టాలీవుడ్‌ ప్ర‌ముఖ ద‌ర్శ‌కుడికి మేజ‌ర్ స‌ర్జ‌రీ..?

తెలుగు చిత్ర‌ప‌రిశ్ర‌మ‌కు మ‌రో షాకింగ్ న్యూస్ అందింది. టాలీవుడ్ ప్ర‌ముఖ ద‌ర్శ‌కుడు వీవీ వినాయ‌క్ లివ‌ర్ స‌ర్జ‌రీ చేయించుకున్నారు. గత కొంత‌కాలంగా తీవ్ర ఆనారోగ్యంతో బాధ‌ప‌డుతున్న ఆయ‌న మేజ‌ర్ లివ‌ర్ స‌ర్జ‌రీ చేయించుకున్న‌ట్లు తెలుస్తోంది. ప్రస్తుతం సర్జరీ ముగిసి, ఆయన విశ్రాంతి తీసుకుంటున్న‌ట్లు స‌మాచారం. ప్రస్తుతం ద‌ర్శ‌కుడు వీవీ వినాయ‌క్ ఎల్బీనగర్ లో ఉన్న కామినేని హాస్పిటల్స్ లో చికిత్స పొందుతున్నారు. ఆయన ఆరోగ్య పరిస్థితి నిల‌క‌డ‌గానే ఉన్న‌ట్లు వైద్యులు చెబుతున్నారు.

గ‌త కొంత కాలంగా తీవ్ర ఆనారోగ్యంతో బాధ‌ప‌డుతున్న ఆయ‌న సినిమాల‌కు దూరంగా ఉన్నారు. ఆయ‌న చివ‌ర‌గా ఛత్రపతి సినిమాని హిందీలో రీమేక్ చేశారు. ఈ సినిమాలో సాయి శ్రీనివాస్ హీరోగా న‌టించారు. ఈ చిత్రం గత ఏడాది బాలీవుడ్‌లో విడుద‌ల‌య్యి దారుణంగా ప్లాప్ అయ్యింది. అప్ప‌టినుంచి వీవీ వినాయ‌క్ ఎలాంటి ప్రాజెక్టు తీయ‌లేదు. అనౌన్స్ చేయలేదు. దిల్ రాజు ప్రొడక్షన్స్ లో ఓ చిత్రం అనౌన్స్ చేశారు కానీ అది పలు కారణాలతో ఆదిలోనే ఆగిపోయింది. ఆ సినిమాలో వీవీ వినాయ‌క్‌నే హీరోగా అనుకున్నార‌ట‌.. వివి వినాయక్ ఆరోగ్యం పై వస్తున్న వార్తలతో ఆయ‌న అభిమానులు తీవ్ర ఆందోళన వ్యక్తం చేస్తున్నారు.

అలాగే, వి వినాయక్ రాయదుర్గంలో కొన్నేళ్ళ క్రితం ఒక ఖరీదైన బంగ్లాని నిర్మించుకున్నారు. కానీ, ఆ బంగ్లాని అమ్మి ఇటీవ‌లే కోకాపేట్ లో ఉన్న ఒక పోష్ అపార్ట్మెంట్ లోకి షిఫ్ట్ అయ్యారు. అయితే, ఆయ‌న ఆరోగ్య ప‌రిస్థితి తెలుసుకున్నఅభిమానుల‌, ఆయన త్వరలోనే కోలుకుని మళ్లీ సినిమాలు తీయాలని కోరుకుంటున్నారు. తాజాగా మాస్ మ‌హారాజా ర‌వితేజ‌కు సినిమా షూటింగ్‌లో ప్ర‌మాదం జ‌ర‌గ‌డం, ఆయ‌న‌కు చిన్న‌పాటి స‌ర్జ‌రీ అవ్వ‌డం తెలిసిన సంగ‌తే. ఇక‌, ర‌వితేజ ఆసుప‌త్రి నుంచి డిశ్చార్జీ అయిన‌ట్లు సోష‌ల్‌మీడియాలో ఓ ట్వీట్ కూడా షేర్ చేశారు.

English summary

Tollywood famous director major surgery..?