VenkyAnil5: మ్యూజిక్ డైరెక్టర్ ను పాతిపెట్టడం ఏంట్రా బాబు..!

ఇండస్ట్రీలో కొన్ని కాంబినేషన్లు అస్సలు బోర్ కొట్టవు.. ఆ ఇద్దరూ వచ్చారంటే బాక్సాఫీస్ వద్ద రచ్చ రచ్చే.. ఫ్యామిలీస్ కు ఇక పండగే.. ఆ క్రేజీ కాంబో ఇప్పటివరకు నాలుగు సినిమాలు చేశారు. అన్నీ బ్లాక్ బస్టర్ హిట్సే.. ఇంతకీ వాళ్లు ఎవరా అని ఆలోచిస్తున్నారా..? వాళ్లే విక్టరీ వెంకటేశ్- అనిల్ రావిపూడి.. వెంకీ- అనిల్ రావిపూడి కాంబో అంటే సంక్రాంతి పండగ వచ్చినట్లే.. వీరిద్దరి కాంబోలో వచ్చిన ఎఫ్ 2, ఎఫ్ 3, సంక్రాంతికి వస్తున్నాం, మనశంకర వరప్రసాద్ ఇలా వరుసగా నాలుగు సినిమాలు బాక్సాఫీస్ వద్ద బ్లాక్ బస్టర్ విజయాలు సాధించాయి. ఇప్పుడు ఈ క్రేజీ కాంబో మరోసారి రిపీట్ కానున్న విషయం తెలిసిందే. ఈ మూవీ వెంకటేశ్ తో పాటు నందమూరి కల్యాణ్ రామ్ కూడా కీలక పాత్ర చేస్తున్నారు. దాంతో ఈ మూవీపై అంచనాలు భారీగా పెరిగాయి.

ఈ క్రేజీ మల్టీస్టారర్ ప్రాజెక్ట్ కు సంబంధించి కీలకమైన అప్డేట్ ఇచ్చింది చిత్ర బృందం. ఈ సినిమా మ్యూజిక్ డైరెక్టర్‌ ను అనౌన్స్ చేస్తూ ఒక క్రేజీ అప్‌డేట్ ఇచ్చింది. ఈ మూవీకి ప్రముఖ మ్యూజిక్ డైరెక్టర్ జీవీ ప్రకాష్ కుమార్ స్వరాలు సమకూర్చనున్నారు. ఇదే విషయాన్ని డైరెక్టర్ అనిల్ రావిపూడి తనదైన శైలిలో సినిమాలోకి వెల్ కమ్ చెప్పారు. ఇందుకు సంబంధించిన వీడియో ప్రస్తుతం సామాజిక మాధ్యమాల్లో వైరల్ అవుతోంది. ఈ వీడియోలో దర్శకుడు అనిల్ రావిపూడి, జీవీ ప్రకాశ్ కుమార్ సముద్రం ఒడ్డున కూర్చుని ఉంటారు. జంధ్యాల గారి చిత్రంలోని ఓ క్లాసిక్ సీన్ నూ రీ క్రియేట్ చేస్తూ అనిల్ రావిపూడి నెటిజన్లను నవ్వించే ప్రయత్నం చేశారు.

Classu Paata... Massu Paata...
Emotional Paata... Melody Paata... BGM Paata... 🎶🔥

Chartbuster paatalu kosam,
Mana Blockbuster Music Director ni lock chesam 😎🎵

Welcoming National Award-winning @gvprakash garu on board for #VenkyAnil5 - #NKRAR2 ❤️‍🔥

— https://t.co/Zqd5uLeRur… pic.twitter.com/ynvnuEYm7T

— Shine Screens (@Shine_Screens) June 12, 2026

ఈ చిత్రాన్ని షైన్ స్క్రీన్స్ బ్యానర్ పై సాహు గారపాటి, హరీష్ పెద్ది- జీ స్టూడియోస్, సురేష్ ప్రొడక్షన్స్ సంయుక్తంగా నిర్మిస్తున్నాయి. ఈ మూవీ రెగ్యులర్ షూటింగ్ త్వరలోనే ప్రారంభం కానుంది. ఈ మూవీలో వెంకటేశ్ సరసన కీర్తి సురేష్ నటించనున్నట్లు సమాచారం. అలాగే కల్యాణ్ రామ్ సరసన కృతి శెట్టి నటించనున్నట్లు తెలుస్తోంది. ఈ మూవీ వచ్చే ఏడాది సంక్రాంతి లేదా సమ్మర్ కానుకగా విడుదల కానున్నట్లు సమాచారం.