బాహుబలి బర్త్ డే; ప్రభాస్ కు ప్రముఖుల విషెస్; జపాన్ లోనూ సెలబ్రేషన్స్!!

Published: Monday, October 23, 2023, 17:13 [IST]

పాన్ ఇండియా స్టార్, డార్లింగ్ ప్రభాస్ పుట్టిన రోజు ఈరోజు. దీంతో ప్రభాస్ కు పుట్టిన రోజు శుభాకాంక్షలు వెల్లువగా మారుతున్నాయి. సినీ ప్రముఖుల నుండి మాత్రమే కాకుండా రాజకీయ ప్రముఖుల నుండి కూడా ప్రభాస్ కు పుట్టినరోజు విషెస్ వర్షం కురుస్తుంది. బాహుబలి సినిమాతో ఇండియాలోనే కాకుండా విదేశాల్లో కూడా ఎంతోమంది ప్రభాస్, పుట్టినరోజును అభిమానులు ఎంతో సందడిగా జరుపుకుంటున్నారు.

ప్రభాస్ ఫ్యాన్స్ కేక్స్ కట్ చేస్తూ, అన్నదాన, రక్తదాన కార్యక్రమాలు నిర్వహిస్తూ హంగామా చేస్తున్నారు. ప్రభాస్ జన్మదినం సందర్భంగా ప్రియమైన ప్రభాస్ కు పుట్టిన రోజు శుభాకాంక్షలు అంటూ చిరంజీవి ట్వీట్ చేశారు. ఈ సంవత్సరం మీరు అద్భుతమైన శిఖరాలను అధిరోహించాలని కోరుకుంటున్నానని, మీ కీర్తి మరింత విస్తరించాలని ప్రేమతో శుభాకాంక్షలు తెలుపుతున్నానని చిరంజీవి ప్రభాస్ కు జన్మదిన శుభాకాంక్షలు తెలియజేశారు.

prabhas birthday; wihses from famous personalities, celebrations in japan too

ఆంధ్రప్రదేశ్ రాష్ట్ర మంత్రి రోజా సెల్వమణి ప్రభాస్ తో తాను ఉన్న ఒక ఫోటోను షేర్ చేసి పుట్టినరోజు శుభాకాంక్షలు తెలియజేశారు. పుట్టినరోజు సందర్భంగా మీ కోరికలన్నీ నెరవేరాలని కోరుకుంటున్నాను అంటూ విష్ చేశారు. ఇక హైదరాబాద్ నగరంలో ప్రభాస్ అభిమానులు ఆయన పుట్టినరోజు సందర్భంగా బైక్స్ తో భారీ ర్యాలీ నిర్వహించారు.

వైసిపి రెబల్ ఎంపీ రఘురామ కృష్ణంరాజు కూడా ప్రభాస్ తో ఉన్న ఫోటోలు షేర్ చేసి శుభాకాంక్షలు తెలియజేశారు సలార్ మరియు కల్కి సినిమాల కోసం అందరి ఫ్యామిలీ మాదిరిగా తాను కూడా ఎదురు చూస్తున్నాను అంటూ ఆయన పోస్ట్ చేశారు. ఇదిలా ఉంటే ప్రభాస్ పుట్టినరోజు సందర్భంగా ఇండియా అభిమానులను మించి జపాన్ అభిమానులు సెలబ్రేషన్స్ చేస్తున్నారు.

జపాన్ లో పలువురు ప్రభాస్ అభిమానులు ఆయన పుట్టినరోజును ఒక పండుగలా సెలబ్రేట్ చేశారు. ప్రభాస్ ఫోటోలకు పూలదండలు వేసి బర్త్ డే డెకరేషన్స్ చేశారు. దేవుడికి ఏ విధంగా అయితే పూజ చేస్తామో అదే విధంగా పూజలు చేస్తూ రకరకాల పదార్థాలను తయారుచేసి ప్రభాస్ ఫోటోల ముందు పెట్టి, ఆపై సహపంక్తి భోజనాలు చేశారు.

ఇక ప్రస్తుతం ఈ ఫోటోలు సోషల్ మీడియాలో వైరల్ గా మారుతున్నాయి. జపనీస్ మనకంటే ప్రభాస్ పై ఎక్కువ అభిమానాన్ని చూపించడం ప్రతి ఒక్కరిలో ఆసక్తిని కలిగిస్తుంది. మొత్తంగా దేశంలోనే కాక ప్రపంచ వ్యాప్తంగా బాహుబలి బర్త్ డే సెలబ్రేషన్స్ అదిరిపోతున్నాయి.

Published On October 23, 2023