పెళ్లైన నెలకే విడాకులు..నటి షాకింగ్ కామెంట్స్

తమిళ నటుడు రోబో శంకర్ కూతురు ఇంద్రజ ఒక్కసారిగా వార్తల్లో నిలిచారు. ఆమె ఇటీవలే వివాహం చేసుకున్నారు. అయితే ఆమె విడాకులు తీసుకుంటారనే వార్త ఇప్పుడు సోషల్ మీడియాలో వైరల్‌గా మారింది. ఆ వివరాల్లోకి వెళ్తే... రోబో శంకర్‌కు తమిళ ఇండస్ట్రీలో మంచి గుర్తింపు ఉంది. బుల్లితెర షోల ద్వారా పాపులర్ అయిన రోబో శంకర్ తరువాత పలు సినిమాల్లో నటించి పాపులర్ అయ్యాడు.

తొలుత చిన్న సినిమాల్లో నటిస్తూ.. తన కెరీర్‌ను ప్రారంభించిన రోబో శంకర్..ఇప్పుడు పెద్ద హీరోల సినిమాల్లో నటించే స్టేజ్‌కి ఎదిగాడు. మారి, వాయై మూడి పేశవం, విశ్వాసం, ఎలెన్ను వందుట్టా వెల్లైకారన్ లాంటి చిత్రాలతో రోబో శంకర్ ఫుల్ పాపులారిటీని సంపాదించుకున్నాడు. ఇటీవలే రోబో శంకర్ తన కూతురు ఇంద్రజకు వివాహం చేశాడు. ఇంద్రజ కూడా పలు సినిమాల్లో నటించింది.

విజయ్ బిగిల్ చిత్రంలో ఫుట్ బాల్ ప్లేయర్‌గా నటించిన ఇంద్రజ ..విశ్వక్ సేన్ పాగల్ చిత్రంలో ఒక పాటలో మెరిసింది.తమిళ దర్శకుడు కార్తీక్‌తో ఇంద్రజ వివాహం జరిగింది. కూతురు పెళ్లి సింపుల్‌గా చేసిన రోబో శంకర్.. రిసెప్షన్ మాత్రం గ్రాండ్‌గా నిర్వహించారు. ఈ రిసెప్షన్‌కి చాలా మంది సెలబ్రిటీలు సందడి చేశారు. కమల్ హాసన్, శివకార్తికేయన్ వంటి స్టార్ హీరోలు రిసెప్షన్‌కి హాజరై వధూవరులని ఆశీర్వదించారు.

అయితే ఇంద్రజ తన భర్తకు విడాకులు ఇస్తున్నారనే ప్రచారం జరుగుతోంది. ఈ ప్రచారంపై ఇంద్రజ మండిపడ్డారు. తాజాగా ఆమె ఓ ఇంటర్వ్యూలో మాట్లాడుతూ.. ఇంకెన్ని రోజులుగా జంటగా ఇంటర్వ్యూలు చేస్తారో చూద్దాం అంటూ ఓ వ్యక్తి తమను ఉద్దేశించి కామెంట్ చేశాడని ఆమె తెలిపింది.తొందరలోనే విడాకులు కూడా తీసుకుంటారని అన్నాడని..అతని పేరు కూడా గుర్తు లేదని ఇంద్రజ శంకర్‌ తెలిపారు.

నాకు నా భర్త మూడు ముళ్లు వేయడం చూసి కూడా అలా అనడానికి నీకు మనసు ఎలా వచ్చిందని ఇంద్రజ శంకర్‌ అతన్ని ప్రశ్నించింది.. అసలు వేరొకరి జీవితంపై ఎలా కామెంట్ చేస్తారు..నాకు అర్థం కాక అడుగుతున్నాను. విడాకులు తీసుకునే దాన్ని అయితే పెళ్లి ఎందుకు చేసుకుంటాను. మా వివాహం అయి కూడా నెలరోజులు కాకముందే విడాకులు తీసుకుంటారని అనడం ఏంటని అతనిపై మండిపడింది. అతని మాటలకు నాకు చాలా బాధేసింది. ప్రస్తుతం నా భర్తతో సంతోషంగా ఉన్నాను. జీవితాంతం ఉంటాను కూడా అని ఇంద్రజ శంకర్‌ తెలిపింది. ప్రస్తుతం ఇంద్రజ కామెంట్స్ నెట్టింట వైరల్ అవుతున్నాయి.

English summary

Robo Shankar's Daughter Indraja Shankar Opens Up About Negative Comments On Her Marriage.