విడాకుల బాట పట్టిన మరో సెలబ్రిటీ జంట ..పెళ్లై ఏడాది కాకుండానే..!
ఇటీవల కాలంలో విడాకులు తీసుకునే వారి సంఖ్య ఎక్కువగా ఉంది. అందులోనూ సెలబ్రిటీల గురించి అయితే ప్రత్యేకంగా చెప్పాల్సిన పని లేదు. ఎప్పుడు ఏ సెలబ్రిటీలు విడాకలు గురించి ప్రకటిస్తారో తెలియని పరిస్థితి. సినిమా షూటింగ్ సమయంలో ప్రేమించి పెళ్లి చేసుకోవడం , ఆ తర్వాత ఒకరినొకరు అర్థం చేసుకోలేక , కలిసి ఉండలేక విడాకుల బాట పడుతున్నారు. చాలామంది సెలబ్రిటీల జీవితాలు ఇలాగే ఉన్నాయి. భాషతో సంబంధం లేకుండా సెలబ్రిటీలు చాలామంది విడాకులు తీసుకుంటున్నారు.
తాజాగా ఈ లిస్ట్లో ఓ స్టార్ సింగర్ పేరు కూడా వినిపిస్తుంది.సింగర్ హారిక నారాయణ్ విడాకులు తీసుకొంటున్నారంటూ సోషల్ మీడియాలో పెద్ద ఎత్తున ప్రచారం జరుగుతుంది. "ఆర్ఆర్ఆర్" సినిమాలోని "ఎత్తర జెండా" పాటతో తెలుగు ప్రేక్షకుల హృదయాలను కొల్లగొట్టిన సింగర్ హారిక నారాయణ్ వైవాహిక జీవితంలో కలతలు మొదలయ్యాయా? ఆమె తన భర్తతో విడాకులు తీసుకోబోతోందా? గత కొద్ది రోజులుగా సోషల్ మీడియాలో చక్కర్లు కొడుతున్న ఈ వార్తలు టాలీవుడ్లో హాట్ టాపిక్గా మారాయి.
హారిక తన ఇన్స్టాగ్రామ్ ఖాతా నుండి తన వివాహ ,నిశ్చితార్థపు ఫొటోలను తొలగించడంతో ఈ ఊహాగానాలకు మరింత బలం చేకూరింది. అంతేకాకుండా, ఆమె భర్త పృథ్వీ వెంపటి ఇన్స్టాగ్రామ్ ఖాతాలో కూడా హారికతో దిగిన ఒక్క ఫోటో కూడా కనిపించకపోవడం అనుమానాలకు తావిస్తోంది. అయితే, ఆశ్చర్యకరమైన విషయం ఏమిటంటే, వీరిద్దరూ ఇంకా ఒకరినొకరు ఇన్స్టాగ్రామ్లో ఫాలో అవుతున్నారు.
గత ఏడాది మార్చిలో ప్రేమించి పెళ్లి చేసుకున్న ఈ జంట విడిపోవడానికి గల కారణాలు ఏమిటనేది తెలియాల్సి ఉంది. హారిక లేదా ఆమె కుటుంబ సభ్యులెవరూ ఈ విషయంపై ఇంకా స్పందించలేదు. దీంతో సోషల్ మీడియాలో అభిమానులు రకరకాల ఊహాగానాలు చేస్తున్నారు. ఇది కేవలం అపార్థమా లేక నిజంగానే వీరి బంధం ముగింపుకు వచ్చిందా అనేది వేచి చూడాలి.
హారిక నారాయణ్ తన గాత్రంతో ఎంతో మంది అభిమానులను సంపాదించుకుంది. ఆమె వ్యక్తిగత జీవితానికి సంబంధించిన ఈ వార్తలు ఆమె అభిమానులను కలవరానికి గురిచేస్తున్నాయి. ఈ విషయంపై మరింత స్పష్టత రావాలని అందరూ ఎదురు చూస్తున్నారు.
Click it and Unblock the Notifications
Sign in with Google