కేజీఎఫ్, పుష్పా, కాంతార సినిమాల రికార్డులు బ్రేక్ చేసిన హనుమాన్, అదే జరిగితే ఈనెలలో ఊస్ట్!

తెలుగులో సంక్రాంతి బరిలో విడుదలైన హనుమాన్ సినిమాపై దేశ విదేశాల్లో భారీ హంగామా చేస్తోంది. హనుమాన్ చిత్రాన్ని కన్నడలో కూడా డబ్ చేశారు. కర్ణాటకలో, నార్త్ ఇండియా, విదేశాల్లో హనుమాన్ సినిమా రోజురోజుకు భారీ కలెక్షన్లు రాబడుతోంది. నార్త్ ఇండియాలోనూ హనుమాన్ సినిమా సరికొత్త రికార్డు సృష్టించింది. ఇటీవలి రోజుల్లో పౌరాణిక, చారిత్రాత్మక చిత్రాలకు ఉత్తర భారతదేశంలో విశేష స్పందన లభిస్తోంది.

అదే బాటలో తేజ సజ్జ నటించిన హనుమాన్ సినిమా కూడా ఉత్తర భారతదేశంలో విడుదలైన హిందీ వెర్షన్ దుమ్మురేపింది. ప్రీమియర్ షోల నుంచి హనుమాన్ సినిమాకు అన్ని చోట్లా మంచి రెస్పాన్స్ వచ్చింది. మొదట్లో హనుమాన్ చిన్న సినిమా కావడంతో సరైన షోలు వేయలేదు. ఇప్పుడు డిమాండ్‌కు తగ్గట్టుగా హనుమాన్ సినిమా షోలు, స్క్రీన్‌ల సంఖ్య మెల్లమెల్లగా పెరుగుతోంది. హనుమంతు అనే యువకుడికి సూపర్ పవర్స్ వచ్చి ఏం చేస్తాడనేదే ఈ సినిమా కథ.

కథలో ప్రత్యేకంగా ఎగ్జైటింగ్‌గా ఉండేలా ప్రయత్నం చేశారు. హనుమంతు కథ గ్రాఫిక్స్ మాయాజాలంలో ప్రేక్షకులకు అద్భుతమైన అనుభూతినిస్తుందని ప్రేక్షకులు అంటున్నారు. ఈ కారణంగానే సంక్రాంతి పండుగకు కుటుంబ సమేతంగా సినిమాలు చూసేందుకు ప్రేక్షకులు సిద్ధం అయ్యారు. ప్రశాంత్ వర్మ దర్శకత్వం వహించిన ఈ సూపర్ హీరో చిత్రంలో తేజ సజ్జ సరసన కన్నడ నటి అమృత అయ్యర్ నటించింది.

వరలక్ష్మి శరత్ కుమార్, సముద్ర ఖని తదితరులు ఈ చిత్రంలో నటించారు. హనుమాన్ సినిమా విడుదల అయిన వీకెండ్ లో ఉత్తర భారతదేశంలో దుమ్ములేపుతోంది. వీకెండ్ లో హనుమాన్ సినిమా రూ.60 కోట్లకు పైగా గ్రాస్ కలెక్షన్లు రాబట్టిందని అంచనా. హిందీ వెర్షన్‌కి ఊహించని స్పందన లభిస్తోంది. తొలి వీకెండ్ లో హనుమాన్ హిందీ వెర్షన్ ఇండియాలో రూ.12. 26 కోట్లు వసూలు చేసింది. హనుమాన్ హిందీ వెర్షన్ వసూళ్లు రికార్డు సృష్టించింది.

చిన్న సినిమాగా విడుదల అయిన హనుమాన్ మూవీ ఇప్పుడు ఉత్తర భారతదేశంలో 'కేజీఎఫ్ చాప్టర్-1' 'కేజీఎఫ్-2 ', కాంతార, అల్లు అర్జున్ హీరోగా నటించిన 'పుష్ప' సినిమాల మొదటి వీకెండ్ కలెక్షల రికార్డులను బద్దలు కొట్టింది. ఈ మేరకు తరుణ్ ఆదర్శ్ ట్వీట్ చేశారు. శుక్రవారం రూ. 2.15 కోట్లు. శనివారం హనుమాన్ సినిమా రూ.4. 05 కోట్లు రాబట్టింది. ఆదివారం రికార్డు స్థాయిలో రూ.6. 06 కోట్లు రాబట్టుకోవడంతో అందరి అంచనాలు తల్లకిందలు చేసిన హనుమాన్ సినిమా కేజీఎఫ్, కాంతార, పుష్ప రికార్డులను తిరగరాసిందని తరణ్ ఆదర్శ్ ట్విట్ చేశాడు.

Here’s the BIGGG SURPRISE… #HanuMan first *3-day* [opening weekend] total is HIGHER than #KGF [first part] and #Kantara, at par with #Pushpa [note: all #Hindi dubbed versions]… Yes, you read it right!#HanuMan emerges FIRST HIT OF 2024… Packs an impressive total in its… pic.twitter.com/OkzYxnmkmc

— taran adarsh (@taran_adarsh) January 15, 2024

నార్త్ ఇండియాలో రోజురోజుకు హనుమాన్ సినిమా షోల సంఖ్య పెరుగుతోందని, బాలీవుడ్ ప్రేక్షకులు సినిమా చూసేందుకు ఎగబడుతున్నారని ఆయన ట్వీట్ చేశాడు. కత్రినా కైఫ్, విజయ్ సేతుపతి నటించిన 'మెర్రీ క్రిస్మస్' ఈ వారం విడుదలైందని, కానీ హనుమాన్ హవాతో ఆ సినిమా జోరు తగ్గిపోయిందని, హృతిక్ రోషన్ నటించిన ఫైటర్ చిత్రం జనవరి 25వ తేదీన విడుదల కానుందని, అప్పటి వరకు హిందీ బాక్సాఫీస్ వద్ద హనుమాన్ కు బ్రేకులు వేసే వారు ఎవరు లేరని తరుణ్ ఆదర్శ్ ట్విట్ చేశారు.

దక్షిణ భారత దేశంలో నిర్మించిన చిన్న సినిమాలను ఇప్పుడు హిందీలోకి డబ్ చేస్తున్నారు. ముఖ్యంగా ఉత్తర భారత ప్రజలు మన సంస్కృతి, మతపరమైన ఆలోచనలతో తీసిన సినిమాల కోసం తహతహలాడుతున్నారు. ఇటీవల బాలీవుడ్‌లో చాలా చిన్న సినిమాగా విడుదల అయిన కన్నడ కాంతర, తెలుగులో కార్తికేయ-2తో పాటు పలు సినిమాలు ఘనవిజయం సాధించాయి.

అదే వరుసలో ఇప్పుడు హనుమాన్ సినిమా కూడా చేరింది. హనుమాన్ సినిమా ఆంధ్రప్రదేశ్, తెలంగాణ, కర్ణాటకలతో పాటు ఉత్తర భారతదేశంలో కూడా ప్రసిద్ధి చెందింది. కర్ణాటకలో ఫస్ట్ వీకెండ్ లో హనుమాన్ సినిమా గ్రాస్ కలెక్షన్ 2 కోట్లకు పైగానే ఉంటుందని అంచనా. విదేశాల్లో కూడా హనుమాన్ సినిమాను ప్రేక్షకులు ఆదరిస్తున్నారని సినీవిశ్లేషకులు అంటున్నారు.

English summary

The Hindi version of Hanuman is rewriting the records of KGF, Kantara and Pushpa