హరిహర వీరమల్లుపై ప్రముఖ క్రిటిక్ రివ్యూ.. కెరీర్ క్లోజ్ అంటూ దారుణంగా
పవర్ స్టార్ పవన్ కల్యాణ్ ఎంతో ప్రతిష్టాత్మకంగా భావించిన హరిహర వీరమల్లు సినిమాకు విడుదలైనప్పటి నుంచీ నెగిటివ్ టాక్ వెంటాడుతోంది. భారీ అంచనాల మధ్య విడుదలైన ఈ చిత్రం ప్రేక్షకులను ఆకట్టుకోవడంలో విఫలమైందనే అభిప్రాయం బలంగా వినిపిస్తోంది.
ఎక్కడ లోపించింది?
కథనం, దర్శకత్వం: సినిమా కథనం ఆకట్టుకోలేదని, దర్శకుడు జ్యోతి కృష్ణ అనుభవం లేకపోవడం, పవన్ కల్యాణ్ లాంటి స్టార్ హీరోను హ్యాండిల్ చేయలేకపోవడం సినిమాపై తీవ్ర ప్రభావం చూపిందని విశ్లేషకులు అభిప్రాయపడుతున్నారు. క్రిష్ జాగర్లమూడి కథ అందించినా, దాన్ని తెరపైకి తీసుకురావడంలో లోపాలున్నాయని అంటున్నారు.
కోర్ ఎమోషన్ మిస్సింగ్: సినిమాలోని ప్రధాన భావోద్వేగం సరిగా పండలేదని, ప్రేక్షకుడు సినిమాతో కనెక్ట్ కాలేకపోతున్నాడని తెలుస్తోంది. ముఖ్యంగా సెకండాఫ్ చాలా నెమ్మదిగా సాగడం, నిరాశపరచడం వంటివి సినిమాకు పెద్ద మైనస్గా మారాయి.
రాజకీయ ప్రభావం, అభిమానుల స్పందన
పవన్ కల్యాణ్ రాజకీయ వ్యాఖ్యలు, దీనికి తోడు వైసీపీ శ్రేణులు, జగన్ అభిమానుల నుంచి సినిమాకు వ్యతిరేకంగా జరిగిన ప్రచారం కూడా ఈ నెగిటివ్ టాక్ను మరింత పెంచినట్లు తెలుస్తోంది. ఇతర హీరోల అభిమానులు కూడా సోషల్ మీడియాలో 'బాయ్కాట్' ట్రెండింగ్ చేయడం సినిమా వసూళ్లపై, టాక్పై ప్రభావం చూపింది. పవన్ కల్యాణ్ అభిమానులు సైతం సినిమాపై కొంత నిరాశతో ఉన్నారని నివేదికలు చెబుతున్నాయి.
#HariHaraVerraMallu is Below Average! #PawanKalyan Career is Over forever !
— Umair Sandhu (@UmairSandu) July 24, 2025
🌟🌟
ప్రముఖ క్రిటిక్ రివ్యూ
తాజాగా ఈ సినిమాపై ప్రముఖ బాలీవుడ్ క్రిటిక్ ఉమైర్ సంధు తన రివ్యూని అందించారు.హరిహర వీరమల్లు యావరేజ్ కంటే తక్కువే అని ఆయన తేల్చేశారు. సినిమా ఏమాత్రం ఆకట్టుకోలేదని ఉమైర్ సంధు వెల్లడించారు. ఆయన మరో అడుగు ముందుకేసి ఈ సినిమాతో పవన్ కల్యాణ్ కెరీర్ ముగిసిపోయినట్టే అని ఆయన అభిప్రాయపడ్డారు. దీనికి సంబంధించి ఆయన చేసిన ట్వీట్ నెట్టింట వైరల్గా మారింది.
Click it and Unblock the Notifications
Sign in with Google