పవన్ కళ్యాణ్ విధ్వంసం.. "హరిహర వీరమల్లు" ట్రైలర్ రిలీజ్ !

పవర్ స్టార్ పవన్ కళ్యాణ్ ఫ్యాన్స్ అంతా ఎప్పుడెప్పుడా అని ఎదురుచూస్తున్న అప్డేట్ వచ్చేసింది. భారీ బడ్జెట్ తో రూపొందుతున్న పాన్ ఇండియా మూవీ 'హరి హర వీరమల్లు' ట్రైలర్ రిలీజ్ అయ్యింది. మొత్తం మూడు నిమిషాల వ్యవధితో వచ్చిన ఈ ట్రైలర్ అభిమానులకు పూనకాలు తెప్పిస్తోంది. ఇప్పటికే చాలా సార్లు సినిమా రిలీజ్ వాయిదా పడడంతో.. మూవీ విషయంలో ఆశలు వదిలేసుకునే పరిస్థితి వచ్చింది. కానీ ఈ ట్రైలర్ తో ఈ చిత్రం బ్లాక్ బస్టర్ హిట్ కొట్టడం గ్యారంటీ అని చెబుతున్నారు. అద్భుతమైన విజువల్స్ తో అదిరిపోయింది ట్రైలర్ అనే చెప్పాలి. ముఖ్యంగా పవన్ కళ్యాణ్ డైలాగ్స్, యాక్షన్ సీన్స్ దుమ్ము లేపేసాయి.

ప్రస్తుతం ఈ మూవీకి జ్యోతి కృష్ణ దర్శకత్వం వహించగా.. తొలి భాగం " స్వార్డ్‌ వర్సెస్‌ స్పిరిట్‌ " పేరుతో ప్రేక్షకుల ముందుకు రానుంది. పవన్ కెరీర్‌లోనే మొట్టమొదటి పాన్ ఇండియా సినిమాగా రాబోతుంది ఈ చిత్రం. బ్రో సినిమా తర్వాత పవన్ కళ్యాణ్ నటించిన సినిమా కావడంతో అభిమానులు ఈగర్ గా ఎదురుచూస్తున్నారు. దీంతో పవర్‌ స్టార్‌ ఫ్యాన్స్‌, ఇటూ మెగా అభిమానులు ఫుల్ ఖుషి అవుతున్నారు. ప్రస్తుతం ఈ ట్రైలర్ యూట్యూబ్ లో దూసుకుపోతుంది. అంతే కాకుండా ప్రీ రిలీజ్ ఈవెంట్ ను కూడా గ్రాండ్ గా ప్లాన్ చేస్తున్నారు.

పీరియాడిక్ డ్రామాగా తెరకెక్కుతున్న ఈ చిత్రాన్ని భారీ బడ్జెట్ తో ఏఎం రత్నం నిర్మించారు. రీసెంట్ గానే ఈ సినిమా షూటింగ్ ఫినిష్ చేసేశారు. మొదట్లో ఈ చిత్రానికి క్రిష్ దర్శకత్వం వహించగా పలు కారణాలతో ఆయన చిత్రం నుంచి వైదొలిగారు. ఇప్పటికే ఈ సినిమా రిలీజ్ కావాల్సి ఉండగా.. పవన్ పొలిటికల్ లైఫ్ కారణంగా పోస్ట్ పోన్ అవుతూ వచ్చింది. దాదాపు 14 సార్లు వాయిదా పడి ఆ విషయంలో కూడా రికార్డు సృష్టించింది ఈ మూవీ. కాగా ఎట్టకేలకు జూలై 24న మూవీ ప్రేక్షకుల ముందుకు రాబోతుంది.

ఈ చిత్రంలో హీరోయిన్‌ గా నిధి అగర్వాల్‌ నటిస్తుండగా.. కీలక పాత్రలలో అనుపమ్‌ఖేర్‌, బాబీ దేవోల్‌, సునీల్‌, నాజర్‌, కబీర్‌ సింగ్‌, సుబ్బరాజు, నోరా ఫతేహి, విక్రమ్‌ జీత్‌, జిషుసేన్‌ గుప్త నటిస్తున్నారు. అలానే ఆస్కార్‌ అవార్డు గ్రహిత ఎంఎం కీరవాణి ఈ సినిమాకు సంగీతం అందిస్తున్నారు. తెలుగు, హిందీ, తమిళం, కన్నడ, మలయాళ భాషల్లో ఈ మూవీ విడుదల కానుంది.

మరోవైపు సుజిత్ దర్శకత్వంలో తెరకెక్కుతున్న OG సినిమాను కూడా పవన్ ఫినిష్ చేసేశారు. ఈ చిత్రాన్ని దసరాకు ప్రేక్షకుల ముందుకు తీసుకురావాలని ఆ టీమ్ ప్లాన్ చేస్తోంది. ముంబై బ్యాక్‌డ్రాప్‌లో ఓ గ్యాంగ్‌స్టర్ జీవితాన్ని ఆధారంగా తీసుకుని రూపొందుతున్నట్టు తెలుస్తోంది.

English summary

Power Star Pawan Kalyan fans have been waiting for has finally arrived. The trailer of the huge budget pan India movie ‘Hari Hara Veeramallu’ has been released.