అతనితో సమంత కొత్త జర్నీ ప్రారంభం..?

గత కొంతకాలంగా హీరోయిన్ సమంత, దర్శకుడు రాజ్ నిడుమోరుల గురించి ఒక వార్త హల్‌చల్ చేస్తోంది. వారు డేటింగ్‌లో ఉన్నారని, త్వరలోనే పెళ్లి చేసుకోబోతున్నారని ప్రచారం జరుగుతోంది. సమంత, రాజ్ నిడుమోరు కలిసి 'ఫ్యామిలీ మ్యాన్', 'సిటాడెల్' వంటి విజయవంతమైన వెబ్ సిరీస్‌లకు పనిచేశారు. 'ఫ్యామిలీ మ్యాన్' సమయంలోనే వీరి మధ్య ప్రేమ చిగురించిందని గుసగుసలు వినిపిస్తున్నాయి.

అయితే, రాజ్ నిడుమోరుకు ఇప్పటికే వివాహం కావడంతో, ఆయన త్వరలోనే తన భార్యకు విడాకులు ఇచ్చి సమంతను పెళ్లి చేసుకునేందుకు సిద్ధమవుతున్నారని బాలీవుడ్ మీడియాలో వార్తలు వస్తున్నాయి. ఆయన భార్య సోషల్ మీడియాలో రాజ్ నిడుమోరు గురించి ఎలాంటి అప్‌డేట్స్ ఇవ్వకపోవడంతో, వారు విడిపోయారనే వార్తలకు బలం చేకూరింది.

ఈ జంట తరచుగా కలిసి కనిపించడం ఈ ఊహాగానాలకు మరింత ఆజ్యం పోసింది. సమంత నిర్మాతగా వ్యవహరించిన 'శుభం' సినిమా పనులను రాజ్ నిడుమోరు దగ్గరుండి చూసుకోవడమే కాక, కో-ప్రొడ్యూసర్‌గానూ వ్యవహరించారు. సమంత తిరుపతి వెళ్లినప్పుడు కూడా ఆయన ఆమెతో పాటు ఉన్నారు.

సమంత తన సోషల్ మీడియాలో రాజ్ నిడుమోరు భుజంపై వాలిన ఒక ఫొటోను గతంలో షేర్ చేసింది.ముంబైలో ఒకే కారులో ప్రయాణిస్తూ, జిమ్ నుంచి బయటకు వస్తూ కెమెరా కంటికి చిక్కారు.

వీటన్నింటికీ మించి, సమంత ఇంట్లో జరిగిన దీపావళి వేడుకలకు రాజ్ నిడుమోరు హాజరవ్వడం ఈ ప్రచారానికి దాదాపుగా ధృవీకరణగా మారింది. సమంత కుటుంబ సభ్యులు సైతం పాల్గొన్న ఈ వేడుకల్లో ఆయన కనిపించడంతో, నెటిజన్లు వారి డేటింగ్‌ను పక్కా అని నిర్ధారించుకుంటున్నారు.

తాజాగా సమంత షేర్ చేసిన ఓ పోస్ట్ ఇప్పుడు సంచలనంగా మారింది. ఓ ఈవెంట్ సందర్భంగా దిగిన ఫొటోలను షేర్ చేశారు. ఇందులో సమంత రాజ్ క్లోజ్‌గా ఉన్న ఫొటో కూడా ఉంది. గత ఏడాదిన్నర కాలంలో, నా కెరీర్‌లో నేను కొన్ని సాహసోపేతమైన అడుగులు వేశాను. రిస్క్‌లు తీసుకోవడం, నా అంతర్ దృష్టిని నమ్మడం మరియు నేను ముందుకు సాగుతున్నప్పుడు నేర్చుకోవడం. ఈ రోజు, నేను చిన్న విజయాలను జరుపుకుంటున్నాను.నేను కలిసిన అత్యంత తెలివైన, కష్టపడి పనిచేసే , అత్యంత ప్రామాణికమైన వ్యక్తులతో కలిసి పనిచేయడం నాకు చాలా కృతజ్ఞతగా ఉంది. చాలా నమ్మకంతో, ఇది ప్రారంభం మాత్రమే అని నాకు తెలుసు అంటూ తన పోస్ట్‌లో రాసుకొచ్చింది. దీంతో మరోసారి సమంత ,రాజ్ నిడుమోరుల బంధంపై చర్చ జరుగుతోంది.

సమంత-రాజ్ నిడుమోరుల రిలేషన్‌షిప్‌ను దాదాపు కన్ఫామ్ చేసుకున్న నెటిజన్లు, ఈ జంటకు శుభాకాంక్షలు చెబుతూ, "పెళ్లి ఎప్పుడు?" అంటూ ప్రశ్నిస్తున్నారు. వీరిద్దరూ త్వరలో పెళ్లి చేసుకోబోతున్నారనే వార్త ఇప్పుడు హాట్ టాపిక్‌గా మారింది. ఇదంతా మీడియా, సోషల్ మీడియాలో జరుగుతున్న ప్రచారం మాత్రమే. ఈ వార్తలపై సమంత కానీ, రాజ్ నిడుమోరు కానీ అధికారికంగా ఎటువంటి ప్రకటన చేయలేదు.

English summary

Complete analysis of the dating rumors between Samantha and director Raj Nidimoru. Examining their collaborations (Family Man, Citadel), Raj's divorce rumors, attending family events, and the message behind Samantha's latest emotional social media post.