"ఈ సినిమా తర్వాత తనను మిస్ అవుతానేమో"

కోర్ట్ మూవీతో సూపర్ హిట్ అందుకుంది హర్ష్‌ రోషన్, శ్రీదేవి జంట. అయితే వీరిద్దరూ కలిసి చేస్తున్న మరో మూవీ 'బ్యాండ్ మేళం'.. ఈ చిత్రానికి సతీష్‌ జవ్వాజి దర్శకత్వం వహిస్తున్నారు. ఈ యూత్ ఫుల్ లవ్ స్టోరీ మార్చి 13న గ్రాండ్ గా థియేటర్లలో విడుదల కానుంది. అయితే తాజాగా ఈ మూవీకి సంబంధించిన గ్లింప్స్‌ ను వాలంటైన్స్ డే సందర్భంగా విడుదల చేశారు. టీజర్ చాలా ఆసక్తికరంగా.. ఎమోషనల్ డైలాగ్స్ తో ఉంది. మూవీపై అంచనాలను ఒక్కసారిగా పెంచేసిందీ గ్లింప్స్.

అయితే బ్యాండ్‌ మేళం మూవీ గ్లింప్స్ రిలీజ్ ఈవెంట్ లో పాల్గొన్న యువ నటి శ్రీదేవి ఆసక్తికర వ్యాఖ్యలు చేశారు. ఆమె అంతకుముందు కోర్ట్ మూవీలో హర్ష్ రోషన్ తో కలిసి నటించిన విషయం తెలిసిందే. అయితే రోషన్‌తో 'కోర్ట్' సినిమాలో చేయడం నాకు చాలా చాలా బాగా అనిపించింది. ఈ సినిమా తర్వాత తనను మిస్ అవుతానేమో.. నాకు రోషన్ మంచి కో- ఆర్టిస్ట్.. అని శ్రీదేవి ఆసక్తికర కామెంట్స్ చేశారు. ఆమె కామెంట్స్ ప్రస్తుతం సామాజిక మాధ్యమాల్లో వైరల్ అవుతున్నాయి. రోషన్- శ్రీదేవి హిట్ పెయిర్ అంటూ కామెంట్స్ చేస్తున్నారు నెటిజన్లు. బ్యాండ్‌ మేళం మూవీ కోర్ట్ మూవీకి మించిన హిట్ అవుతుందని పోస్టులు పెడుతున్నారు.

ఇదే మూవీపై నిర్మాత కోన వెంకట్ మాట్లాడుతూ 'ఈ కథ విన్నప్పుడే నాకు రోషన్‌, శ్రీదేవి అయితే బావుంటుందని అనిపించింది. నాకు జీవితాంతం గుర్తుండిపోయే సినిమాగా బ్యాండ్‌ మేళం నిలుస్తుంది' అని అన్నారు. మ్యూజిక్ డైరెక్టర్ విజయ్‌ బుల్గానిన్ మంచి ఆల్బమ్‌ ఇచ్చారు, అన్ని పాటలు అద్భుతంగా వచ్చాయని తెలిపారు. ఇక ఈ మూవీ మార్చి 13న థియేటర్లలో విడుదల కానుంది.