ఆలియా భట్ నా మొదటి భార్య కాదు.. రణ్​ బీర్ సంచలన వ్యాఖ్యలు..

బాలీవుడ్ లో మోస్ట్ రొమాంటిక్ లవర్ బాయ్ గా స్టార్ యాక్టర్ రణ్ బీర్ కపూర్ గుర్తింపు సంపాదించాడు. కత్రినా కైఫ్, దీపికా పదుకొణెలతో ప్రేమాయణం సాగించినా పెళ్లి వరకు ఈ వ్యవహారాన్ని తీసుకురాలేదు. ఆ తర్వాత 2018 నుంచి ఆలియా భట్, రణ్ బీర్ కపూర్ లు ప్రేమలో ఉన్నారు. వీరి వివాహం 2022, ఏప్రిల్ 14న జరిగింది. ఈ జంటకు 2022 నవంబర్ 6న ఓ బిడ్డ జన్మించింది. ఆమెకు రాహా అని నామకరణం చేశారు.

అయితే తాజాగా ఓ ఇంటర్వ్యూలో మాట్లాడిన రణ్ బీర్ కపూర్.. ఆలియా భట్ తన మొదటి భార్య కాదని సంచలన వ్యాఖ్యలు చేశాడు. ఈ వ్యాఖ్యలు ప్రస్తుతం నెట్టింట వైరల్ అయ్యాయి. ఈ ఇంటర్వ్యూలో తనకు అంతకుముందే వివాహం జరిగిందని.. కానీ అది ఎవరూ ఊహించని విధంగా జరిగిందని చెప్పుకొచ్చాడు. తాను ఇండస్ట్రీకి వచ్చిన కొత్తలో పరిచయం ఏర్పడిన ఓ అమ్మాయి గురించి ఈ ఇంటర్వ్యూలో వెల్లడించాడు రణ్ బీర్.

" ఈ విషయాన్ని నెగెటివ్ పద్ధతిలో తీసుకోవద్దు. నేను ఇండస్ట్రీకి వచ్చిన కొత్తలో నాకు గుర్తుంది. ఓ అమ్మాయి ఒక పురోహితుడితో నా ఇంటి ముందుకు వచ్చి నా గేట్ ను పెళ్లిచేసుకుంది. గేటుకు తిలకం దిద్ది.. పూలమాల వేసింది. నేను అప్పుడు వేరే ప్రేస్ లో ఉన్నాను. ఇదో క్రేజీ ఐడియా అని నాకు అనిపిస్తుంది. ఆ తర్వాత నాకు వాచ్ మెన్ ఈ విషయాన్ని చెప్పాడు. నేను ఆమెను ఇప్పటివరకూ చూడలేదు. ఆమె నా ఫస్ట్ వైఫ్ లా అనిపించింది. త్వరలో ఆమెను చూస్తానేమో" అని రణ్ బీర్ కపూర్ వెల్లడించాడు. ఆ ఆగంతకురాలిని రణ్ బీర్ ఇప్పటికీ కలవకపోయినా.. ఆమెనే తన ఫస్ట్ వైఫ్ అని ఫన్నీగా చెప్తున్నాడు. దీంతో ఈ వ్యాఖ్యలు సామాజిక మాధ్యమాల్లో వైరల్ గా మారాయి.

ఇక రణ్ బీర్ కపూర్ యానిమల్ మూవీతో పెద్ద హిట్ కొట్టాడు. టాలీవుడ్ సెన్సేషనల్ డైరెక్టర్ సందీప్ రెడ్డి వంగా ఈ చిత్రాన్ని తెరకెక్కించారు. ప్రస్తుతం నీతిశ్ కుమార్ డైరెక్షన్ లో రామాయణం మూవీ చేస్తున్నారు. అంతేకాక బ్రహ్మాస్త్ర 2 లోనూ నటిస్తున్నారు.