత భాగస్వామి సినీ రంగానికి చెందిన వ్యక్తి అయి ఉండరని ఆమె సంకేతాలు ఇచ్చింది.
విడుదలకు సిద్ధమైన "ఘాటి"
రవితేజ, నాగార్జున, ప్రభాస్ వంటి స్టార్ హీరోలతో కలిసి అనేక సూపర్ హిట్ సినిమాలలో నటించి దక్షిణాది సినీపరిశ్రమలో అద్భుతమైన క్రేజ్ సంపాదించుకున్న అనుష్క శెట్టి.. గత కొంతకాలంగా సినిమాలకు కాస్త దూరంగా ఉంది. ఇది కూడా ఆమె పెళ్లి గురించి కొత్త ఊహాగానాలకు దారితీస్తోంది. అనుష్క నటించిన తాజా చిత్రం "ఘాటి" విడుదల కోసం సిద్ధంగా ఉంది. అయితే విడుదల తేదీపై ఇంకా స్పష్టత లేదు. ఈ సినిమా ఇప్పటికే రెండు సార్లు వాయిదా పడింది. అయినప్పటికీ దీనిపై ప్రేక్షకుల్లో చాలా అంచనాలు ఉన్నాయి. ఈ లోగా అనుష్క బెంగళూరులో తన నివాసాన్ని మార్చుకున్నట్లు వార్తలు వస్తున్నాయి. అనుష్క సినీ పరిశ్రమ నుండి కొంతకాలం విరామం తీసుకోవాలని నిర్ణయించుకుందా? ఇప్పుడు పెళ్లి చేసుకోబోతోందా? ఇలాంటి ప్రశ్నలు ప్రస్తుతం సినీ వర్గాల్లో, అభిమానుల మధ్య తలెత్తుతున్నాయి. అనుష్క తన పెళ్లిపై మరింత స్పష్టత ఇచ్చేంత వరకు ఈ చర్చలు కొనసాగుతూనే ఉంటాయి.
Click it and Unblock the Notifications
Sign in with Google