2024లో విడాకులు తీసుకునే జంటలు వీళ్లే.. వేణు స్వామి జోస్యం

ప్రముఖ జ్యోతిష్యుడు వేణు స్వామి మరోసారి వార్తల్లో నిలిచారు. సినీ, రాజకీయ ప్రముఖుల జాతకాలు చెబుతూ సోషల్ మీడియాలో విపరీతమైన ఫాలోయింగ్ సంపాదించారు. డింపుల్ హాయతి, రష్మిక, నిధి ఆగర్వాల్ వంటి హీరోయిన్లు వేణు స్వామి చేత జాతక దోష నివారణ పూజలు చేయించుకున్నారంటే ఆయన ప్రభావం ఏ స్థాయిలో ఉందో అర్థం చేసుకోవచ్చు.

దీంతో ఆయన క్రేజ్ ఆమాంతం పెరిగిపోయింది. ఇక ప్రభాస్ జాతకం గురించి చెప్పి వేణు స్వామి మాటలు పెను సంచలనమే సృష్టించాయి. ప్రభాస్ జాతకం బాలేదని... ఆయనకు హిట్లు వచ్చే అవకాశం లేదని.. ప్రభాస్ ఆరోగ్యం కూడా సరిగా లేదని అతి త్వరలోనే ఆయన సినిమాలకు గుడ్ బై చెప్పబోతున్నారని వేణు స్వామి షాకింగ్ కామెంట్స్ చేశారు.

తాజాగా ఆయన 2024లో విడిపోయే సెలబ్రిటీల లిస్ట్ గురించి చెప్పుకొచ్చారు. 2024లో ఇద్దరు టాప్ సెలబ్రిటీలు విడాకులు తీసుకోవడం ఖాయమని వేణు స్వామి తెలిపారు. గతేడాది పెళ్లి చేసుకున్న వరుణ్ తేజ్ - లావణ్య త్రిపాఠిలు ఓ మహిళ కారణంగా విడాకులు తీసుకుంటారని సంచలన కామెంట్స్ చేశారు. వీరితో పాటు, పవర్ స్టార్ పవన్ కల్యాణ్ మూడోసారి విడాకులు తీసుకుంటారని ఆయన తెలిపారు.

మూడో భార్య అన్న లెజ్నోవాకు విడాకులిస్తారని, తరువాత పవన్ నాలుగో పెళ్లి కూడా పెళ్లి కూడా చేసుకుంటారని కుండ బద్దలు కొట్టేశారు. రష్మిక - విజయ్ దేవరకొండ పెళ్లి చేసుకుంటే విడాకులు తీసుకుంటారని..ఇదే విషయాన్ని వారికి తెలియజేశానని వేణు స్వామి తెలిపారు.

ప్రభాస్ పెళ్లి చేసుకుంటే ఈ ఏడాదే అని.. లేకపోతే ఆయనకు పెళ్లి కావడం కష్టమని చెప్పుకొచ్చారు. ఆయనకు అనారోగ్య కారణంగా పెళ్లి జరగపోవచ్చంటూ సంచలన వ్యాఖ్యలు చేశారు. ప్రస్తుతం దీనికి సంబంధించిన వీడియో సోషల్ మీడియాలో వైరల్ అవుతుంది.

English summary

venu swamy prediction on celebrities who will break up this year.